რომ არა ინვესტორი, ნათია ჯანაშია სკოლას გააკოტრებდა - აფბა

ეკონომისტი მიიჩნევს, რომ მსგავსი პორტალები მნიშვნელოვან მხარდაჭერას გაუწევს როგორც პროფესიონალებს, ისე აკადემიური წრეების წარმომადგენლებს, რადგან მონაცემების დამუშავებისა და შემდგომი ანალიზის გაამარტივების შესაძლებლობას იძლევა. მისი შეფასებით, სისტემატიზებული ინფორმაციის ხელმისაწვდომობა ამცირებს მონაცემების დამუშავებისას შეცდომების რისკს და აუმჯობესებს ანალიტიკური მასალების ხარისხს. ანგურიძის თქმით, რაც უფრო სრულყოფილი იქნება  ინფორმაციის მიწოდება, მით უფრო გაიზრდება საზოგადოების ინფორმირებულობა და მომზადებული ანალიტიკური მასალების ხარისხიც. ,,ასეთი ტიპის პორტალები ძალზე მნიშვნელოვანია პროფესიონალებისა და აკადემიური წრეების წარმომადგენლებისთვის. მსგავსი ტიპის დამუშავებული ინფორმაციის მიწოდება საგრძნობლად  ამარტივებს უკვე შემდგომ ამ ინფორმაციის კიდევ უფრო მეტად დამუშავებას და დახვეწას. რაც  მთავარია,  ეს სიახლე  მონაცემების დამუშავებისას გამორიცხავს შეცდომებს და ზრდის საზოგადოების ინფორმირებულობის დონეს“, - განაცხადა ეკონომისტმა, ოთარ ანგურიძემ. შეგახსენებთ, რომ საქართველოს ეროვნულმა ბანკმა ახალი ანალიტიკური პლატფორმის ფარგლებში შექმნილი ორი ინტერაქტიული ინსტრუმენტი - ეკონომიკური მონაცემების პორტალი და ინფლაციის ინტერაქტიულ-ანალიტიკური ანგარიში  წარადგინა.

1785747040

როგორც პრემიერმა ჟურნალისტებთან აღნიშნა, ანაკლიის ღრმაწყლოვან პორტს ძალიან დიდი პერსპექტივა აქვს.„ძალიან დიდი ინტერესია ამ პორტის მიმართ, მათ შორის ჩვენს პარტნიორებს შორის, ეს არის მათ შორის შუა აზიის ქვეყნები, ჩვენი მეზობელი ქვეყნები, ახლო აღმოსავლეთის ქვეყნები და ასევე, არის ევროპული კომპანიები. შესაბამისად, ძალიან დიდი პერსპექტივა აქვს ამ პორტს. ჩვენი მიზანია, პირველი ფაზა რაც შეიძლება მალე დავასრულოთ. ჩვენი ამოცანაა, 2029 წლისთვის უკვე დასრულდეს პირველი ფაზის სამუშაოები და პირველი გემები მიიღოს ანაკლიის ღრმაწყლოვანმა პორტმა. სწორი მიმართულებით მივდივართ. მაქსიმალურად დაჩქარდა სამუშაოები. ჩვენ გვქონდა გარკვეული შეფერხება იმის გამო,რომ გადაიხედა კონტრაქტი. კონტრაქტის ღირებულება შემცირდა დაახლოებით 50 მლნ დოლარით, რისთვისაც კიდევ ერთხელ მადლობას გადავუხდი ეკონომიკის სამინისტროს და პირადად, ეკონომიკის მინისტრს. ახლა უკვე შეუფერხებლად გრძელდება სამუშაოები, რაც გვაძლევს ოპტიმისტური განცხადების გაკეთების საშუალებას, რომ 2029 წლისთვის ეს პორტი უკვე პირველ გემებს მიიღებს და ამ პორტში წარმოდგენილი იქნება არაერთი ქვეყნის ინტერესი“, - განაცხადა კობახიძემ.

