Volkswagen-ის ავტომობილების გაყიდვები გასულ წელს 2,3%-ით დაეცა

შესაძლებელია, ზაფხულის ბოლომდე ლარის კურსი 2,70-იან ნიშნულს ჩამოსცდეს. ქართულ ეკონომიკაში და ზოგადად სავალუტო ბაზარზე მიმდინარე პროცესები ცხადყოფს, რომ მოკლე და საშუალოვადიან პერიოდში ლარის გამყარების ტენდენცია შეუქცევადი იქნება  და მინიმუმ ოქტომბრის ბოლომდე ამ მიმართულებით პრაქტიკულად არაფერი შეიცვლება. ლარის გამყარებას ორი ძირითადი ფაქტორი განაპირობებს: სავალუტო შემოდინებების ზრდა და დოლარის პოზიციის შესუსტება. კურსთან დაკავშირებით ეროვნული ბანკის პრეზიდენტის ნათია თურნავას მიერ გამოთქმული მოსაზრება კიდევ უფრო ამყარებს საფუძველს, რომ დინამიკა ჯერჯერობით უცვლელია და ბაზარზე სტაბილურობას არაფერი ემუქრება. შესაბამისად, რეზერვების შევსების ტენდენციას  ეროვნული ბანკი მეთოდურად მიყვება და შედეგიც თვალსაჩინოა.ნათია თურნავამ, ფაქტობრივად, დაადასტურა, რომ ლარი გამყარებას გააგრძელებს და აღნიშნა, რომ გაურკვევლობის პერიოდში სტაბილურობას სებ-ის ჩარევის გარდა, მაკროეკონომიკურმა ვითარებამაც შეუწყო ხელი.„ეს იყო გაურკვევლობის პერიოდი, მაგრამ მოკლეხნიანი. რა თქმა უნდა, გაცვლითი კურსის სტაბილურობას ჩვენმა ჩარევამაც შეუწყო ხელი, მაგრამ მთლიანობაში ეკონომიკის სიჯანსაღემ და აქედან გამომდინარე ჩანს შედეგიც. ახლა ხდება დეპოზიტების ლარში გადატანა და სხვათა შორის, თუ შევხედავთ დეპოზიტების სტატისტიკას, ლარიზაციის პროცენტი მატულობს, დედოლარიზაცია მიმდინარეობს და დაახლოებით 1,2%-ით არის გაზრდილი ლარში დედომინირებული დეპოზიტების წილი. შეგვიძლია ვთქვათ, რომ უკვე ნახევარი-ნახევარზეა. 15 წლის წინ უცხოურ ვალუტაში განთავსებული ანაბრების წილი 75% იყო და მეტიც.დღესდღეობით ვინაიდან სავალუტო ბაზარზე სტაბილურობაა, ნდობა ლარის მიმართ იზრდება და ლარიზაციის კოეფიციენტიც მატულობს. ესეც არის ერთ-ერთი წყარო ბაზარზე დოლარის მიწოდების და ჩვენ, ცხადია, ამით ვსარგებლობთ“, - აღნიშნა სებ-ის პრეზიდენტმა.თურნავას განცხადებით, ბუნებრივი პროცესია, რომ რეზერვების როგორც შევსება, ასევე კანონზომიერი ხარჯვაც ხდება.,,ძალიან იშვიათია, პრინციპში არც მე და არც ჩვენს კოლეგებს არ გვახსენდება, როდესაც ერთდროულად ხდებოდეს სებ-ის მიერ რეზერვების შევსებაც და კომერციული ბანკების მიერ დოლარის ყიდვა დივიდენდებისათვის. ეს ის პერიოდია, როდესაც დივიდენდებს ყიდულობენ ჩვენი ბანკები. ეს ცალკე დაწოლაა ბაზარზე და ასეთ დროს სებ-ი როგორც წესი ან ჩერდებოდა, ან აქეთ უწევდა მიწოდება დოლარის იმისთვის, რომ არ ყოფილიყო ზედმეტი რყევები. ახლა ერთმანეთს ვასწრებთ. დივიდენდების შეძენაც ისე მოხდა, რომ ბაზარს პრაქტიკულად არ უგვრძვნია და ჩვენც ამ პერიოდში არ გავჩერებულვართ“, - აღნიშნა თურნავამ.ლარის გამყარების ტენდენციაზე საუბრობენ ექსპერტებიც, რომელთა შეფასებითაც, გარე და შიდა ფაქტორების ერთობლიობა კურსზე პოზიტიურად აისახება და სტაბილურობას განაპირობებს. არსებული მოცემულობა კი ოქტომბრის ბოლომდე შენარჩუნდება. უკვე ნოემბრიდან მოსალოდნელია სავალუტო შემოდინებების კლება, რაც, თავის მხრივ, კურსზეც იმოქმედებს და ტენდენციას, გარკვეულწილად, შეცვლის.ფინანსისტი ლია ელიავა არ გამორიცხავს, რომ მომდევნო თვე-ნახევრის განმავლობაში კურსმა 2,67-2,68 -იანი ნიშნული დაიჭიროს.,,ვაკვირდებით ტენდენციას და ვხედავთ, რომ ლარი თანდათან მყარდება, რაც ზაფხულის პერიოდში ბუნებრივი პროცესია. ტურიზმი იზრდება და შემოაქვს უცხოური ვალუტა. ტრადიცია არც წელს დარღვეულა. ეროვნული ბანკი დიდი მოცულობით უცხოურ ვალუტას ყიდულობს და მეტი წილი რეზერვებისკენ მიიმართება. ბოლო პერიოდში განსაკუთრებით იმატა ტურისტულმა ნაკადმა და ბოლო დღეების განმავლობაშიც ლარს აშკარად დაეტყო გამყარება.