Home » ეკონომიკა » “საქართველო რეფორმების ნაწილში ერთ-ერთი ყველაზე პროგრესული და წარმატებული ქვეყანაა”
"საქართველო რეფორმების ნაწილში ერთ-ერთი ყველაზე პროგრესული და წარმატებული ქვეყანაა"

“საქართველო რეფორმების ნაწილში ერთ-ერთი ყველაზე პროგრესული და წარმატებული ქვეყანაა”

საქართველოს ეკონომიკის ფორუმზე, ჩვენ მოწვეული გვყავს ორი მსოფლიო კლასის პროფესორი, – ამის შესახებ პირველმა ვიცე პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა განაცხადა.

„ეს არის პირველი დღე საქართველოს ეკონომიკის ფორუმისა, რომელზეც ჩვენ გვყავს მოწვეული ორი მსოფლიო კლასის პროფესორი – დანი როდრიკი და ჩარლზ ფრედრიკ სეიბლი. ორივე მუშაობს ეკონომიკური პოლიტიკის ნაწილში. ესენი არიან ადამიანები, რომლებსაც მსოფლიო აღიარება აქვთ მოპოვებული. დღეს ჩვენ ისინი მოვიწვიეთ ჩვენს ქვეყანაში იმისთვის, რომ მათთან ერთად შევაფასოთ ის განვლილი გზა, რომელიც ჩვენ გავატარეთ ეკონომიკური რეფორმების ნაწილში და ასევე, მივიღოთ ის რეკომენდაციები, რომლებიც შემდგომში კიდევ უფრო მოგვეხმარება ჩვენი ეკონომიკური რეფორმების ეფექტურად გატარებაში. ძალიან მნიშვნელოვანია ის რეკომენდაციები, რომელიც ჩვენ დღეს მოვისმინეთ“, – განაცხადა დიმიტრი ქუმსიშვილმა.

მინისტრის თქმით, დღეს არის ალბათ ის პერიოდი, როდესაც საქართველო, რეფორმების ნაწილში, არის ერთ-ერთი ყველაზე პროგრესული და წარმატებული ქვეყანა.

დიმიტრი ქუმსიშვილის თქმით, ფორუმზე დანი როდრიკის ძირითადი გზავნილები იყო – სტრატეგიული რეფორმები, ეკონომიკური ეფექტურობის ამაღლება, მაღალშემოსავლიანი სამუშაო ადგილების შექმნა.

როგორც დიმიტრი ქუმსიშვილმა განაცხადა, დღევანდელი ფორუმი ტარდება იმისთვის, რომ ის 4-პუნქტიანი გეგმა, რომელიც პრემიერის მიერ არის ინიცირებული, კიდევ უფრო ეფექტურად იყოს იმპლემენტირებული ცხოვრებაში.

ეკონომიკისა და მდგრადი განვითარების სამინისტროს ორგანიზებით, 4-5 აგვისტოს, თბილისში საქართველოს ეკონომიკის განვითარების ფორუმი ტარდება. ფორუმში მონაწილეობას იღებენ ცნობილი ეკონომისტები – დანი როდრიგი ჰარვარდის უნივერსიტეტიდან და ჩარლზ სეიბლი ნიუ-იორკის კოლუმბიის უნივერსიტეტიდან.

[wpolling id=”13″ width=”” height=””]

Share