მემორანდუმი ითვალისწინებს საქართველოსა და სინგაპურს შორის უმაღლესი განათლების სფეროში პირველი გაცვლითი პროგრამის შექმნას და ორ ქვეყანას შორის კერძო სექტორის მიერ დაფინანსებული პირველი ფინტექ სტიპენდიის პროგრამის ამოქმედებას.შეთანხმების საფუძველზე შეიქმნება საქართველო-სინგაპურის ფინტექის სტიპენდიანტთა პროგრამა (Georgia-Singapore Fintech Scholars Programme), რომელიც ქართველ სტუდენტებს შესაძლებლობას მისცემს აკადემიური და პრაქტიკული ცოდნა მიიღონ სინგაპურში, მსოფლიოს ერთ-ერთ წამყვან ფინტექ ეკოსისტემაში.საქართველო-სინგაპურის ფინტექის მომავალ ლიდერთა სასტიპენდიო პროგრამის შექმნის შესახებ შეთანხმება სინგაპურში საქართველოს პრემიერ-მინისტრის ირაკლი კობახიძის ვიზიტის ფარგლებში გაფორდა. მისი დეტალები გუშინ „თბილისის ფინანსური სამიტის“ ფარგლებში გახდა ცნობილი. წლევანდელი სამიტის განსაკუთრებული სიახლე სწორედ საგანმანათლებლო კომპონენტია, რადგან ფინანსური და ტექნოლოგიური სექტორის განვითარება უშუალოდაა დაკავშირებული კვალიფიციური კადრების მომზადებასა და ახალგაზრდებისთვის ახალი შესაძლებლობების შექმნასთან. პროგრამის მონაწილეები სინგაპურის ერთ-ერთ წამყვან უნივერსიტეტში ისწავლიან და შესაძლებლობა ექნებათ გაეცნონ სინგაპურის, როგორც მსოფლიოს ერთ-ერთი უმნიშვნელოვანესი ფინანსური ცენტრის ფინტექ ეკოსისტემას.საქართველო-სინგაპურის გაცვლითი პროგრამა მომავალი წლიდან დაიწყება. იგი თსუ-ს ბიზნესისა და STEM მიმართულებების საუკეთესო სტუდენტებს შესაძლებლობას მისცემს ერთი სემესტრი გაატარონ Singapore Management University-ში (SMU). პროგრამა მხოლოდ აკადემიური სწავლებით არ შემოიფარგლება და სტუდენტების პროფესიული განვითარების მრავალმხრივ შესაძლებლობებს მოიცავს. აღნიშნული ითვალისწინებს სპეციალურად შემუშავებულ სასწავლო აქტივობებს, ფინტექ ინდუსტრიასთან უშუალო თანამშრომლობასა და მენტორობას სინგაპურში ყოფნის მთელი პერიოდის განმავლობაში. მისი წარმატებით დასრულების შემთხვევაში მონაწილეებს მიეცემათ შესაძლებლობა, სტაჟირება გაიარონ პარტნიორ ორგანიზაციებში.ამასთან, სტიპენდიატები გახდებიან GFTN-ის გლობალური ქსელის „ცოდნის წრის“ წევრები. ეს არის საერთაშორისო პროფესიული ქსელი, რომელიც მონაწილეებს ცოდნის გაზიარებისა და კარიერული განვითარების შესაძლებლობებს სთავაზობს. პროგრამას Tether და Pave Bank აფინანსებენ.მხარეებს შორის ოფიციალური მემორანდუმის გაფორმების ცერემონიას კომპანია Tether-ის გაფართოების დირექტორი მარკო დალ ლაგო, განათლებისა და მეცნიერების მინისტრის მოადგილე ზვიად გაბისონია და ეროვნული ბანკის პირველი ვიცე-პრეზიდენტი ეკატერინე მიქაბაძე ესწრებოდნენ. სებ-ის პირველი ვიცე-პრეზიდენტის განცხადებით მისასალმებელია, რომ საქართველოსა და სინგაპურს შორის მნიშვნელოვანი საგანმანათლებლო და პროფესიული თანამშრომლობა ახალ ეტაპზე სწორედ „თბილისის ფინანსური სამიტის“ ფარგლებში გადავიდა.