არა მარტო უცხოური ვალუტის შემოდინების გამო, ლარი მყარდება პოლიტიკური სტაბილურობის პირობებშიც. რაც უფრო მშვიდი ვითარებაა, მით მეტი ტურისტი შემოვა ქვეყანაში და ეროვნული ვალუტაც უფრო გამყარდება. ეს, თავის მხრივ, რეზერვების ზრდას იწვევს. ტენდენცია გაგრძელდება, დიდი ალბათობაა, რომ კურსი 2,70-იან მაჩვენებელს ჩამოსცდეს. თუმცა პროგნოზირება რთულია, ხშირ შემთხვევაში ეს ეკონომიკურ ფაქტორებზე ნაკლებად დამოკიდებულია", - განუცხადა "ბიზნეს-რეზონანსს" ელიავამ.მისი აზრით, თუკი ხელისშემშლელი გარემოებები არ იჩენს თავს, ლარი გამყარების ტრენდს შეინარჩუნებს.,,ლარი მყარდება და ეს კარგია, მაგრამ ჩვენ გვჭირდება სტაბილური კურსი, რათა რყევა გამოირიცხოს. ეს ქმნის სტაბილურ გარემოს ბიზნესისა და მოსახლეობისთვის და თავის მხრივ, ეკონომიკურ განვითარებას განაპირობებს. არსებული ტრენდი წლის ბოლომდე ვერ შენარჩუნდება, ვინაიდან დაახლოებით ნოემბრიდან უცხოური ვალუტის შემოდინებები დაიკლებს. ეს მოსალოდნელია, მაგრამ ზაფხულში, როგორც მინიმუმ, კურსი  გამყარდება", - უთხრა ,,ბიზნეს-რეზონანსს" ლია ელიავამ.ამდენად, პროგნოზი დადებითია. ლარი საშუალოვადიან პერსპექტივაში კიდევ უფრო გამყარდება.  როგორც საერთაშორისო კვლევებისა და პროგნოზირების ცენტრის ვიცე-პრეზიდენტმა ნიკა შენგელიამ აღნიშნა, მკვეთრი ცვლილება არ იქნება, თუმცა შესაძლებელია, ეროვნულმა ვალუტამ კიდევ რამდენიმე პუნქტით გაიუმჯობესოს პოზიციები. ამჟამინდელი გამყარება კი, შემოდინებების ზრდასთან ერთად, დოლარის ინდექსის ვარდნას უკავშირდება.,,ლარის სტაბილურობა საშუალოვადიან პერიოდში ყველა შემთხვევაში შენარჩუნდება. ეს პროცესი გაცილებით ადრე დაიწყო და პრეზიდენტ ტრამპის სატარიფო პოლიტიკას უკავშირდება. ოქტომბრამდე ასე იქნება. მერე გამომდინარე იქიდან, რა პროცესები განვითარდება მსოფლიო ეკონომიკაში და შესაბამისად, საქართველოში, ახალი რეალობა გამოიკვეთება. დოლარის გარშემო შექმნილი ვითარება უაღრესად არასტაბილურია.რაც შეეხება მოლოდინს, გაუფასურებას წლის ბოლომდე არ ველოდებით, 2,72-2,75-იან ნიშნულს ლარი გრძელვადიან პერიოდში შეინარჩუნებს. შემოდინებები არის და ეს იწვევს კურსის გამყარებას, შესაძლებელია, რომ 2,70-იან ნიშნულსაც ჩამოსცდეს კურსი, სავარაუდოდ, 2,67-2,68 ის ფარგლებში იქნება ზაფხულის განმავლობაში.გააჩნია, რა მოხდება ახლო აღმოსავლეთში, საგარეო ფაქტორის გავლენაც დიდია. ჩვენი ეკონომიკა და ლარის კურსი ამ ეტაპზე თითქმის სრულად გარე ფაქტორებზეა დამოკიდებული, შესაბამისად, არსებული ვითარების გათვალისწინებით, უახლოეს 1,5 თვის განმავლობაში ცვლილება, ძირითადად, გამყარების მიმართულებით იქნება და შემდეგ უკვე ტრენდს შეიცვლის", - განუცხადა,,ბიზნეს-რეზონანსს" ნიკა შენგელიამ.რაც შეეხება ამჟამინდელ კურსს, 7 ივლისის ვაჭრობის შედეგად ქართული ეროვნული ვალუტა აშშ დოლართან მიმართებით გამყარდა. ლარის ცვლილებამ 0.11 თეთრი შეადგინა და დოლარის ღირებულება 2.7180 ლარია.საქართველოს ეროვნული ბანკის ინფორმაციით, ეროვნული ვალუტა ევროსთანაც მიმართებით 1.49 თეთრით გამყარდა, რის შედეგადაც ერთი ევროს ოფიციალური ღირებულება 3.1871 ლარი გახდა.წყარო: resonancedaily.com

