დღევანდელი ვაჭრობის შედეგად, ლარი ევროსთან და აშშ დოლართან მიმართებით გამყარდა

ხელახლა დასაქმება კონსერვატიული პარტიის 2024 წლის საყოველთაო არჩევნებში მარცხიდან თითქმის ერთი წლის შემდეგ მოხდა, რამაც სუნაკის პარტიის ლიდერის თანამდებობიდან გადადგომა გამოიწვია.„მოხარული ვარ, რომ რიში Goldman Sachs-ში მის ახალ თანამდებობაზე, როგორც უფროსი მრჩევლის, მივესალმო“, - განაცხადა ბანკის აღმასრულებელმა დირექტორმა დევიდ სოლომონმა და დასძინა, რომ სუნაკი ფირმის ხელმძღვანელობის გუნდთან ერთად იმუშავებს, რათა გლობალურ კლიენტებს სტრატეგიაზე, ეკონომიკაზე და გეოპოლიტიკაზე გაუწიოს კონსულტაციას.ეს ყოფილი პრემიერ-მინისტრის პირველი მოღვაწეობა Goldman Sachs-ში არ არის: ის სტაჟიორი იყო, შემდეგ კი ანალიტიკოსი 2000-იან წლებში, სანამ სხვა ფინანსურ ინსტიტუტებში იმუშავებდა და 2015 წელს პოლიტიკაში შევიდოდა. მიუხედავად იმისა, რომ სუნაკმა კონსერვატიული პარტიის ხელმძღვანელობა დატოვა, ის ბრიტანეთის პარლამენტის წევრი რჩება.ბრიტანული მედიის ცნობით, სუნაკი მაისიდან ცდილობდა Goldman Sachs-ში დაბრუნების თანხმობის მიღებას, თუმცა მთავრობის ეთიკის კომიტეტმა (Acoba) პრემიერ-მინისტრის თანამდებობიდან წასვლის შემდეგ მას ერთწლიანი ლოდინის პერიოდი დააკისრა. კომიტეტმა გააფრთხილა, რომ არსებობდა მთავრობაში არასათანადო გავლენის ან პრივილეგირებული წვდომის რისკები. ამიტომ, მისი საქმიანობა მკაცრად შემოიფარგლება იმ სფეროებით, რომლებიც პირდაპირ არ არის დაკავშირებული პრემიერ-მინისტრის უფლებამოსილებებთან.