„ახალგაზრდებში ფინანსურ და ეკონომიკური წიგნიერებაზე ზრუნვა საქართველოს ეროვნული ბანკის ერთ-ერთი მთავარი პრიორიტეტია. გვჯერა, რომ ახალგაზრდა თაობისთვის საფუძვლიანი ფინანსური ცოდნის მიცემა, ეკონომიკური პროცესების სიღრმისეული გააზრების ხელშეწყობა აუცილებელია როგორც ჯანსაღი ფინანსური სისტემის, ასევე ინკლუზიური და მდგრადი ეკონომიკის ჩამოსაყალიბებლად. ჩვენ აქტიურად ვთანამშრომლობთ საქართველოში მოქმედ უნივერსიტეტებთან, რათა დავეხმაროთ სტუდენტებს მათთვის თანამედროვე ტენდენციების, საუკეთესო გამოცდილებისა და უახლესი მონაცემების გაზიარების გზით. ეს პროგრამა არა მხოლოდ ქართველ სტუდენტებს გაუხსნის ახალ შესაძლებლობებს, არამედ კიდევ უფრო გააღრმავებს საქართველოსა და სინგაპურს შორის თანამშრომლობას ფინანსური ინოვაციების, განათლებისა და ადამიანური კაპიტალის განვითარების მიმართულებით“, - განაცხადა სებ-ის პირველმა ვიცე-პრეზიდენტმა ეკატერინე მიქაბაძემ.შეგახსენებთ, რომ მასშტაბური საერთაშორისო ღონისძიება წელს თბილისში, „შერატონ გრანდ მეტეხი პალასში“, უკვე მეორედ გაიმართა. სამიტის თანაორგანიზატორები არიან საქართველოს ეროვნული ბანკი, საქართველოს ეკონომიკისა და მდგრადი განვითარების სამინისტრო და სინგაპურის გლობალური ფინანსური და ტექნოლოგიური ქსელის (GFTN). ერთობლივად ორგანიზებულ სამიტზე მონაწილეობდნენ საქართველოს მთავრობის პირველი პირები, მსოფლიოს სხვადასხვა ქვეყნიდან მოწვეული ფინტექ ინდუსტრიისა და ფინანსური სექტორის ლიდერები, საერთაშორისო კომპანიებისა და ინოვაციური ტექნოლოგიების სფეროს წარმომადგენლები. სამიტის მიზანია ფინანსური ტექნოლოგიების განვითარება, საერთაშორისო თანამშრომლობის გაღრმავება და საქართველოს, როგორც რეგიონული ფინანსური და ტექნოლოგიური პლატფორმის, როლის განმტკიცება.

1793274582

ნაღდი ფულის მართვა ბიზნესისთვის გულისხმობს თანხის შეგროვებას, ჩაბარებასა და საბანკო ანგარიშზე ასახვას. თიბისი ბიზნესკლიენტებს ამ პროცესების გასამარტივებლად ინკასაციის, ნაღდი ფულის მიმღები თვითმომსახურების აპარატების (CDM), TBC Pay-ის ტერმინალებისა და Cash Box-ის სერვისებს სთავაზობს. ბანკს 100 მოქმედი CDM აქვს, მათგან 30 უშუალოდ კორპორატიული კლიენტების ლოკაციებზეა განთავსებული. შედეგად, ამ არხით წლიურად თიბისის მიერ შეგროვებული ნაღდი ფულის მოცულობამ 8 მილიარდს მიაღწია.ბანკი განსაკუთრებულ ყურადღებას უთმობს სერვისების გაციფრულებასა და ავტომატიზაციას. თიბისი პირველია საქართველოში, რომელმაც ნაღდი ფულის მართვის პროდუქტებზე იურიდიული პირებისთვის სრულად ციფრული ელექტრონული ხელმოწერა დანერგა.„თიბისისთვის მომხმარებლის ნდობა ყველაზე მნიშვნელოვანია. ამიტომ განსაკუთრებით გვახარებს Euromoney-ს ჯილდო, რომელიც კორპორატიული კლიენტების შეფასებით მივიღეთ. ჩვენი გუნდი ყოველდღიურად მუშაობს მათთან და სერვისებს მათი საჭიროებების მიხედვით აუმჯობესებს. ჩვენი მიზანია, ფულადი სახსრების მართვა უფრო მარტივი და მოსახერხებელი გავხადოთ. სწორედ ერთობლივი მუშაობის შედეგია, რომ დღეს ნაღდი ფულის დეპოზიტების დაახლოებით 70% ტრადიციული ფილიალიდან ავტომატიზებულ არხებზე გადავიდა. Euromoney-ს ჯილდო ჩვენი ყოველდღიური ძალისხმევის მნიშვნელოვანი აღიარებაა”, - ქეთევან კანდელაკი, თიბისის არასაკრედიტო პროდუქტების ბიზნესის მართვის დეპარტამენტის დირექტორი.

