Home » საზოგადოება » „საქსტატის“ ახალი პროდუქტის „საერთაშორისო შედარებების პორტალის“ პრეზენტაცია გაიმართა

„საქსტატის“ ახალი პროდუქტის „საერთაშორისო შედარებების პორტალის“ პრეზენტაცია გაიმართა

საქართველოს სტატისტიკის ეროვნულმა სამსახურმა ახალი პროდუქტის – „საერთაშორისო შედარებების პორტალის“ პრეზენტაცია გამართა. ამის შესახებ ინფორმაციას „საქსტატი“ ავრცელებს.

„საქსტატის“ აღმასრულებელი დირექტორის, გოგიტა თოდრაძის განმარტებით, პორტალი ორი ნაწილისგან შედგება – ძირითადი მაჩვენებლები და საერთაშორისო რეიტინგები.

„საერთაშორისო შედარებების პორტალი მომხმარებელს შესაძლებლობას აძლევს, ერთ სივრცეში მოახდინოს ქვეყნების შედარება ძირითადი ეკონომიკური მაჩვენებლებისა და საერთაშორისო რეიტინგების მიხედვით. ვიზუალური ეფექტისთივს პორტალზე მონაცემებთან ერთად წარმოდგენილია ინტერაქტიული რუკა.

საერთაშორისო რეიტინგების ბლოკში წარმოდგენილია ბიზნესის კეთების სიმარტივის რეიტინგები, გლობალური კონკურენტუნარიანობის ინდექსი, ადამიანის განვითარების ინდექსი და საკრედიტო რეიტინგები. გარდა ამისა, ცალკეული რეიტინგების მიხედვით მოცემულია შეფასების კომპონენტები საქართველოსთვის. საქსტატის ახალი პროდუქტი ხელმისაწვდომია უწყების ვებ-გვერდზე.

იხილეთ ბმული: http://i-rating.geostat.ge/ka “,-აღნიშნულია „საქსტატის“ მიერ გავრცელებულ ინფორმაციაში.

Share