Home » საზოგადოება » „ვეფხისტყაოსანი“ კორეულ ენაზე გამოიცა
„ვეფხისტყაოსანი“ კორეულ ენაზე გამოიცა

„ვეფხისტყაოსანი“ კორეულ ენაზე გამოიცა

ვეფხისტყაოსანი“ კორეულ ენაზე გამოიცა. როგორც „ინტერპრესნიუსს“ საგარეოს საქმეთა სამინისტროდან აცნობეს, კორეაში, ქ. სეულის იონსეის უნივერსიტეტის პროფესორის, ჩო ჯუ-კვანის მიერ კორეულ ენაზე ნათარგმნი შოთა რუსთაველის პოემა „ვეფხისტყაოსანი“ გამოიცა.

„ჩო ჯუ-კვანი ქართულ ნაწარმოებზე 10 წლის მანძილზე მუშაობდა. „ვეფხისტყაოსანი“ კორეულ ენაზე ნათარგმნი პირველი ქართული ლიტერატურული ნაწარმოებია. პროფესორი ჩო ჯუ-კვანი ახლო მომავალში „ვეფხისტყაოსანზე“ საკუთარი კვლევითი ნაშრომის გამოქვეყნებას გეგმავს“, – აცხადებენ საგარეო უწყებაში.

მათივე თქმით, ნაწარმოების თარგმნის პროცესში კორეელ პროფესორს კონსულტაციებსა და დახმარებას აღმოსავლეთმცოდნე, პროფესორი გურამ ჩიქოვანი და ქ. სეულის ჰანკუკის უცხო ენათა უნივერსიტეტის ქართველი მაგისტრანტი, რუსუდან ფირცხალავა უწევდა.

სამინისტროს ინფორმაციით, ვეფხისტყაოსნის კორეულ ენაზე გამოცემა კორეის რესპუბლიკაში საქართველოს საელჩოს დახმარებით განხორციელდა.

Share