1793273400

„ამ მხრივ ჩვენ ვხედავთ ძალიან ძლიერ მხარდაჭერას და ეროვნული ბანკის აქტიურობას ფინანსური ინოვაციების სფეროში, რაც უკიდურესად მნიშვნელოვანია“, – აღნიშნა ჩეხეთის ცენტრალური ბანკის ყოფილმა პრეზიდენტმა.მისივე თქმით, თბილისის ფინანსური სამიტი გამორჩეული ღონისძიება იყო, რომელმაც თავი მოუყარა ფინტექ სექტორის წარმომადგენლებს და საშუალება მისცა მონაწილეებს, ბევრი რამ ესწავლათ არა მხოლოდ სტაბილურ მონეტებზე, არამედ სხვადასხვა მნიშვნელოვან გადაწყვეტაზე.„პანელი, რომელსაც მე ვხელმძღვანელობდი, ფოკუსირებული იყო ტრანსსასაზღვრო გადახდებზე, მაგრამ არსებობს მთელი რიგი სხვა საკითხები. ასე რომ, სამომავლოდ, თუ ვინმეს სურს, იცოდეს, რას უნდა ველოდოთ ფინანსურ სექტორში ინოვაციების კუთხით, ეს არის შესანიშნავი ადგილი ამ თემებზე სასაუბროდ. მჯერა, რომ ორ-სამ წელიწადში ჩვენ ვიხილავთ ბევრ ახალ ინოვაციას ფინანსურ სექტორში. კარგად მახსოვს, რომ ხუთი-ათი წლის წინ ფინანსური სექტორი სრულიად განსხვავებული იყო და მას შემდეგ იაფი გადახდები უზარმაზარია. როგორც წესი, ახალი ტექნოლოგიები ფოკუსირებულია მომხმარებლებზე, აუმჯობესებს მათ მომსახურებას და გამოცდილებას. დარწმუნებული ვარ, მომდევნო ორ-სამ წელიწადში ჩვენ კიდევ უფრო მეტ ინოვაციას ვიხილავთ ფინანსურ სექტორში“, – აღნიშნა ჟდენეკ ტუმამ.თბილისის ფინანსური სამიტის ფარგლებში ჟდენეკ ტუმამ მოდერატორობა გაუწია პანელს, სახელწოდებით „რეგიონული დაკავშირებადობის ინფრასტრუქტურის განვითარება“. პანელის მომხსენებლები იყვნენ საქართველოს ეროვნული ბანკის ვიცე-პრეზიდენტი ეკატერინე გალდავა, Swift-ის გადახდების ბაზრის განვითარების ხელმძღვანელი ჯიმ სოიდემირი, UnionPay-ის ვიცე-პრეზიდენტი ლუ ჰენგი და ინდოეთის ეროვნული გადახდების კორპორაციის ბიზნესის ხელმძღვანელი კიშან სრინივაში.დისკუსიის მთავარი თემა ქვეყნებს შორის გადახდების განვითარება, ფინანსური ინფრასტრუქტურის ურთიერთთავსებადობა და რეგიონული ფინანსური კავშირების გაძლიერება იყო.პანელის მონაწილეებმა, რომლებსაც ქვეყნებს შორის გადახდების განვითარებისა და საგადახდო ინფრასტრუქტურების ურთიერთდაკავშირების მიმართულებით მნიშვნელოვანი საერთაშორისო გამოცდილება აქვთ, სხვადასხვა ქვეყნის პრაქტიკაზე დაყრდნობით გააზიარეს საკუთარი გამოცდილება და ხედვები სწრაფი, უსაფრთხო და ეფექტიანი გადახდების განვითარების შესაძლებლობებსა და გამოწვევებზე.თბილისის ფინანსურმა სამიტმა წელს 60-მდე ქვეყნის 1000-მდე მონაწილეს უმასპინძლა.