15:01

„თეგეტა ჰოლდინგმა“ წლებია, ციფრული ტრანსფორმაცია ბიზნესმოდელისა და მომხმარებელთან ურთიერთობის გაუმჯობესების ფუნდამენტად აქცია. კომპანიის წარმომადგენელმა ღონისძიების მონაწილეებს  უკვე განხორციელებული და დაგეგმილი პროექტები გააცნო, რომლებიც სამუშაო პროცესში AI-ს ინტეგრაციას გულისხმობს.ბექა ციცქიშვილი, „თეგეტა ჰოლდინგის“ უფროსი ტექნოლოგიური ოფიცერი: „Change Inspire-ის მსგავს ღონისძიებებში „თეგეტას“ მონაწილეობა განსაკუთრებულად მნიშვნელოვანია, რადგან გვაძლევს საშუალებას, პოტენციურ პარტნიორებსა და მომხმარებლებს გავაცნოთ ჩვენი ციფრული მიმართულება და გავუზიაროთ დაგროვილი გამოცდილება.AI-ს ეპოქაში „თეგეტა ჰოლდინგი“ არ არის მხოლოდ ტრადიციული მომსახურების მიმწოდებელი, ჩვენ ვართ კომპანია, რომელიც ორიენტირებულია პერსონალიზებულ და ციფრულ გამოცდილებაზე. ჩვენი მიზანია, მომხმარებელმა სერვისი მიიღოს მაქსიმალურად სწრაფად, მარტივად და კომფორტულად.მსგავსი მიდგომა დღეს უკვე ინოვაცია აღარ არის - ეს აუცილებლობაა, რათა კომპანიამ შეინარჩუნოს კონკურენტუნარიანობა და ფეხი აუწყოს ციფრულ რეალობას. მით უმეტეს მაშინ, როცა ინდუსტრიის წამყვანი ბრენდები აქტიურად მუშაობენ ავტომობილების წარმოებისას ხელოვნური ინტელექტისა და ციფრული ტექნოლოგიების ინტეგრირებაზე - ამის მაგალითია ხელოვნური ინტელექტით მართვადი მანქანები“.„თეგეტა ჰოლდინგი“ ამ დროისთვის ხელოვნური ინტელექტის რამდენიმე პროექტზე მუშაობს. ერთ-ერთია AI ასისტენტი, რომელიც მომხმარებლებს დაეხმარება დიაგნოსტიკაში, სერვისების დაჯავშნაში, ავტონაწილების მოძიებაში. მეორეა AI აგენტების პროექტი, რომელიც „თეგეტას“ თანამშრომლებს მონაცემების სწორად გაანალიზებასა და უკეთესი ბიზნესგადაწყვეტილებების მიღებაში შეუწყობს ხელს. ასევე - AI-driven მომხმარებლების საჭიროებაზე მორგებული პერსონალიზებული შეთავაზებისა და კამპანიების პროექტი.ტექნოლოგიური კონფერენცია Change Inspire 2018 წლიდან იმართება. წლევანდელი კონფერენციის თემა „AI ჩემპიონთა ლიგა“ იყო. გლობალურმა და რეგიონულმა ექსპერტებმა ოთხ ძირითად მიმართულებაზე ისაუბრეს: ციფრული ტრანსფორმაცია, BIG Data, კიბერუსაფრთხოება და IT ინფრასტრუქტურა.ღონისძიებას 600-ზე მეტი მონაწილე დაესწრო. კონფერენციის მონაწილეებს თავიანთი გამოცდილება გაუზიარეს ისეთი გლობალური ბრენდების წარმომადგენლებმა, როგორებიც არიან: Amazon Web Services (AWS), Google Cloud, Oracle, Palo Alto Networks, Lenovo, Fortinet, Cloudera.,,თეგეტა ჰოლდინგის” შესახებ: უმსხვილესი საავტომობილო კომპანია კავკასიასა და ცენტრალურ აზიაში მომხმარებელს საავტომობილო ეკოსისტემის სრულ სპექტრს სთავაზობს, რაც მსუბუქ, სატვირთო და სამშენებლო, ასევე კომერციულ, სამგზავრო და ინდუსტრიულ ტრანსპორტს მოიცავს. მთელი ქვეყნის მასშტაბით ,,თეგეტას” 28 სერვისცენტრი აქვს. „თეგეტა“ ექსკლუზიურად წარმოადგენს ცნობილ ბრენდებს Porsche, Volvo, Toyota, Mazda, Geely, Zeekr. სატვირთო და სპეცტექნიკის მიმართულებით ჰოლდინგის პარტნიორები არიან ისეთი დიდი ბრენდები, როგორებიცაა: MAN, JCB, HINO, LIEBHERR, BOMAG და სხვები. ,,თეგეტა” მსოფლიოს 300-ზე მეტი წამყვანი საავტომობილო ბრენდის იმპორტიორია საქართველოში. ,,თეგეტა ჰოლდინგი”, 3000-მდე თანამშრომლით, დღეს საქართველოში ერთ-ერთი უმსხვილესი დამსაქმებელია.

