აღსანიშნავია, რომ Global Finance-ი საუკეთესო ციფრულ ბანკებს უკვე 26-ე წელია ასახელებს, ინიციატივაში კი წამყვანი საფინანსო ორგანიზაციები მონაწილეობენ. აღსანიშნავია, რომ წელს საქართველოს ბანკმა ჯამში 34 ჯილდო მიიღო.პირველი რაუნდის ფარგლებში, მონაწილეები Infosys-ის მსოფლიო დონის ჟიურის წევრების მიერ შეირჩნენ, გამარჯვებულები კი Global Finance-ის რედაქციის მიერ დასახელდნენ.გამარჯვებულების გამოსავლენად, ჟიურის წევრები ეყრდნობიან შემდეგ კრიტერიუმებს: ციფრული მომხმარებლების მოზიდვისა და სერვისის მიწოდების სტრატეგიის სიძლიერე, მომხმარებლების მხრიდან ციფრული შეთავაზებების გამოყენება, ციფრული მომხმარებლების ზრდა, ციფრული ინიციატივების ეფექტურობა, ვებ და მობილური აპლიკაციების დიზაინი და მათი ფუნქციურობა.„ციფრული საბანკო პროცესები გამუდმებით იცვლება და ვითარდება, შესაბამისად, ფინანსური ინსტიტუტები იყენებენ ხელოვნურ ინტელექტს, Cloud-ზე დაფუძნებულ ტექნოლოგიებს, რათა მომხმარებლებს შესთავაზონ უსაფრთხო და მათ ინდივიდუალურ საჭიროებებსა თუ მოთხოვნილებებზე მორგებული გამოცდილება. წლევანდელი Global Finance-ის გამარჯვებულები კი ინოვაციების სათავეში არიან, რადგან სწორედ ისინი ქმნიან საბანკო პროცესების მომავალს“, - აღნიშნავს ჯოზეფ ჯიარაპუტო, Global Finance-ის დამფუძნებელი და სარედაქციო დირექტორი.“მოხარული ვართ, რომ Global Finance-მა საქართველოს ბანკი საუკეთესო სამომხმარებლო ციფრულ ბანკად დაასახელა არა მხოლოდ საქართველოში, არამედ ცენტრალურ და აღმოსავლეთ ევროპის რეგიონში. ეს ჯილდო კიდევ ერთხელ ადასტურებს ჩვენი ციფრული ეკოსისტემის სიძლიერეს, ინოვაციებისადმი მუდმივ სწრაფვასა და ჩვენთვის მომხმარებლის, როგორც ჩვენი ყოველდღიური პროცესების მთავარ ღირებულებას.  საქართველოს ბანკის გუნდი მუდმივ რეჟიმში მუშაობს, რათა მომხმარებლებს შევთავაზოთ უსაფრთხო, მარტივი და თანამედროვე საბანკო გამოცდილება. Global Finance-ის მიერ მონიჭებული აღიარება კი გვაჩვენებს, რომ ჩვენ სწორი მიმართულებით მივდივართ, რაც გვაძლევს მოტივაციას, არ გავჩერდეთ და შევქმნათ საუკეთესო ციფრული ბანკი არა მხოლოდ საქართველოში, არამედ რეგიონში“, - აღნიშნავს გიორგი ვახტანგიშვილი, საქართველოს ბანკის ციფრული საბანკო მომსახურების დეპარტამენტის დირექტორი.საქართველოს ბანკის ჯილდოების სრული სიის სანახავად ეწვიეთ ბმულს.