1793272962

„ევროპის ცენტრალური ბანკის პრეზიდენტმა კრისტინ ლაგარდმა დღეს მმართველ საბჭოსა და ევროპული საბჭოს პრეზიდენტ ანტონიუ კოშტას აცნობა, რომ თანამდებობას 2027 წლის 7 თებერვალს დატოვებს“, – ნათქვამია ევროპის ცენტრალური ბანკის განცხადებაში.„როიტერის“ ცნობით, ლაგარდის შემცვლელის მთავარ კანდიდატებად ნიდერლანდებისა და ესპანეთის ცენტრალური ბანკების ყოფილი ხელმძღვანელები, კლას ნოტი და პაბლო ერნანდეს დე კოსი, მოიაზრებიან.ლაგარდის უფლებამოსილების ვადა 2027 წლის ოქტომბრის ბოლოს უნდა ამოწურულიყო, თუმცა მისი ვადაზე ადრე წასვლის შესახებ ცნობები რამდენიმე თვის განმავლობაში ვრცელდებოდა. ერთ-ერთ შესაძლო მიმართულებად მსოფლიო ეკონომიკურ ფორუმზე მისი დანიშვნა სახელდებოდა.

1793272801

დისკუსიის მთავარი თემა ქვეყნებს შორის გადახდების განვითარება, ფინანსური ინფრასტრუქტურის ურთიერთთავსებადობა და რეგიონული ფინანსური კავშირების გაძლიერება იყო.პანელის მონაწილეებმა, რომლებსაც ქვეყნებს შორის გადახდების განვითარებისა და საგადახდო ინფრასტრუქტურების ურთიერთდაკავშირების მიმართულებით მნიშვნელოვანი საერთაშორისო გამოცდილება აქვთ, სხვადასხვა ქვეყნის პრაქტიკაზე დაყრდნობით გააზიარეს საკუთარი გამოცდილება და ხედვები სწრაფი, უსაფრთხო და ეფექტიანი გადახდების განვითარების შესაძლებლობებსა და გამოწვევებზე.საუბარი ასევე შეეხო როგორც ტრადიციულ საგადახდო ტექნოლოგიებზე დაფუძნებული პროდუქტებისა და სერვისების, ისე სტაბილკოინების გამოყენების პოტენციალს საერთაშორისო გადახდებში, ასევე მათთან დაკავშირებულ მარეგულირებელ გამოწვევებს.ეკატერინე გალდავამ მონაწილეებს საქართველოს ეროვნული ბანკის, როგორც რეგულატორის, ხედვა და გამოცდილება გაუზიარა, მათ შორის, საგადახდო ინფრასტრუქტურის განვითარების, ინოვაციების ხელშეწყობისა და შესაბამისი რისკების მართვის მიმართულებით.„ქვეყნებს შორის გადახდების განვითარებისთვის მნიშვნელოვანია არა მხოლოდ თანამედროვე ტექნოლოგიების დანერგვა, არამედ საგადახდო ინფრასტრუქტურების ურთიერთთავსებადობა, საერთო სტანდარტების არსებობა და მარეგულირებლებს შორის თანამშრომლობა. საქართველოს ეროვნული ბანკი აქტიურად მუშაობს როგორც არსებული საგადახდო ინფრასტრუქტურის მოდერნიზაციაზე, ისე ახალი სისტემებისა და სერვისების დანერგვაზე. ამასთან, ჩვენ ღია ვართ ინოვაციური ტექნოლოგიების მიმართ, ვსწავლობთ მათ შესაძლებლობებსა და გამოწვევებს და ვცდილობთ, ისეთი მარეგულირებელი გარემო შევქმნათ, რომელიც ხელს შეუწყობს ინოვაციების განვითარებას და ამავდროულად უზრუნველყოფს შესაბამისი რისკების ეფექტიან მართვას“, - განაცხადა ეკატერინე გალდავამ.პანელურ დისკუსიაში ეკატერინე გალდავასთან ერთად მონაწილეობდნენ SWIFT-ის, UnionPay International-ისა და ინდოეთის ეროვნული გადახდების კორპორაციის (NPCI) წარმომადგენლები. დისკუსიას ჩეხეთის ეროვნული ბანკის ყოფილი პრეზიდენტი ზდენეკ ტუმა უძღვებოდა.„თბილისის ფინანსური სამიტი“ საქართველოს ეროვნული ბანკის, საქართველოს ეკონომიკისა და მდგრადი განვითარების სამინისტროსა და Global Finance & Technology Network-ის (GFTN) თანამშრომლობით გაიმართა და ფინანსური ტექნოლოგიების, ინოვაციებისა და რეგიონული თანამშრომლობის საკითხებზე საერთაშორისო დიალოგის მნიშვნელოვან პლატფორმას წარმოადგენს.