1751968404

საერთაშორისო სავალუტო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია. ეროვნული ბანკის გრძელვადიანი პოლიტიკა ყოველთვის მიმართულია საერთაშორისო რეზერვების დაგროვებასა და სარეზერვო აქტივების ეფექტურ მართვაზე. აღსანიშნავია, რომ მიმდინარე პერიოდშიც ბაზრის ხელსაყრელი პირობებიდან გამომდინარე, სებ-ი რეზერვების შევსებას განაგრძობს. მაგალითისთვის, მარტში 101.7 მლნ-ის, აპრილში 266.4 მლნ-ის, ხოლო მაისში 245.4 მლნ-ის წმინდა შესყიდვა განხორდიელდა, ჯამურად 2025 წლის იანვარ-მაისში წმინდა შესყიდვებმა 613.5 მლნ შეადგინა. წმინდა შესყიდვების ივნისის სტატისტიკა კი 25 ივლისს გამოქვეყნდება.2025 წლის ივნისის მდგომარეობით ოქროს წილი მთლიან საერთაშორისო სავალუტო რეზერვებში 16.1% (754.4 მლნ აშშ დოლარი) შეადგენს. ოქროს ფასის ცვლილების შედეგად, მონეტარული ოქროს ღირებულება, მისი შეძენის მომენტიდან, 254.4 მლნ აშშ დოლარით გაიზარდა, რაც ეროვნული ბანკის რეზერვების დივერსიფიკაციის სტრატეგიის მართებულობას უსვამს ხაზს.საქართველოს ეროვნული ბანკი ოფიციალური საერთაშორისო რეზერვების შესახებ განახლებულ მონაცემებს 2025 წლის 6 აგვისტოს გამოაქვეყნებს.