1755866580

შორიდან დავიწყოთ: აშშ-ში დაიბადა. გაიზარდა თბილისში, შემდეგ კი იყო პერიოდი, როდესაც იტალიაში ცხოვრობდა და 2016 წლიდან, კვლავ შტატებს დაუბრუნდა, სადაც მისი მენტორი ზაზა ფაჩულია გახდა. ზაზას დახმარებით, სანდრომ სწორი საკალათბურთო, თუ ცხოვრებისეული - საჭადრაკო სვლების გაკეთება დაიწყო.სანდრო გეომეტრიულად პროგრესირებდა. “სეტონ ჰოლის” შემადგენლობაში თამაშობდა და ხშირად ხვდებოდა სიმბოლურ გუნდში, ამყარებდა პერსონალურ რეკორდებს, მისდამი საქებარ სიტყვებს არ იშურებდნენ გუნდის მთავარი მწვრთნელი და ქომაგები, ანალიტიკოსები ვარაუდობდნენ, რომ “მამუს” NBA-ში ხანგრძლივი და დიდი კარიერა ელოდებოდა: “მამუკელაშვილი უნიკალური ტალანტია”, - წერდა გავლენიანი გამოცემა, The Athletic. რა გასაკვირია, რომ ამ გზამ საკალათბურთო მექამდე, NBA-მდე მიიყვანა.2021 წლის მარტში, სანდრომ "სეტონ ჰოლში" ბოლო მატჩი ჩაატარა. "ამ გუნდში მთელი გული ჩავდე", - ამბობდა მამუკელაშვილი, როდესაც გუნდს ემშვიდობებოდა. არასოდეს დაუმალავს, რომ მწვრთნელის, კევინ უილიარდის უზომო მადლიერი იყო. თანაც, NCAA-ის სუპერვარსკვლავის რანგში დაემშვიდობა: BIG EAST-ის კონფერენციამ ის სეზონის საუკეთესო მოთამაშედ დაასახელა. თუმცა წინ მას უფრო ფართო და დიდი ასპარეზი ელოდებოდა.2021 წლის დრაფტზე “ინდიანა პეისერსმა” აირჩია, რითაც ხანგრძლივი "მშრალი სერია" დასრულდა: ფაჩულიას კარიერის დასრულების შემდეგ (2019), NBA-ში ქართველი წარმომადგენელი აღარ გვყოლია. მალევე, “ინდიანამ” სანდრო NBA-ის მოქმედ ჩემპიონ გუნდში, “მილუოკი ბაქსში” გაუშვა, სადაც უდიდესი კონკურენცია დახვდა. სანდროს ეძლეოდა შანსები, თუმცა მაინც, დროებით მისი G ლიგაში გაშვება გადაწყვიტეს, სადაც ბრწყინვალე ასპარეზობისა და თავის გამოჩენის შემდეგ, დაამტკიცა, რომ მისი ადგილი NBA-ში იყო.2022 წლის 10 აპრილს, ისტორია გადაწერა: 28 ქულას, 13 მოხსნასა და 4 პასს მოუყარა თავი, რითაც მისი მისაბაძი მაგალითის, ზაზა ფაჩულიას რეკორდი გადაწერა (ზაზას რეკორდი 2007 წლის 7 მარტს ჰქონდა დამყარებული, სადაც "ვაშინგტონთან" 27 ქულა ჩაიწერა აქტივში). ასევე, სანდროს კარიერაში, ეს პირველი ორმაგი დუბლი გახლდათ. თუმცა სანდრო ამაზე არ გაჩერებულა: მიმდინარე წლის მარტში, სანდრომ NBA-ის მატჩში “მამუს შოუ” მოაწყო და 19 წუთში 34 ქულა ჩააგდო, რაც არათუ ქართველს, არამედ NBA-ში მოთამაშე არცერთ კალათბურთელს გაუკეთებია.აუცილებლად უნდა გავამახვილოთ ყურადღება სანდროს კარიერის იმ პერიოდზე, როდესაც იგი “სან ანტონიოში” გადაბარგდა. არც მეტი, არც ნაკლები - მისი მწვრთნელი ლეგენდარული გრეგ პოპოვიჩი გახდა. “სანდრო ტალანტია, მოგვწონს მისი თამაში. იცის, რა - როდის გააკეთოს. ევროპული სტილით თამაშობს და აქვს ის, რაც აქაურ კალათბურთელებს არ აქვთ. შესანიშნავად მოძრაობს უბურთოდ, გონიერია, გამოსდის პასები, სწრაფია - მასში ყველაფერი მომწონს”, - ამბობდა NBA-ის ისტორიაში ყველაზე ტიტულოვანი მწვრთნელი სანდროს შესახებ.“სან ანტონიოში” კარიერის გამორჩეული მომენტები შექმნა, გულშემატკივარმაც შეიყვარა, მაგრამ ფაქტია - სანდროს პროგრესისთვის მეტი სათამაშო დრო და სივრცე სჭირდებოდა. ამ ზაფხულს, გუნდს გამოემშვიდობა და შესაძლებლობისთვის - გამხდარიყო უკეთესი, დიდი მადლობა გადაიხადა.წინ ახალი სეზონია: მამუკელაშვილი "ტორონტო რაპტორსში" ითამაშებს. თუმცა მანამდე, სანდროს მნიშვნელოვანი გამოცდა ელოდება. ის, რაც გასულ ევრობასკეტზე, თურქეთის ნაკრების წინააღმდეგ ვიხილეთ - შეუჩერებელი მამუ, რომელმაც ურთულეს მატჩში ჩვენს ნაკრებს ულიდერა, გვსურს, რომ 2025 წლის ევრობასკეტზეც ვიხილოთ. მისი შეუპოვარი ხასიათისა და სურვილის (გახდეს უკეთესი, გახდეს ლეგენდა) გათვალისწინებით, წინ უზომოდ საინტერესო მატჩები გველოდება.მამუ არ არ ჩერდება,შენც არ გაჩერდე, საქართველო.ერთად ვუგულშემატკივროთ ქართველ სპორტსმენებს. საქართველოს ბანკი საქართველოს ეროვნული საკალათბურთო ნაკრების მთავარი სპონსორია.