1793272536

73 - მომხრე, 5 - წინააღმდეგი - ამ შედეგი დასრულდა კენჭისყრა პარლამენტში, რომლითაც საკანონმდებლო ცვლილებათა პროექტი „ლატარიების, აზარტული და მომგებიანი თამაშობების მოწყობის შესახებ“, კანონმდებლებმა საბოლოო მოსმენით მიიღეს. ორდღიანი განხილვის პროცესში, კანონპროექტი დაკორექტირდა კიდეც. კერძოდ, საერთაშორისო აზარტული ტურნირის ჩატარებისთვის აუცილებელი პირობა იქნება ის, რომ მასში მონაწილეების საერთო რაოდენობის 80% უცხო ქვეყნის მოქალაქეები უნდა იყვნენ, ნაცვლად 70%-სა, რაც პროექტის პირვანდელი ვარიანტით იყო განსაზღვრული.გარდა ამისა, კანონის პროექტის პირვანდელი ვერსიიდან ამოიღეს მუხლი, რომლითაც არაუფლებამოსილი პირის მიერ საერთაშორისო აზარტული ტურნირის ორგანიზება, მის დაჯარიმებას ითვალისწინებდა 150 000 ლარით. პროექტის თანახმად, თუ ორგანიზატორი კლუბის მაგიდას მხოლოდ საერთაშორისო აზარტული ტურნირის ჩატარებისთვის იყენებს და საერთაშორისო აზარტული ტურნირის საპრიზო ფონდი 3 მილიონ ლარს აღემატება, ის კლუბის მაგიდისთვის დაწესებულ სათამაშო ბიზნესის მოსაკრებელს არ გადაიხდის.იმავდროულად, ორგანიზატორს უფლება ექნება საერთაშორისო აზარტული ტურნირის ჩატარების შედეგად შემოსავალი მიიღოს. საერთაშორისო აზარტული ტურნირის ორგანიზება დასაშვები იქნება, როგორც სამორინეს მოწყობის ნებართვით ორგანიზებულ ობიექტზე, ისე მის გარეთ.ფიზიკური პირის მიერ საერთაშორისო აზარტულ ტურნირში მონაწილეობის შედეგად მიღებული დასაბეგრი შემოსავალი 20%-ით დაიბეგრება. ამასთან, არ დაიბეგრება უცხო ქვეყნის მოქალაქის მიერ იმ საერთაშორისო აზარტულ ტურნირში მონაწილეობის შედეგად მიღებული შემოსავალი, რომლის საპრიზო ფონდი 3 000 000 ლარს აღემატება. ახალი ცვლილებით, საერთაშორისო აზარტული ტურნირების მოწყობის სანებართვო პირობების დარღვევისათვის ჯარიმა 50 000 ლარია.ჯანდაცვის მსოფლიო ორგანიზაციის მიერ, ლუდომანია (აზარტულ თამაშებზე დამოკიდებულება) ზუსტად ისეთივე დაავადებაა, როგორიც ნარკომანია და ალკოჰოლდამოკიდებულებაა. საბოლოო ჯამში, სამივე მათგანი ისეთ დამოკიდებულებას იწვევს, რის გამოც ადამიანი, ხშირ შემთხვევაში, სისხლის სამართლის დანაშაულსაც სჩადის. სწორედ ამიტომ, მსოფლიოს ყველა ქვეყანაში, ლუდომანიაც ისე იზღუდება, როგორც ნარკომანია და თუნდაც ალკოჰოლდამოკიდებულება.სწორედ ამ კონტექსტის გათვალისწინებით, „რეზონანსი“ დაინტერესდა, ცვლილებების ახალი პროექტით, ხელისუფლება ირიბად ხომ არ უწყობს ხელს ლუდომანიას? ეკონომიკის ექსპერტების შეფასებით, საკითხი ასე არ დგას. ისინი პირდაპირ აცხადებენ, რომ ეს ცვლილებები აზარტულ თამაშებს არ ახალისებს, არამედ საერთაშორისო ტურნირების ორგანიზებას უწყობს ხელს, რომლის მონაწილეებიც, ძირითადად, უცხოელები უნდა იყვნენ.