Home » მსოფლიო » ტოიოტა მსოფლიოში ყველაზე გაყიდვადი ავტომობილია 
ტოიოტა მსოფლიოში ყველაზე გაყიდვადი ავტომობილია 

ტოიოტა მსოფლიოში ყველაზე გაყიდვადი ავტომობილია 

უკვე ზედიზედ მეოთხე წელია, რაც ტოიოტამ მსოფლიო ავტობაზრის ლიდერის პოზიცია შეინარჩუნება მოახერხა. კომპანიამ 2015 წელს 10,15 მილიონი გაყიდული ავტომობილით Volkswagen-ს გაასწრო და პირველი ადგილი დაიკავა, ეს უკანასკნელი კი 9,93 მილიონით მეორე ადგილს დასჯერდა.

ამერიკული ავტოკომპანია General Motors რომელიც 70 წლის განმვლობაში „ნომერი პირველი“ იყო მესამე ადგილზე აღმოჩნდა – 9,8 მილიონით. პირველი 6 თვის განმავლობაში Volkswagen პირველობას არავის უთმობდა, თუმცა სექტემბერში დაწყებული „დიზელის სკანდალის“ შედეგად იაპონური ბრენდისთვის წინააღმდეგობის გაწევა ვეღარ შეძლო.

გერმანული კომპანიის გაყიდვებზე დიდი ზემოქმედება მოახდინა ჩინეთში მოთხოვნის შემცირებამაც, რის შედეგადაც Volkswagen-ის გაყიდვების რაოდენობა 2 პროცენტით შემცირდა. ტოიოტა კი ამ დროს კომპანია Daihatsu-ს 51,2 პროცენტიან წილს ფლობდა და დარჩენილი წილის ყიდვასაც გეგმავდა.

Share