Home » ფინანსები » სელიმ ჩაკირი – ლარის გაუფასირება მნიშნელოვან გავლენას ახდენს ინფლაციაზე

სელიმ ჩაკირი – ლარის გაუფასირება მნიშნელოვან გავლენას ახდენს ინფლაციაზე

„ლარის გაუფასირება მნიშნელოვან გავლენას ახდენს ინფლაციაზე, თუმცა ჩვენ ველით რომ ცენტრალური ბანკი ამ ოქროს შუალედის დაცვას შეძლებს“, – ამის შესახებ საქართველოში საერთაშორისო სავალუტო ფონდის მისიის ხელმძღვანელმა, სელიმ ჩაკირმა „ბიზნეს ფორმულასთან“ საუბრისას განაცხადა.

„ეროვნული ბანკი ცდილობს იპოვოს ოქროს შუალედი, ერთის მხრივ შეამციროს ლარის გაუფასურება ინტერვენციებით, მეორეს მხრივ კი შეინარჩუნოს რეზერვები ადეკვადურ დონეზე.

ბუნებრივია თუ კი ეროვნული ბანკი სრულად დახარჯავს რეზერვებს ჩვენ უკუშედეგს მივიღებთ და გაუფასურება კიდევ უფრო მასშტაბური იქნება.

ლარის გაუფასირება მნიშნელოვან გავლენას ახდენს ინფლაციაზე, თუმცა ჩვენ ველით რომ ცენტრალური ბანკი ამ ოქროს შუალედის დაცვას შეძლებს. საქართველო პანდემიამ იმაზე მეტად დააზარალა ვიდრე სხვა ქვეყნები ტურიზმის მაღალი როლიდან გამომდინარე.

საერთაშორისო საფინანსო ინსტიტუტებმა დასახმარებლად 2 მილიარდი დოლარი გამოვყავით და თუკი კრიზისი გაგრძელდება, და უარეს სცენარს მივიღებთ გამოსავალი იქნება დამატებითი საგარეო რესურების მოზიდვა.

ეროვნული ბანკის მიმართ საკმაოდ დიდი ნდობა გვაქვს და ველით რომ ინფლაცია სამიზნე მაჩვენებელთან ახლოს იქნება. ჩვენი პროგნოზით მიმდინარე წლის ბოლოს ინფლაციის დონე 5% იქნება, თუმცა რისკები უარესი სცენარისკენ იხრება“, – აცხადებს ჩაკირი.

ამასთან, საერთაშორისო სავალუტო ფონდი საქართველოში 2021 წელს ტურიზმის 25%-ით აღდგენას ელის. თუ კი ეს მოლოდინი არ გამართლდება ეროვნულ ბანკს ინტერვენციების გააქტიურება მოუწევს.

Share