ეკონომისტი სოსო ბერეკაშვილი „რეზონანსთან“ საუბრისას აცხადებს, რომ მართალია, ეს არ არის სპორტული ტურნირი და ცალსახად გემბლინგია, თუმცა მას მაინც არ აქვს მკაცრი პოზიცია.„ერთი მხრივ, ეს ცვლილებები კარგია ეკონომიკური თვალსაზრისით, რადგან კარგი იქნება, თუ უცხოელები ჩამოვლენ აქ და ფულს დახარჯავენ. მეორე მხრივ, ზოგადად, არ ვარ სახელმწიფოს მხრიდან ზრდასრული ადამიანებისთვის იმის მითითების მომხრე, ითამაშონ თუ არა კაზინოში, მაგრამ ეკონომიკური თვალსაზრისით, ეს ცვლილება მომგებიანი იქნება. ბევრი ხალხი ჩამოვა, რომელთა დიდი ნაწილი ფულს წააგებს, ხოლო მცირე ნაწილი მოიგებს კიდეც.თუმცა შემოსავლის მიღების მიღმა, მაინც ბევრი კითხვის ნიშანი რჩება, რადგან ერთია თამაში და მეორე - ლუდომანია, რაც ამ ხელისუფლების მხრიდან დეკლარირებული პრობლემაა, რომელსაც თითქოს ებრძვიან, მაგრამ ვხედავთ, რომ პირიქით ხდება - გაზრდილია ლუდომანთა რაოდენობაც და კაზინოების შემოსავალიც. კანონპროექტს რაც შეეხება, მაინც ამ პოზიციაზე ვრჩები - ეკონომიკურად, ალბათ, უფრო სასარგებლოა, ვიდრე საზიანო ჩვენთვის“, - განუცხადა „რეზონანსს“ სოსო ბერეკაშვილმა.ზუსტად იგივე პოზიციას იზიარებს ახალგაზრდა ფინანსისტთა და ბიზნესმენთა ასოციაციის პრეზიდენტი, გიორგი კაპანაძე. სხვათა შორის, ის, როგორც ექსპერტი, ამ კანონპროექტის განხილვაშიც აქტიურად მონაწილეობდა.„დასაწყისშივე გეტყვით, რომ მე ვიყავი ერთ-ერთი პირველი ადამიანი, ვინც მუდმივად საუბრობდა და დღემდე ვსაუბრობ, რომ აზარტული თამაშები მაქსიმალურად მკაცრად უნდა იყოს გაკონტროლებული. ამას იმიტომ გეუბნებით, რომ არ მინდა, ადამიანებმა იფიქრონ, თითქოს, ვახალისებ ლუდომანიას, მაგრამ ამ შემთხვევაში, ამ კანონპროექტში განსაკუთრებულ პრობლემას ვერ ვხედავ. მიზეზი მარტივია - აქცენტი, ძირითადად, უცხოელებსა და საერთაშორისო ტურნირებზე კეთდება. შესაბამისად, ეს არ იქნება ლუდომანიის წახალისება და დამატებითი ბიძგი ადამიანებისთვის, ჩაერთონ აზარტულ თამაშებში.როდესაც ამ თემასთან მქონდა შეხება, აზრი იყოფოდა ორი მიმართულებით: პირველი - ადგილობრივი მოსახლეობა და ის აზარტული თამაშები, რომელიც პირდაპირ უბიძგებს მოსახლეობას ჩართვისკენ, რაც პრობლემაა და მაქსიმალურად უნდა შევზღუდოთ და მეორე - აზარტული თამაშების გამოყენება, როგორც ტურისტული შესაძლებლობა სხვადასხვა ტურისტების მოსაზიდად, მათ შორის, რეგიონის ქვეყნებიდან. ამ მხრივ, ძალიან დიდი პოტენციალი გვაქვს და რეალურად შეგვიძლია, ძალიან