14:40

„ახალგაზრდული მრჩეველთა საბჭოების ასოციაციასთან თანამშრომლობით ახალგაზრდებთან შეხვედრა გავმართეთ. რა თქმა უნდა საარჩევნო ადმინისტრაციისთვის ძალიან მნიშვნელოვანია მსგავსი ტიპის შეხვედრები და ახალგაზრდებისთვის არჩევნებთან დაკავშირებული მნიშვნელოვანი საკითხების გაცნობა. აღნიშნული შეხვედრა ბათუმში გაიმართა და აღსანიშნავია რომ ბათუმის მრჩეველთა საბჭოს გარდა სამი სხვადასხვა მუნიციპალიტეტის წარმომადგენელი ახალგაზრდები იღებდნენ მონაწილეობას. შეხვედრის განმავლობაში მათ მიიღეს ყველა საჭირო ინფორმაცია იმ მნიშვნელოვან საკითხებთან დაკავშირებით, რაც საარჩევნო პროცესს უკავშირდება, არამხოლოდ საქართველოში, არამედ საერთაშორისო მასშტაბით. რა თქმა უნდა, ახალგაზრდების მოსაზრებების მოსმენა აღნიშნულ საკითხებზე ყოველთვის ძალიან მნიშვნელოვანია“- აღნიშნა გიორგი შარაბიძემ.ცესკოს თავმჯდომარის მოადგილემ დეტალურად ისაუბრა 4 ოქტომბერს დაგეგმილ არჩევნებზე, ამომრჩეველთა როლზე და ადმინისტრაციის მიერ დაგეგმილ აქტივობებზე. მან თავის გამოსვლაში ასევე დეტალურად ისაუბრა დეზინფორმაციაზე, როგორც საარჩევნო პროცესის გლობალურ გამოწვევაზე და ახალგაზრდებს ამ მიმართულებით საარჩევნო ადმინისტრაციის სტრატეგიაც გააცნო.პროექტის - „საქართველოს ახალგაზრდული მრჩეველთა საბჭოები - იდეიდან ცვლილებამდე“ ფარგლებში 4 რეგიონული შეხვედრა გაიმართა. აღნიშნული შეხვედრები ცენტრალური საარჩევნო კომისიის, სსიპ ახალგაზრდობის სააგენტოსა და საქართველოს ახალგაზრდული მრჩეველთა საბჭოების ასოციაციის მჭიდრო თანამშრომლობით სხვადასხვა რეგიონში ეტაპობრივად მიმდინარეობდა.

14:04

ტურნირის მთავარი მიზანი პირველი სამი ადგილის დაკავება და A დივიზიონში გადასვლაა. სწორედ ამ შედეგით დასტურდება მომავალი თაობის პროგრესი და ეროვნული კალათბურთის მაღალი სტანდარტები.მოსამზადებელი ეტაპი გუნდისთვის განსაკუთრებით ინტენსიური და მრავალფეროვანი იყო. უკვე თვეზე მეტია, ნაკრები აქტიურად ემზადება.  სამზადისი გაიმართა მათ შორის ლატვიაში გამართულ შეკრებაზეც, სადაც კალათბურთელები ყოველდღიურ ტაქტიკურ და ფიზიკურ ვარჯიშებთან ერთად სხვადასხვა ამხანაგურ შეხვედრებში  ევროპული ნაკრებების წინააღმდეგ მონაწილეობდნენ. ამ მატჩებმა გუნდს მისცა გამოცდილება და ტურნირისთვის აუცილებელი სათამაშო რიტმი.ნაკრების შემადგენლობა ახალგაზრდა და პერსპექტიული მოთამაშეებით არის დაკომპლექტებული – გუნდი, რომელიც მზად არის იბრძოლოს თითოეული თამაშისთვის და ღირსეულად წარმოაჩინოს საქართველო საერთაშორისო ასპარეზზე.FIBA U20 EuroBasket B დივიზიონი არის უმნიშვნელოვანესი ასპარეზი ახალგაზრდა ტალანტებისთვის და საქართველოსთვის – შანსი, დაამტკიცოს საკუთარი  ადგილი ევროპის კალათბურთის ელიტაში.ერთად ვუგულშემატკივროთ საქართველოს 20-წლამდე კალათბურთელთა ნაკრებს ევრობასკეტ 2025-ზე. კალათბურთის ეროვნული ნაკრების მთავარი სპონსორია საქართველოს ბანკი.

12:20

სემინარის ფარგლებში, რომელმაც მსოფლიოს წამყვანი ენერგეტიკული კომპანიები შეკრიბა და გლობალური ენერგეტიკული დღის წესრიგის განხილვის მნიშვნელოვან პლატფორმად იქცა, სახელმწიფო ნავთობკომპანიის პრეზიდენტმა მონაწილეობა მიიღო არაერთ ღონისძიებაში და გამართა ორმხრივი შეხვედრები.მაღალი დონის მრგვალ მაგიდაზე „პოლიტიკა და რეგულირება: სამართლიანი და რეალისტური ენერგეტიკული მომავალი“ გამოსვლისას, ნაჯაფმა ხაზი გაუსვა ენერგეტიკული გარდამავალი პროცესის განხორციელების მნიშვნელობას თითოეული ქვეყნის ეროვნული პირობებისა და ეკონომიკური პოტენციალის გათვალისწინებით. მან დეტალურად ისაუბრა აზერბაიჯანის თანამედროვე ენერგეტიკულ სტრატეგიასა და SOCAR-ის მიერ ენერგეტიკული უსაფრთხოებისა და მდგრადი განვითარების უზრუნველსაყოფად გატარებულ ზომებზე.სემინარის დროს როვშან ნაჯაფმა ორმხრივი შეხვედრები გამართა TotalEnergies-ის აღმასრულებელ დირექტორთან პატრიკ პუიანესთან, Halliburton-ის თავმჯდომარესთან ჯეფ მილერთან, Crescent Petroleum-ის აღმასრულებელ დირექტორთან მაჯიდ ჯააფართან და OQEP-ის აღმასრულებელ დირექტორთან აჰმედ ალ აზკავისთან.შეხვედრებზე განიხილეს ენერგეტიკის სექტორის სხვადასხვა სფეროში თანამშრომლობის შესაძლებლობები და გაცვალეს მოსაზრებები ერთობლივად განხორციელებულ პროექტებზე.

