Home » საზოგადოება » თურნავა – ჩვენ წამოვიწყეთ პროცესი „უკეთესი ნამახვანისთვის“, რაც ნიშნავს, რომ ყველა კვლევა ღიაა დაინტერესებული პირისთვის

თურნავა – ჩვენ წამოვიწყეთ პროცესი „უკეთესი ნამახვანისთვის“, რაც ნიშნავს, რომ ყველა კვლევა ღიაა დაინტერესებული პირისთვის

ეკონომიკისა და მდგრადი განვითარების მინისტრის, ნათია თურნავას განცხადებით, პროცესი, რომელიც წამოწყებულია „ნამახვანი ჰესის“ უსაფრთხოებისადმი ნდობის გასაზრდელად და კვლევების გადასამოწმებლად, საჭიროებს მშვიდ და საქმიან გარემოს.

„ჩვენ წამოვიწყეთ პროცესი „უკეთესი ნამახვანისთვის,“ რაც იმას ნიშნავს, რომ ყველა კვლევა, რომელიც ჩატარებულია კომპანიის მხრიდან და გადამოწმებულია გარემოს დაცვის სამინისტროს მიერ, არის ღია ნებისმიერი დაინტერესებული პირისთვის თუ ექსპერტისთვის და ამ თვეების განმავლობაში, ვიდრე კაშხლის მშენებლობა შეჩერებულია, მოხდება პროექტის სიღრმისეული გადამოწმება.

ჩვენს გვსურს ყველა, მათ შორის ადგილობრივი მოსახლეობა დარწმუნდეს იმაში, რომ მთავარი წუხილი, რაც უკავშირდებოდა კაშხლის და ზოგადად ჰესის უსაფრთხოებას, მოხსნილია და არ არსებობს რაიმე საფუძველი იმისთვის, რომ „ნამახვანჰესი“ საფრთხეს შეგვიქმნის და დაგვაზარალებს“, – აღნიშნა მინისტრმა.

თურნავა – „ნამახვანი ჰესის“ კაშხლის და წყალსაცავის მშენებლობა იქამდე არ დაიწყება, ვიდრე კვლევების გადამოწმება არ მოხდება

Share