Home » ბიზნესი » ვითიბი საფეხბურთო კლუბ წყალტუბოს „სამგურალის“ ქომაგი გახდა

ვითიბი საფეხბურთო კლუბ წყალტუბოს „სამგურალის“ ქომაგი გახდა

„ვითიბი“, როგორც ქართული ფეხბურთის #1 ქომაგი, საფეხბურთო კლუბ წყალტუბოს „სამგურალის“ გენერალური სპონსორი გახდა, – ამის შესახებ ინფორმაციას „ვითიბი“ ბანკის პრესსამსახური ავრცელებს.

მათივე ინფორმაციით, მხარეებს შორის გაფორმებულ მემორანდუმს, ხელი საფეხბურთო კლუბ სამგურალის პრეზიდენტმა, მიხეილ იაშვილმა და „ვითიბი“ ბანკის გენერალურმა დირექტორმა, არჩილ კონცელიძემ მოაწერეს.

„უკვე 4 წელზე მეტია, რაც ვითიბი ქართული ფეხბურთის #1 ქომაგი და მხარდამჭერია. პირველ რიგში, ჩვენი თანამშრომლობის მიზანია, ქართული ფეხბურთის, როგორც ლიდერი სპორტის სახეობის, ხელშეწყობა. ჩვენ გვჯერა ქართული ფეხბურთის წარმატების და ამიტომ მხარს ვუჭერთ მის წინსვლას და განვითარებას“,- განაცხადა „ვითიბი“ ბანკის გენერალურმა დირექტორმა არჩილ კონცელიძემ.

ბანკსა და წყალტუბოს სამგურალს შორის გაფორმებული მემორანდუმი, კლუბის ფინანსურ მხარდაჭერას და ფეხბურთელებისთვის სავარჯიშო პირობების შექმნას ითვალისწინებს.

„მინდა მადლობა გადავუხადო ვითიბის ნდობისა და მხარდაჭერისთვის. დარწმუნებული ვარ, ჩვენ პარტნიორთან ერთად, კიდევ მრავალი წარმატების აღნიშვნას შევძლებთ“,- აღნიშნა საფეხბურთო კლუბ „სამგურალის“ პრეზიდენტმა მიხეილ იაშვილმა.

Share