1751966600

„მისი მეშვეობით პარტნიორ ბანკებთან ერთად  მომხმარებლებს შესაძლებლობას ვაძლევთ, მარტივად შეასრულონ გადარიცხვები და თანხა სასურველ დროს მიიღონ. მოხარული ვარ, რომ ამ პროცესში საქართველოს ბანკთან ერთად სამი ბანკი ჩაერთო, რითაც ჯამში ასეულობით ათას მომხმარებელს უფრო სწრაფი და ეფექტიანი საბანკო სერვისის მიღების შესაძლებლობას ვაძლევთ. ვფიქრობ, ეს ქვეყნის ფინანსური ინფრასტრუქტურის ციფრული ტრანსფორმაციის მნიშვნელოვანი ეტაპია და  იმისთვის, რომ რაც შეიძლება მეტმა მომხმარებელმა ისარგებლოს ამ სიახლით, საჭიროა სხვა ბანკებიც ჩაერთონ ამ პროცესში. ჩვენ ამ სიახლით არ ვჩერდებით და მომავალში ამ მიმართულებით არაერთ სიახლეს შევთავაზებთ როგორც ფინანსურ სექტორს, ისე ჩვენს მომხმარებლებს“, - აცხადებს არჩილ გაჩეჩილაძე, საქართველოს ბანკის გენერალური დირექტორი.საქართველოს ბანკი ციფრული სერვისების განვითარებას და სამომხმარებლო გამოცდილების გაუმჯობესებას განაგრძობს. ამ მიზნით, ფინანსურ ინსტიტუტსა და სამ  ბანკს -  კრედო ბანკს, ბაზისბანკსა და პროკრედიტ ბანკს  შორის მომენტალური გადარიცხვების ინოვაციური სისტემის დანერგვის მიზნით, თანამშრომლობის მემორანდუმდი გაფორმდა. სერვისი მომხმარებლებისთვის სულ მალე გახდება ხელმისაწვდომი.მომენტალური გადარიცხვების ინოვაციური მეთოდი საქართველოში პირველად ინერგება და მისი დახმარებით ფიზიკურ პირებს შესაძლებლობა ექნებათ, თანხა ჩამოთვლილ ქართულ ბანკებს შორის მხოლოდ მობილურის ნომრის გამოყენებით გადარიცხონ. ტრანზაქცია მიმღების ანგარიშზე მომენტალურად, დღე-ღამის ნებისმიერ დროს აისახება. საგულისხმოა, რომ თანხის გადარიცხვა როგორც ეროვნულ ვალუტაში, ისე ევროსა და დოლარში იქნება შესაძლებელი. გარდა ამისა, ეროვნულ ვალუტაში ერთჯერადად გადარიცხვისას მაღალი, 10 000 ლარის ოდენობის ლიმიტი იმოქმედებს. მომხმარებლები შეძლებენ  დღის განმავლობაში გადარიცხვის შესრულება შეუზღუდავი სიხშირით განახორციელონ. 

1751966519

პატიმრობის გარდა, სასამართლომ გენერალს სამხედრო წოდება და ორდენები ჩამოართვა და 24 მლნ რუბლის (305 ათასი აშშ დოლარის) ჯარიმის გადახდა დააკისრა.სასამართლომ დაადგინა, რომ ხალილ არსლანოვმა რუსეთის შეიარაღებული ძალების კავშირგაბმულობის მთავარი სამმართველოს უფროსად მუშაობის პერიოდში პორტატული რადიოსადგურების შეძენისას 6.7 მლრდ რუბლი (85 მლნ აშშ დოლარი) მოიპარა, რადგანაც ამ პროდუქციის ფასი ხელოვნურად გაზარდა.გენერალ-პოლკოვნიკი არსლანოვი აცხადებს, რომ ბრალდება გამოგონილია, რადგანაც რადიოსადგურებს მხოლოდ სამხედროები იყენებენ და მისი საბაზრო ფასი, რაზეც გამოძიება აპელირებს, უბრალოდ არ არსებობს.ასევე არსლანოვი იაროსლავლის რადიოქარხნის ყოფილი დირექტორისგან, სერგეი იაკუშევისგან 12 მლნ რუბლის (152 ათასი აშშ დოლარის) გამოძალვაშიც იყო ბრალდებული.