1755864257

ბიზნესის რეგისტრაციის სერვისით სარგებლობა ხელმისაწვდომია შემდეგ მისამართებზე:თბილისი: ქეთევან წამებულის გამზ. №50/18 წერეთლის გამზ. №99 გლდანი, ვასაძის ქ. №3 ლეონიძის ქ. №2 ვაჟა-ფშაველას გამზ. №42-44 რეგიონები: ბათუმი, მემედ აბაშიძის 58 ბათუმი, შარტავას 8 ქუთაისი, რუსთაველის ქ. №5 ქუთაისი, რუსთაველის ქ. №141 ქობულეთი, აღმაშენებლის ქ. №126 ზუგდიდი, გამსახურდიას ქ. №18 სამუშაო საათებია: ორშაბათი – პარასკევი: 09:30 – 19:00; შაბათი: 10:00 – 14:00.გარდა ამისა, 31 დეკემბრის ჩათვლით, ბიზნესის რეგისტრაციისას მომხმარებლები რეგისტრაციის საფასურზე ქეშბექს მიიღებენ: ინდ. მეწარმეებისთვის საკომისიო სრულად დაბრუნდება; შპსს რეგისტრაციისას კი მომხმარებლები საფასურის 20%-ს დაიბრუნებენ. ბიზნესის რეგისტრაციის შემდეგ, მომხმარებლებს შესაძლებლობა აქვთ, ადგილზე ან ბიზნეს მობილბანკით ანგარიში გახსნან და სასტარტო ბიზნეს ნაკრები გაააქტიურონ, რომელიც მოიცავს: ბიზნეს ანგარიშს; ბიზნეს ბარათს; ტერმინალს — 3 თვე მომსახურების საკომისიოს გარეშე; ონლაინ გადახდებს — საკომისიოს გარეშე. გარდა ამისა,  ჩაერთონ საჩუქრების კამპანიაში 30.09.2025-მდე და მიიღონ საჩუქრები ბიზნესისთვის: M ნაკრები უფასოდ,  ქეშბექი MasterCard-ის ბიზნეს ბარათზე, ფულადი საჩუქრები და უფასო გადარიცხვები. საჩუქრების კამპანიის შესახებ მეტი ინფორმაციის მისაღებად ეწვიეთ საქართველოს ბანკის ვებგვერდს.„ბიზნესის რეგისტრაციის სერვისის რეგიონებში გავრცელება ჩვენი მიზნის — მეწარმეობის ხელშეწყობის — კიდევ ერთი მნიშვნელოვანი ეტაპია. ამ ნაბიჯით ჩვენ კიდევ უფრო ვუახლოვდებით მომხმარებელს და ვუზოგავთ დროს მათ, ვისაც ეკონომიკური საქმიანობის დაწყება სურთ. საქართველოს ბანკი განაგრძობს ბიზნესის საჭიროებების შესწავლას და მათზე მორგებული ინოვაციური სერვისების შექმნას”, - აცხადებს თორნიკე კუპრაშვილი, საქართველოს ბანკის მცირე და საშუალო ბიზნესის მიმართულების ხელმძღვანელი.გაიგეთ მეტი ბიზნესის ფილიალში რეგისტრაციის შესახებ საქართველოს ბანკის ვებგვერდიდან.