1785746872

საქართველოს საბანკო ასოციაციის ანალიტიკური დირექტორის, დავით რუსიას შეფასებით, ეროვნული ბანკის ახალი პორტალი მნიშვნელოვნად გაამარტივებს ეკონომიკური მონაცემების მოძიებასა და ანალიზს როგორც სპეციალისტებისთვის, ისე სტუდენტებისა და მკვლევრებისთვის. მისი თქმით, პლატფორმა მომხმარებლებს სწრაფ წვდომას მისცემს სანდო და ამომწურავ ინფორმაციაზე, რომლის მოძიებასაც ადრე გაცილებით მეტი დრო სჭირდებოდა. რუსიას შეფასებით, პორტალი საინტერესო შესაძლებლობას ქმნის ადგილობრივი და უცხოელი ინვესტორებისთვისაც, რადგან ისინი ეკონომიკურ მონაცემებს პირველწყაროდან - ეროვნული ბანკის ვებგვერდიდან მიიღებენ.,,საქართველოს ეროვნულმა ბანკმა უკვე ამ თვეში მეორე დიდი შესაძლებლობა წარმოგვიდგინა ეკონომიკის სფეროთი დაინტერესებულ პირებს, ანალიტიკოსებს და  სტუდენტებს. მათ პორტალი შესაძლებლობას მისცემს  მოკლე დროში, სწრაფად და ამავდროულად დინამიურად მიიღონ  დიდი მოცულობის ინფორმაცია, რომელთა მოძიება დაახლოებით 5-10 წლის წინ  თვეზე მეტი დრო სჭირდებოდა. ეს უპირველეს ყოვლისა გაააადვილებს ინფორმაციაზე წვდომას და ანალიზის სიზუსტეს. ეროვნულ ბანკის საიტზე მოცემული ინფორმაცია ხელმისაწვდომი იქნება არა მარტო საქართველოს მოქალაქეებისთვის არამედ ნებისმიერი ქვეყნის დაინტერესებული პირისა და ინვესტორისთვის“, - აღნიშნა დავით რუსიამ.

1785746721

შეგახსენებთ, აფბა „ბრიტანულ-ქართული აკადემიის“ ბიზნეს დავის მონიტორინგს ახორციელებს. დავა აკადემიის ყოფილმა დირექტორმა და მინორიტარმა, ნათია ჯანაშიამ წამოიწყო 2024 წელს, როდესაც მის დირექტორობიდან გათავისუფლების საკითხი დააყენა ინვესტორმა და 70%-იანი წილის მფლობელმა – „საქართველოს განათლების ჯგუფმა“.აფბას მონიტორინგის სამსახურის შეფასებით, 2019 წლამდე, ანუ იმ პერიოდისთვის, სანამ ინვესტორი შეიძენდა აკადემიის 70%-იან წილს, „ბრიტანულ-ქართული აკადემია“ მძიმე ვალდებულებების ქვეშ, რთულ ფინანსურ სიტუაციაში იმყოფებოდა და მისი გაკოტრების რისკიც კი არსებობდა.„ფაქტია, რომ 2019 წლამდე, ანუ ინვესტორის გამოჩენამდე, აკადემია რთულ ფინანსურ, ფაქტობრივად კრიზისულ მდგომარეობაში იყო. ხოლო, ინვესტორის მიერ 70%-იანი წილის შეძენის შემდგომ, „ბრიტანულ-ქართული აკადემიის“ განვითარებაში მნიშვნელოვანი ფინანსური და მმართველობითი რესურსები ჩაიდო. შედეგად კომპანიის შემოსავლები რამდენჯერმე გაიზარდა და სტაბილურად მოგებაზე მუშაობს, ეს ფაქტობრივად წარმოადგენს საწარმოს სრულ ტრანსფორმაციას წარმატებულ და მოგებიან ბიზნესად“, - აცხადებენ აფბას მონიტორინგის სამსახურში.როგორც აფბას მონიტორინგის სამსახურში აცხადებენ, გარდა ფინანსური მდგომარეობის გაუმჯობესებისა, ინვესტორის დადებით როლს ადასტურებს საერთაშორისო აღიარებაც, 2026 წლის ივნისში აკადემია საერთაშორისო სკოლების საბჭოს (Council of International Schools - CIS) წევრი გახდა. CIS მსოფლიოს ერთ-ერთ ყველაზე ავტორიტეტულ საერთაშორისო საგანმანათლებლო ქსელია, რომელიც ყურადღებას აქცევს მმართველობის ხარისხს, ეთიკურ სტანდარტებს, მოსწავლეთა უსაფრთხოებას, მუდმივი განვითარების კულტურას, საგანმანათლებლო გარემოსა და განვითარების სტრატეგიას.„გარდა ამისა, ცალკე უნდა აღვნიშნოთ ჯანაშიას კონფლიქტები თუ სასამართლო პროცესები სკოლის აკადემიურ ხელმძღვანელობასთან, პედაგოგებთან და  მოსწავლეების მშობლებთან, რაც, ბუნებრივია, მნიშვნელოვნად აზიანებდა სკოლის იმიჯს და ხელს უშლიდა მის განვითარებას“, - დასძენენ აფბას ანალიტიკურ სამსახურში.

