Home » Tag Archives: მარკეტინგის

Tag Archives: მარკეტინგის

თბილისის მარკეტინგის სამსახურის შექმნა დაიწყო

თბილისის მეწარმეობის ხელშეწყობის ცენტრის ფარგლებში თბილისის მარკეტინგის სამსახურის შექმნის პროცესი დაიწყო. მეწარმეობის ხელშეწყობის ცენტრში განაცხადეს, რომ დადგენილი პროცედურების მიხედვით, ცენტრის მიერ განსახორციელებელი ყველა პროგრამა თბილისის მუნიციპალიტეტის მთავრობასთან თანხმდება. აღნიშნული სამსახურის შექმნა ნაწილია შემომყვანი ტურიზმის დარგის განვითარების პროგრამის, რომელიც მთავრობაზე უკვე მოწონებულ იქნა, შემდეგი ეტაპი კი საკრებულოზე განხილვა-დამტკიცება იქნება. ცენტრის ინფორმაციით, როდესაც საკრებულოზე ეს საკითხი დამტკიცდება, მხოლოდ ამის შემდეგ ხდება უფლებამოსილი პროგრამის ჩაშვება და იმ აქტივობების განხორციელება, რაც მის ფარგლებია. მათ შორის, თბილისის მარკეტინგული სამსახურის შექმნა. რა ვადებში დასრულდება თბილისის მარკეტინგული სამსახურის შექმნის პროცესი, ამ კითხვაზე ცენტრში კონკრეტული პასუხი არ აქვთ, რადგან მათი ინფორმაციით, ესეც დამოკიდებულია საკრებულოს განხილვაზე და მათ შენიშვნებზე. თბილისის მეწარმეობის ხელშეწყობის ცენტრი 2015 წლის მარტში დაფუძნდა. ცენტრის ხელმძღვანელმა ალექსანდრე მარგიშვილმა სექტემბრის დასაწყისში „კომერსანტთან" ცენტრის ფარგლებში, თბილისის მარკეტინგის სამსახურის შექმნა დააანონსა. მაშინ მარგიშვილმა განაცხადა, რომ მარკეტინგის სამსახური საწყის ეტაპზე, დაახლოებით 1-1.5 წელი თბილისის მეწარმეობის ხელშეწყობის ცენტრის დაქვემდებარებაში იქნება. მას შემდეგ, რაც გაიზრდება და განვითარდება, შესაძლებელი იქნება მისი ცალკე სტრუქტურად ჩამოყალიბება. სავარაუდოდ, ეს 2017 წელს მოხდება და ეს იქნება სამსახური, რომელიც თბილისის რეკლამაზე იმუშავებს. მაშინ მარგიშვილმა განაცხადა, რომ მეწარმეობის განვითარების ცენტრი მიმდინარე წელს 4 პროექტის საკრებულოზე წარდგენას გეგმავდა. მათ შორის იყო საქმიანი ტურიზმის ხელშეწყობა. საუბარია შემომყვან ტურიზმზე. თბილისში კორპორატიული ჯგუფებისთვის კონფერენციების და ზოგადად, მაის ტურიზმის ღონისძიებების გამართვის ხელშეწყობაზე. „ჩვენ დავეხმარებით ქართულ ტურისტულ კომპანიებს, რომ დააინტერესონ უცხოური ორგანიზაციები იმაში, რომ ეს ღონისძიებები თბილისში ჩაატარონ. ამისთვის აუცილებელია, თბილისმა მათ ის მომსახურება მიაწოდოს, რაც სჭირდებათ. საუბარია სასტუმრო და საკონფერენციო ინფრასტრუქტურაზე. გეგმაში გვაქვს, რომ ტურისტულმა კომპანიებმა უკეთესი სერვისის შეთავაზება შეძლონ" -აცხადებდა მარგიშვილი. მისივე ინფორმაციით, სექტემბერში სავარაუდოდ ორი პროგრამა, ხალხური რეწვის და ტურიზმის პროგრამა დაიწყებოდა, ოქტომბერში კი ჯანსაღი ინდუსტრიები და ტაქსით მომსახურების დარგის ხელშეწყობის პროგრამა ამოქმედდებოდა. კომერსანტი

თბილისის მეწარმეობის ხელშეწყობის ცენტრის ფარგლებში თბილისის მარკეტინგის სამსახურის შექმნის პროცესი დაიწყო. მეწარმეობის ხელშეწყობის ცენტრში განაცხადეს, რომ დადგენილი  პროცედურების მიხედვით, ცენტრის მიერ განსახორციელებელი ყველა პროგრამა თბილისის მუნიციპალიტეტის მთავრობასთან თანხმდება. აღნიშნული სამსახურის შექმნა ნაწილია შემომყვანი ტურიზმის დარგის განვითარების პროგრამის, რომელიც მთავრობაზე უკვე მოწონებულ იქნა, შემდეგი ეტაპი კი საკრებულოზე განხილვა-დამტკიცება იქნება. ცენტრის ინფორმაციით, როდესაც საკრებულოზე ეს საკითხი დამტკიცდება, მხოლოდ ამის შემდეგ ხდება უფლებამოსილი ...

Read More »