1755861720

პროექტი აზიის განვითარების ბანკის მიერ ფინანსდება. სატენდერო დოკუმენტაციის მიხედვით, ზედამხედველობის მომსახურების ვადა 48 თვეა. დაინტერესებულმა კომპანიებმა წინადადებები ინგლისურ ენაზე აზიის განვითარების ბანკის ვებ-გვერდის მეშვეობით არაუგვიანეს 2025 წლის 22 სექტემბრისა უნდა წარადგინონ. დოკუმენტის თანახმად, შერჩევა განხორციელდება ხარისხსა და ფასზე დაფუძნებული შერჩევის მეთოდის გამოყენებით აზიის განვითარების ბანკის შესყიდვების სახელმძღვანელოს თანახმად.გვირაბი და ხიდები - როგორი იქნება ბათუმი-სარფის შემოვლითი მაგისტრალიროგორც ცნობილია, საქართველო თურქეთს ახალი მაგისტრალით დაუკავშირდება. ზღვის სანაპიროს მომიჯნავედ არსებული გზა ჩანაცვლდება ახალი ასფალტ ბეტონის 11.4 კილომეტრის სიგრძის გზით, რომელიც ბათუმის მუნიციპალიტეტის საზღვრებში, მდ. ჭოროხის მარჯვენა სანაპიროდან დაიწყება და ხელვაჩაურის მუნიციპალიტეტში, სოფ. სარფის ტერიტორიაზე, საქართველოსა და თურქეთის საზღვრის სიახლოვეს დასრულდება.აღნიშნულ მონაკვეთზე მოეწყობა 2-ზოლიანი გვირაბი და ხიდები. პროექტის მიხედვით, 10.2 კმ სიგრძის მონაკვეთზე დაგეგმილია ახალი ინფრასტრუქტურის მოწყობა, ხოლო სარფის ზონაში, წმინდა ანდრიას ძეგლთან, ბოლო 800 მეტრზე დაემთხვევა არსებულ გზას. ახალი მაგისტრალის მთავარი მონაკვეთი იქნება 7.6-კილომეტრიანი გვირაბი, რომელიც დასახლებულ პუნქტებს გვერდს აუქცევს. გვირაბი ორზოლიანი იქნება, სავალი ნაწილი 7.5 მ, სიმაღლე კი 5 მეტრის იქნება.„დაგეგმილია ოთხზოლიანი კვანძის მოწყობა გზის დასაწყისში, ორზოლიანი ხიდის მშენებლობა მდ.ჭოროხზე, ორზოლიანი გვირაბის მშენებლობა და ოთხზოლიანი მონაკვეთის მშენებლობა სამხრეთი პორტალის შემდეგ არსებულ გზასთან შეერთების ზონაში. ინფრასტრუქტურა მოემსახურება ორივე მიმართულებით მოძრავ სატრანსპორტო ნაკადებს. გზის დასაწყისში დაგეგმილია ბათუმის აეროპორტისკენ და გონიოსკენ საპროექტო გზის დასაკავშირებლად კვანძის მოწყობა, რომელიც უზრუნველყოფს ბათუმის შემოვლითი გზიდან აეროპორტის მიმდებარე ზონაში არსებულ საბაჟოსკენ სატრანსპორტო ნაკადის გატარებას.დოკუმენტაციის მიხედვით, საპროექტო გზა იწყება მდ. ჭოროხის მარჯვენა ნაპირზე, ბათუმის შემოვლითი გზის კვანძიდან და 1 471 მ. სიგრძის ხიდით სოფ. თხილნარის ადმინისტრაციულ საზღვრებში კვეთს მდ. ჭოროხს. ხიდის შემდეგ, სოფ. ჭარნალთან საპროექტო გზის დერეფანი გრძელდება დაახლოებით 7.6 კმ სიგრძის გვირაბით, რომელიც გადის სოფ. ჭარნალისა და სოფ. ახალსოფლის ტერიტორიებზე სარფის ზონამდე. ბოლო მონაკვეთზე, გვირაბის პორტალთან დაგეგმილია კვარიათიდან შემოსასვლელი პანდუსის შემადგენლობაში 60 მ. სიგრძის ხიდის მოწყობა. საპროექტო გზის მონაკვეთი დასრულდება სოფ. სარფის შესასვლელთან, სადაც დაუკავშირდება არსებულ ორზოლიან გზას“ - აღნიშნულია საავტომობილო გზების დეპარტამენტის მიერ გამოქვეყნებულ პროექტის აღწერაში.