12:01

ამ რევოლუციური კვლევის შედეგები გამოქვეყნდა ავტორიტეტულ სამეცნიერო ჟურნალ Science Signaling-ში.მეცნიერებმა აღმოაჩინეს, რომ CXCL12 მნიშვნელოვან როლს ასრულებს სისხლის წითელი უჯრედების მომწიფებაში, რაც ხელს უწყობს წინამორბედ უჯრედებს ბირთვის მოშორებაში - მათი სრულფასოვან სისხლის წითელი უჯრედებად გარდაქმნის საკვანძო ეტაპი. სისხლის წითელი უჯრედები ადამიანის სისხლის მოცულობის 45%-ს შეადგენენ და ასრულებენ სასიცოცხლო ფუნქციას - ჟანგბადის მიწოდებას სხეულის ყველა ქსოვილში.ბუნებრივ პირობებში, ეს რთული პროცესი ხდება ძვლის ტვინში, სადაც ღეროვანი უჯრედები თანმიმდევრულად გარდაიქმნებიან ერითრობლასტებად, ბირთვის დაკარგვის შემდეგ, მწიფე სისხლის წითელი უჯრედებად იქცევიან. ბირთვის დაკარგვა არ არის მხოლოდ ფორმალობა, არამედ უჯრედების შეკუმშვისა და ჰემოგლობინის კონცენტრაციის გაზრდის აუცილებელი მექანიზმი, რაც აუმჯობესებს ჟანგბადის ტრანსპორტირების ეფექტურობას.მკვლევრებმა აჩვენეს, რომ CXCL12-ის ლაბორატორიაში დამატება წარმატებით ახდენს სისხლის უჯრედების განვითარების ამ კრიტიკული ეტაპის იმიტაციას, რაც ხელოვნური სისხლის წარმოების ტექნოლოგიების გაუმჯობესების ახალ შესაძლებლობებს ქმნის.დღემდე, ხელოვნური სისხლის წითელი უჯრედები ძირითადად ჭიპლარის სისხლის ან ძვლის ტვინის ღეროვანი უჯრედებიდან იქმნება, მაგრამ მათი ხელმისაწვდომობა სერიოზულად შეზღუდულია. მიუხედავად იმისა, რომ თანამედროვე ტექნოლოგიები უკვე იძლევა ჩვეულებრივი უჯრედების ღეროვან უჯრედებად გადაპროგრამების საშუალებას, ბირთვის მოშორების პროცესის ეფექტურობა 40%-ს არ აღემატება. CXCL12-ის გამოყენებას შეუძლია მნიშვნელოვნად გაზარდოს ეს მაჩვენებელი, რაც ხელოვნური სისხლის წარმოებას უფრო ეფექტურს და ეკონომიურს გახდის.ეს აღმოჩენა განსაკუთრებით მნიშვნელოვანია იშვიათი სისხლის ჯგუფების შესაქმნელად და პერსონალიზებული მედიკამენტების შემუშავებისთვის ისეთი სერიოზული დაავადებების სამკურნალოდ, როგორიცაა ნამგლისებრუჯრედოვანი ანემია და თალასემია. გარდა ამისა, ხელოვნური სისხლის მასობრივ წარმოებას შეუძლია გადაჭრას დონორის სისხლის დეფიციტის გლობალური პრობლემა, განსაკუთრებით საგანგებო სიტუაციებში და სამედიცინო მომსახურებაზე შეზღუდული წვდომის მქონე რეგიონებში.

11:46