ბევრი ადამიანი მოვიზიდოთ, ვისაც თამაში სურს, გამომდინარე იქიდან, რომ მეზობელ ქვეყნებში, ფაქტობრივად, აკრძალულია მსგავსი თამაშები. ვფიქრობ, ეს შესაძლებლობა არ უნდა დავკარგოთ, თუნდაც იმიტომ, რომ ბევრი ადამიანია კაზინოებში დასაქმებული, საკმაოდ მაღალ შემოსავალს უტოვებს აზარტული თამაშები ბიუჯეტს და ტურისტულადაც მნიშვნელოვანია“, - აღნიშნა „რეზონანსთან“ კაპანაძემ.გამომდინარე იქიდან, რომ ცვლილებების პროექტი მიმართულია საერთაშორისო ტურნირებისა და უცხოელი მოთამაშეებისკენ, ის არ ფიქრობს, რომ ეს ლუდომანიის წახალისებაა. პირიქით, კაპანაძის მოსაზრებით, ეს არის ეკონომიკური სარგებლის მიღების შესაძლებლობა.„საერთაშორისო ტურნირში მონაწილეობა არ ნიშნავს მხოლოდ იმას, რომ ჩამოვლენ უცხოელები, კაზინოში წააგებენ თანხას და წავლენ. ხშირ შემთხვევაში, ისინი რამდენიმე დღე რჩებიან ხოლმე, ძალიან მაღალშემოსავლიანი ადამიანები არიან და თანხას ხარჯავენ, როგორც სასტუმრო ინდუსტრიაში, ასევე ჰორეკასა და თანმდევ ბიზნესში. შესაბამისად, ის მოცემულობა, რომელიც გვაქვს, კარგად უნდა გამოვიყენოთ, რათა არ დავაზარალოთ ჩვენი ქვეყნის მოსახლეობა“, - განუცხადა „რეზონანსს“ გიორგი კაპანაძემ.საქართველოს პარლამენტის ეკონომიკური პოლიტიკის კომიტეტის თავმჯდომარე შოთა ბერეკაშვილი ირწმუნება, რომ განხორციელდება მკაცრი მონიტორინგი, რომ დაცული იყოს კანონით გათვალისწინებული მოთხოვნები.„აღნიშნული კანონი ითვალისწინებს, რომ თამაშს საერთაშორისო ტურნირის სტატუსი თუ აქვს, ამ შემთხვევაში, აუცილებელი პირობაა, მონაწილეთა 80% იყოს უცხოელი, მხოლოდ 20% იქნება საქართველოს მოქალაქე. 20%-ის შემთხვევაში, ყველა ის შეზღუდვა იმოქმედებს, რაც აზარტული თამაშების თაობაზე კანონით მოქმედებს, მათ შორის, ადამიანი თუ შავ სიაშია, ის თამაშში მონაწილეობას ვერ მიიღებს. ასევე, საჯარო მოხელეები ვერ მიიღებენ მონაწილეობას. ახალი ცვლილებებით, მოთხოვნები გავამკაცრეთ და საქართველოს მოქალაქეებზე შეზღუდვა დავაწესეთ, რაც 20%-ის განსაზღვრაში გამოიხატა.მკაცრი მონიტორინგი განხორციელდება, რომ დაცული იყოს ის წინაპირობები, რაც კანონით არის გათვალისწინებული. კლასიკური გაგებით, ეს არ არის აზარტული თამაშები და კაზინო. ეს არის სპორტული ტურნირი, რომელიც ტარდება ევროკავშირის არაერთ ქვეყანაში, მათ შორის ბარსელონაში, პარიზსა და მილანში. პარიზში კაზინო და აზარტული თამაშები საერთოდ აკრძალულია, მაგრამ მსგავსი თამაში ჩატარდა. კარგი იქნება, თუ მსგავსი თამაში ჩატარდება და ტურისტული ნაკადი გაიზრდება“, - განაცხადა შოთა ბერეკაშვილმა.წყარო: resonancedaily.com

1793270451