ცნობისათვის, ახალი მაგისტრალი აზიის განვითარების ბანკის (ADB) დაფინანსებით შენდება და მისი დასრულება 2028 წელს იგეგმება. მშენებლობა მთლიანად 620 მლნ ლარი დაჯდება, საიდანაც 2025 წელს 35 მლნ ლარი დაიხარჯება. რაც შეეხება შემდგომ წლებს, 2026 წელს საპროგნოზო მაჩვენებელი არის 185 მლნ ლარი; 2027-2028 წლებში კი 200-200 მლნ ლარი.წყარო: BPN.GE

1755860940

Toyota-სა და Bridgestone-ის იაპონური პარტნიორობა საქართველოშიც გრძელდება. საბურავების მწარმოებელმა  ბრენდმა კავკასიის რეგიონში ბიზნესსაქმიანობა სწორედ „თეგეტასთან“ პარტნიორობით დაიწყო. Bridgestone-სა და „თეგეტა მოტორს“ შორის პირველი გარიგება 1998 წელს შედგა. დღეს უკვე  „თეგეტა მოტორსი“ რეგიონში მსოფლიო ბრენდის ოფიციალური დისტრიბუტორია. რაც შეეხება Toyota-ს, „თეგეტა ჰოლდინგის“ ერთ-ერთ მიმართულებაში „თეგეტა ქარსში“ შემავალი კომპანია „ტოიოტა ცენტრი თეგეტა“ საქართველოს ბაზარზე  2014 წლიდან ოპერირებს.დავით ჩხაიძე, „თეგეტა პრაიმ პროდაქტსის“ დირექტორი: „Bridgestone-ის და Toyota-ს OEM თანამშრომლობა მომხმარებლისათვის უმაღლეს სტანდარტს ნიშნავს. უსაფრთხოებითა და გამძლეობით გამორჩეული Toyota-ს მოდელები Bridgetone-ის საბურავებით წარმოების პროცესშივე აღიჭურვება. ამ უპირატესობას ავტომობილის მფლობელი ყოველდღიურ მართვაში გრძნობს.  სეზონური საბურავები სხვადასხვა კომპლექტაციით შესაბამის მოდელებს ერგება, იქნება ეს უგზოობისთვის განკუთვნილი მაღალი გამავლობის ავტომობილი თუ სედანი. ქართული ბაზრისთვის საკმაოდ კარგად ცნობილი და მოთხოვნადი მოდელების, RAV4, Corolla and Camry, Hilux, Land cruiser and Prado, უმრავლესობას Bridgestone-ის საბურავი აქვს. საბოლოოდ, მომხმარებელი იღებს ორმაგ გარანტიას – უმაღლესი ხარისხისა და უსაფრთხოების სტანდარტების დაცვას“.Bridgestone, რომელიც მსოფლიოს მასშტაბით 120-ზე მეტი ქარხნისა და კვლევისა და განვითარების ობიექტის მფლობელია, წარმოებაში თანამედროვე მიღწევებს იყენებს. ხელოვნური ინტელექტის დახმარებით პროდუქციას,480 სხვადასხვა ხარისხობრივი პარამეტრით სწრაფად და სრული სიზუსტით აკონტროლებს.ინტელექტუალურ სისტემასთან ერთად, იყენებს NanoPro-Tech ტექნოლოგიას, რაც, ერთი მხრივ, საწვავის ეფექტიან მოხმარებას უწყობს ხელს და ამასთანავე, აუმჯობესებს მოჭიდებას, რაც პირდაპირ კავშირშია უსაფრთხოებასთან. კომპანია კვლევებზე წლიურად 800 მილიონ ევროს ხარჯავს.