Home » საზოგადოება » თბილისში გარე განათების თანამედროვე სისტემის მონტაჟი დაიწყო
თბილისში გარე განათების თანამედროვე სისტემის მონტაჟი დაიწყო

თბილისში გარე განათების თანამედროვე სისტემის მონტაჟი დაიწყო

შპს „თბილსერვის ჯგუფმა“ გარე განათების მართვისა და კონტროლის ახალი სისტემის მონტაჟი დაიწყო, რომლის მეშვეობითაც თბილისის გარე განათების მართვა და კონტროლი ახალი, თანამედროვე სტანდარტების შესაბამისად განხორციელდება.

“თბილსერვის ჯგუფის” ინფორმაციით, ახალი სისტემის მართვა GSM სისტემის ნაცვლად ახლა უკვე GPRS კავშირით – როგორც ცენტრალური სადისპეჩერო ფარიდან, ასევე სმარტფონისა და პლანშეტის გამოყენებით განხორციელდება, რაც გარე განათების სხვადასხვა ობიექტიდან ინფორმაციის მიღება-გაცემას 0,5 წამში უზრუნველყოფს.

აღნიშნული სისტემის დახმარებით, უკვე შესაძლებელია ელ. ენერგიის ხარჯისა და შემომავალი ძაბვების ქსელში გაუსვლელად – ონლაინ რეჟიმში კონტროლი. დღეის მდგომარეობით, თბილისში არსებული 900 ჩამრთველი პუნქტიდან 50 ერთეულზე უკვე დამონტაჟებულია მართვისა და კონტროლის ახალი სისტემა.

 

Share