Home » ბიზნესი » საქართველოს მთავრობამ „სოკარ ჯორჯია გაზს“ გაზსადენები მიყიდა
საქართველოს მთავრობამ „სოკარ ჯორჯია გაზს“ გაზსადენები მიყიდა

საქართველოს მთავრობამ „სოკარ ჯორჯია გაზს“ გაზსადენები მიყიდა

საქართველოს მთავრობის განკარგულებით, კომპანია „სოკარ ჯორჯია გაზს“ 21.3 მილიონი ლარის ღირებულების გაზსადენები გადაეცა. გაზსადენები განლაგებულია კასპის, ზუგდიდის, ლაგოდეხის, ახმეტის, გარდაბნის, ზესტაფონის, ოზურგეთისა და ონის მუნიციპალიტეტებში.

„სოკარ ჯორჯია გაზმა“ საპრივატიზაციო თანხის ნაწილი (არანაკლებ 8.52 მილიონი ლარისა) 36 თვის ვადაში უნდა დაფაროს, დარჩენილი თანხა კი 48 თვის ვადაში.

სახელმწიფო ქონების პრივატიზება პირდაპირი მიყიდვის ფორმით განხორციელდა. 16 ივლისით დათარიღებულ განკარგულებას პრემიერ-მინისტრი მამუკა ბახტაძე აწერს ხელს.

Share