ლაბორატორიული სამუშაოები და უახლესი მიდგომები წარმოებაში პრიორიტეტულია Toyota-სთვისაც. კომპანიის წლიური ბიუჯეტიდან მილიონ დოლარზე მეტი სწორედ ამ მიმართულებით იხარჯება. ორ იაპონურ ბრენდს კიდევ ერთი საერთო აქვს, რაც გარემოს დაცვასა და მწვანე პროექტებს უკავშირდება.Bridgestone აქტიურად მუშაობს ეკომეგობრული ტექნოლოგიების დანერგვაზე საბურავების წარმოებაში და 2050 წლისთვის 100%-ით გადამუშავებადი მასალების გამოყენებას გეგმავს. Toyota კი ჰიბრიდული და ელექტრომობილების განვითარებით  მავნე კომპონენტების ემისიას ამცირებს. ამ თანამშრომლობის შედეგად მომხმარებელი იღებს არა მხოლოდ მაღალხარისხიან პროდუქტს, არამედ იმ ხედვის ნაწილიც ხდება, რომელიც მწვანე მომავლისკენ არის მიმართული.Bridgestone კავკასიის რეგიონში წარმოდგენილია, როგორც კომფორტკლასის, სპორტული, ასევე SUV თუ სატვირთოსთვის განკუთვნილი საბურავებით. იაპონური ბრენდის უპირატესობები რეგიონში სრულად ხელმისაწვდომი „თეგეტა მოტორსმა“ გახადა.დავით ჩხაიძე, „თეგეტა პრაიმ პროდაქტსის“ დირექტორი: „ჩვენ მომხმარებელს არაერთ ბენეფიტს ვთავაზობთ, მათ შორის არის უსასრულო გარანტია, რომელსაც მომხმარებელი Bridgestone-ის საბურავის შეძენისას იღებს. ნებისმიერი დაზიანების შემთხვევაში, იქნება ეს მექანიკური თუ ქარხნული წუნი, საბურავის ნარჩენი ღირებულება ანაზღაურდება.ასევე ხაზგასასმელია ჩვენი შეთავაზება კორპორაციული მომხმარებლებისათვის. ეს არის PPK (Price-Per-Kilometer) სერვისი. ახალი მიდგომა ბიზნესის მეტი ეფექტიანობისთვის შეიქმნა. საბურავის ღირებულება ერთ კილომეტრზე გამოთვლით განისაზღვრება, რაც ნიშნავს, რომ ფასი ავტომობილის გარბენზე ნაწილდება. ეს კი, თავის მხრივ, ნათლად აჩვენებს, რომ პრემიუმ ხარისხის საბურავის გამოყენება, ერთი მხრივ, უსაფრთხოების გარანტია და ამასთანავე, ფინანსური რესურსის რაციონალურად გამოყენების წინაპირობაა“. საერთაშორისო გამოცდილებასა და გრძელვადიან პარტნიორობაზე დაფუძნებული თანამშრომლობა „თეგეტა მოტორსს“, Bridgestone-სა და Toyota-ს შორის ახალ ეკოსისტემას  ქმნის. შედეგად, მომხმარებელი  არა მხოლოდ პრემიუმ კლასის პროდუქტსა და სერვისს, არამედ უსაფრთხოების, ეფექტურობისა და ხარისხის ერთიან სტანდარტს იღებს, რომელიც თანამედროვე მოთხოვნებს სრულად შეესაბამება.--თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

1755856320

რაც იმას ნიშნავს, რომ საქართველოს ბანკი Fulbright-ის პროგრამაში ყოველწლიურად საკუთარ გამარჯვებულს ავლენს და მათ აშშ-ში სწავლისა და ცხოვრების ხარჯებს სრულად უფინანსებს.წლევანდელი კონკურსის გამარჯვებული ეკატერინე ჭონიშვილი გახდა, რომელიც ორეგონის შტატში, Oregon State University-ში, ხელოვნური ინტელექტის მიმართულებით ისწავლის.განათლების გზაზე არ გაჩერდეეკატერინე პროფესიით ფიზიკოსია, მან თბილისის სახელმწიფო უნივერსიტეტი დაამთავრა, თუმცა, მანამდე კომაროვის სკოლაში წარმატებული მოსწავლე იყო. სწავლის დროს აქტიურად მონაწილეობდა სამეცნიერო კონფერენციებში, შემდეგ კი სხვადასხვა კომპანიასთან თანამშრომლობდა და პროგრამირების მიმართულებით აგროვებდა სამუშაო გამოცდილებას.