1785740875

ვორკშოპში სხვადასხვა გამოცდილების მქონე მეწარმე ქალებმა მიიღეს მონაწილეობა და ორი დღის განმავლობაში ელექტრონული კომერციის ძირითად პრინციპებს, ონლაინ გაყიდვების მოდელებსა და მომხმარებელთან ციფრული კომუნიკაციის ეფექტიან გზებს გაეცნენ. მონაწილეებმა მიღებული ცოდნა პრაქტიკულ დავალებებში გამოიყენეს და საკუთარ ბიზნესებზე მუშაობის პროცესში ონლაინ გაყიდვების განვითარებისთვის საჭირო ინსტრუმენტები გამოცადეს.ვორკშოპის ფარგლებში განხილული იყო ელექტრონული კომერციის სხვადასხვა მოდელი, მათ შორის Marketplace-ები, სოციალური კომერცია და საკუთარი ვებგვერდის გამოყენება. მონაწილეებმა ასევე იმუშავეს სამიზნე მომხმარებლის განსაზღვრაზე, პროდუქტის ონლაინ წარდგენასა და პოზიციონირებაზე, პროდუქტის ფოტოგრაფიაზე, აღწერის მომზადებასა და ფასის ფორმირებაზე.განსაკუთრებული ყურადღება დაეთმო მომხმარებელთან კომუნიკაციასა და სოციალური მედიის გამოყენებას გაყიდვების წასახალისებლად.ვორკშოპის ერთ-ერთი პრაქტიკული მიმართულება საქართველოს ბანკის Ads მენეჯერის გაცნობას დაეთმო. მონაწილეებმა პლატფორმის ძირითადი ფუნქციები შეისწავლეს და საკუთარი ბიზნესებისთვის შეთავაზებების შექმნაზე იმუშავეს.ორდღიანი პროგრამა ასევე მოიცავდა საგადასახადო და საბუღალტრო საკითხებს. მონაწილეებმა მიიღეს ინფორმაცია მცირე მეწარმის სტატუსის, შემოსავლის დეკლარირების, ელექტრონული ინვოისისა და დღგ-ის შესახებ.საქართველოს ბანკი მეწარმე ქალების გაძლიერებას სხვადასხვა საგანმანათლებლო და ბიზნეს ინიციატივის მხარდაჭერით აქტიურად აგრძელებს. მათ შორის ავითარებს პლატფორმას ბიზნეს 360°, რომელიც აერთიანებს ინფორმაციას, შეხვედრებსა და ინსტრუმენტებს ბიზნესის ზრდისა და განვითარებისთვის.

1785502260

მისივე ინფორმაციით, 2026 წლის რთველში საპროგნოზო მაჩვენებლით, ყურძნის რაოდენობა 300 ათას ტონას გადააჭარბებს.„2026 წელს, რთველში უხვ მოსავალს ველოდებით. საპროგნოზო მაჩვენებლით, ყურძნის რაოდენობა 300 ათას ტონას გადააჭარბებს. მნიშვნელოვანია, რომ მოსავლის დაკრეფა დაიწყოს ყურძნის ტექნიკურ სიმწიფეში შესვლის შემდეგ. საქართველო ღვინის სამშობლოა და ჩვენი ვალდებულებაა, რომ ვიყოთ ხარისხიანი ღვინის მწარმოებელი ქვეყანა. ხარისხიანი ღვინო კი მიიღება მხოლოდ ტექნიკურ სიმწიფეში შესული ყურძნიდან. მეღვინეობის დარგის განვითარების გრძელვადიანი პერსპექტივისთვის, ერთად უნდა ვიზრუნოთ ყურძნის ხარისხზე, რათა 2026 წლის მოსავლიდან მივიღოთ უმაღლესი ხარისხის ღვინო, რაც კიდევ უფრო განამტკიცებს ქართული ღვინის პოზიციებს საერთაშორისო ბაზარზე", - აცხადებს ზურა ვაჭარაძე.

1785502057