1751966327

მორიგი შეხვედრა რუსთავის ახალგაზრდობის სასახლეში გაიმართა. ახალგაზრდებს ცესკოს თავმჯდომარე გიორგი კალანდარიშვილი შეხვდა.შეხვედრაზე ცესკოს თავმჯდომარემ ისეთ მნიშვნელოვან საკითხებზე ისაუბრა, როგორიცაა: ახალგაზრდების მონაწილეობის მნიშვნელობა და როლი საარჩევნო პროცესში; დეზინფორმაცია, როგორც საარჩევნო პროცესის მთავარი და ამავდროულად, გლობალური გამოწვევა და მასთან ბრძოლის სტრატეგია; 4 ოქტომბერს გასამართი მუნიციპალიტეტის ორგანოთა არჩევნები. შეხვედრის დასასრულს გაიმართა დისკუსია. ახალგაზრდებს ჰქონდათ შესაძლებლობა, პასუხები მიეღოთ მათთვის საინტერესო და აქტუალურ კითხვებზე.„როგორც ყოველთვის, ახალგაზრდებთან შეხვედრა განსაკუთრებული ინტერესითა და ინფორმირებულობით გამოირჩევა, როგორც ცესკოს მხრიდან ინფორმაციის მიწოდების, ისე მათი მხრიდან უკუკავშირის მიღების თვალსაზრისით. ამ შეხვედრების მთავარი მიზანი ერთი მხრივ, საარჩევნო საკითხებთან დაკავშირებით ახალგაზრდების ინფორმირება და მათი ცნობიერების ამაღლებაა, მეორე მხრივ კი, მათი გააქტიურებისა და ჩართულობის ხელშეწყობა. მნიშვნელოვანია, საარჩევნო პროცესებში მათი, როგორც აქტიური მოქალაქეების ჩართულობა, ასევე, ახალგაზრდების უფრო მეტი წარმომადგენლობა და მონაწილეობა სხვადასხვა პროექტსა თუ საარჩევნო კომისიებში“, - აღნიშნა გიორგი კალანდარიშვილმა.პროექტი - „საქართველოს ახალგაზრდული მრჩეველთა საბჭოები - იდეიდან ცვლილებამდე“ ცენტრალური საარჩევნო კომისიის, სსიპ ახალგაზრდობის სააგენტოსა და საქართველოს ახალგაზრდული მრჩეველთა საბჭოების ასოციაციის მჭიდრო თანამშრომლობით სხვადასხვა რეგიონში ეტაპობრივად მიმდინარეობს. პროექტის ფარგლებში ახალგაზრდებთან უკვე გაიმართა სამი შეხვედრა. შემდეგი შეხვედრა დაგეგმილია აჭარაში.

1751966007

ვორკშოპს გაუძღვება ტატა მომცემლიძე, Cluster Product Owner საქართველოს ბანკის მონაცემთა ანალიტიკის დეპარტამენტში. მას AI-ზე დაფუძნებული ბიზნესპროცესების ოპტიმიზაციასა და ავტომატიზაციაში მრავალწლიანი გამოცდილება აქვსაღსანიშნავია, რომ გასულ თვეში ამ თემაზე ჩატარებულ ვორკშოპზე - 200-ზე მეტი ბიზნესის წარმომადგენელი დარეგისტრირდა.რატომ უნდა დაესწროთ ვორკშოპს? გაეცნობით, როგორ გამოიყენოთ AI მომხმარებლის გამოცდილების გასაუმჯობესებლად; ისწავლით ხელოვნური ინტელექტის ეფექტურად დანერგვას მცირე და საშუალო ბიზნესში; გაიგებთ, როგორ ვითარდებოდა გენერაციული მოდელები და რა განსხვავებაა მათ შორის; იხილავთ მაგალითებს რეალური კომპანიებიდან — როგორ იყენებენ AI-ს ოპერაციული ამოცანების გამარტივებისთვის; შეისწავლით პრაქტიკულ ინსტრუმენტებსა და მეთოდებს; გაიღრმავებთ ცოდნას მონაცემთა დაცვისა და სისტემის უსაფრთხოების მიმართულებით. ღონისძიება  ინტერაქციულ ფორმატში ჩატარდება, რაც მონაწილეებს შესაძლებლობას მისცემს, ჩაერთონ დისკუსიაში, სპიკერსდაუსვან კითხვები  და განიხილონ კონკრეტული ბიზნეს საჭიროებები.ღონისძიება  საქართველოს ბანკის ინოვაციურ სივრცეში, 4B ფილიალში, ალ. ყაზბეგის N15, 9 ივლისს, 17:00 – 19:00 საათზე ჩატარდებაღონისძიებაზე რეგისტრაციისთვის ეწვიეთ საქართველოს ბანკის ვებგვერდს.ღონისძიება საქართველოს ბანკის ბიზნეს 360° პლატფორმის ნაწილია — ინიციატივა, რომელიც აერთიანებს საგანმანათლებლო ღონისძიებებს, პრაქტიკულ რესურსებსა და სხვა მრავალ აქტივობას, რაც ბიზნესს ზრდასა და განვითარებაში ეხმარება.

1751964289