ამჟამად ეკატერინე ხელოვნური ინტელექტით არის დაინტერესებული და Fulbright-ის პროგრამაში მონაწილეობაც საკუთარი ინტერესებისა და ცოდნის განვითარების მიზნით გადაწყვიტა.„Fulbright-ის პროგრამის შესახებ დიდი ხანია ვიცოდი, თუმცა უშუალოდ აპლიკაციის შევსება და მონაწილეობის მიღება შარშან პირველად გადავწყვიტე. აპლიკაცია მოცულობითია, საჭირო იყო სამოტივაციო წერილი, რეკომენდატორების მოძიება, უნივერსიტეტების შერჩევა. თუმცა, გამომდინარე იქიდან, რომ Fulbribght-ი სრულად შეესაბამება ჩემს მიზნებსა და სურვილებს, ყველა ეს საჭირო პროცედურა დიდი მოტივაციით და პასუხისმგებლობით გავიარე”, - აღნიშნავს ეკატერინე.კონკურსში ერთ-ერთი მნიშვნელოვანი პროცედურა უნივერსიტეტების შერჩევაა, თუმცა Fulbright-ის კომისია საბოლოოდ თავად იღებს გადაწყვეტილებას, თუ რომელ უნივერსიტეტებში გაანაწილებს გამარჯვებულებს:“ჩემთვის მნიშვნელოვანი იყო, რომ არჩეული უნივერსიტეტი ყოფილიყო კონკურენტუნარიანი. ჯერ კიდევ კომაროვის სკოლაში, სადაც კონკურენცია და სისტემატური გამოცდები ყოველდღიური რეალობა იყო, შევეჩვიე აქტიურ შრომასა და ჯანსაღ კონკურენტულ გარემოს. უნივერსიტეტების შერჩევისას განსაკუთრებულ ყურადღებას ვაქცევდი მათ კავშირს ინდუსტრიასთან. ხელოვნური ინტელექტის სფეროში ჩემთვის პრიორიტეტულია არა მხოლოდ აკადემიური განათლება და თეორიული ცოდნა, არამედ ამ ცოდნის პრაქტიკაში გამოყენების რეალური შესაძლებლობები”, - გვიყვება ეკატერინე.ეკატერინე ამერიკაში სწავლის შემდეგ გეგმავს, საქართველოში დაბრუნდეს და შეძენილი გამოცდილებით საკუთარი წვლილი შეიტანოს ქვეყნის ტექნოლოგიურ პროგრესში.“მსურს მაქსიმალურად პროდუქტიულად გამოვიყენო ამერიკაში სწავლის პერიოდი. გარდა ამისა, დამოუკიდებლად ცხოვრება, ახალი კულტურა და ახალი ადამიანები, ვფიქრობ, მნიშვნელოვან გამოცდილებას მომცემს. საქართველოში ბოლო წლებია, რაც ხელოვნური ინტელექტი ფეხს იკიდებს. ჩემი უმთავრესი მიზანია, საქართველოში დაბრუნების შემდეგ აქტიურად ჩავერთო ადგილობრივ პროფესიულ გარემოში და ხელი შევუწყო AI-ის ინტეგრაციას სხვადასხვა სფეროში”, - აღნიშნავს ეკატერინე.მომავალ ფულბრაიტელებს, რომლებიც შესაძლოა ჯერ ვერ ბედავენ აპლიკაციის შევსებას კი ურჩევს:“არაფერია შეუძლებელი. ყველას ვურჩევდი, რომ აპლიკაციის შევსებამდე კიდევ ერთხელ დაფიქრდნენ საკუთარ მიზნებზე. გულწრფელობა დიდ კონკურენციაში გამარჯვების მთავარი იარაღია. ამის შემდეგ კი მაქსიმალურად დიდი დრო დაუთმონ პროცესს, იფიქრონ სიღრმისეულად თითოეულ შეკითხვაზე, დეტალურად აღწერონ საკუთარი გამოცდილება და მომავალი მიზნები”, - გვიყვება ეკატერინე.თუ თქვენც გსურთ, ისწავლოთ საზღვარგარეთ, აღმოაჩინეთ საქართველოს ბანკის მიერ შექმნილი განათლების შესაძლებლობები ვებგვერდზე: ganatleba.bog.ge

1755854612