Home » ბიზნესი » საქართველოს ბანკისა და “გრანდე ჯგუფის” ექსკლუზიური შეთავაზება SOLO-ებს

საქართველოს ბანკისა და “გრანდე ჯგუფის” ექსკლუზიური შეთავაზება SOLO-ებს

საქართველოს ბანკსა და „გრანდე ჯგუფს“ SOLO- ებისთვის ექსკლუზიური შეთავაზება აქვს, რომლის ფარგლებშიც მომხმარებელს აქვთ შესაძლებლობა, შეიძინოს ბინა „გრანდე კრწანისის“ პრემიუმ კლასის საცხოვრებელ კორპუსში. სპეციალურად SOLO-ებისთვის იმოქმედებს ფასდაკლება, რომლის ფარგლებშიც 1 კვ.მ- ის ფასი 3200 ლარი იქნება (ნაცვლად 4500 ლარისა) აქცია 2021 წლის 15 ივლისამდეა ძალაში.

„გრანდე კრწანისი“ პრემიუმ კლასის დახურული ტიპის საცხოვრებელი კომპლექსია. მისი განაშენიანება ქალაქის ეკოლოგიურად ყველაზე სუფთა ლოკაციაზე მიმდინარეობს, საიდანაც ქალაქის ურბანულ ნაწილსა და მთებზე უამაზესი ხედები იშლება.

სამშენებლო არეალი 21 000 კვადრატული მეტრია. პროექტი მოიცავს 5 ბლოკს. აქედან 4 საცხოვრებელი კორპუსია, ერთი კი სრულად დათმობილი აქვს სპორტულ -გამაჯანსაღებელ ცენტრს.

შიდა რეკრეაციული ზონისთვის გათვალისწინებულია 10 000 კვ.მ გამწვანებული და კეთილმოწყობილი ტერიტორია ფეხით მოსიარულეთათვის. რეკრეაციულ ზონაში მოწყობილია ველობილიკი, ფეხბურთისა და კალათბურთის საბავშვო მოედანი, სკვერი, მოსასვენებელი სივრცეები, ველოსიპედების საპარკინგე ტერიტორია.

„გრანდე კრწანისი“ მობინადრეებს მაქსიმალური კომფორტისთვის სთავაზობს შემდეგ სერვისებს: კონსიერჟის მომსახურებას, ლანდშაპტის მოვლა-პატრონობას, ღია და დახურულ აუზებს, ფიტნეს და სპორტულ დარბაზებს, სპა ცენტრებს, კვების ობიექტებს, სუპერმარკეტებს, ბანკს, აფთიაქს.

მშენებლობა მიმდინარეობს უახლესი, მხოლოდ მაღალი ხარისხის სერტიფიცირებული სამშენებლო მასალებით და სტანდარტების სრული დაცვით. გათვალისწინებულია ხანძარსაწინააღმდეგო სისტემები. სახლი 100%-ით ენერგოეფექტურია.

კომპლექსი აღჭურვილია უახლესი ტიპის ჭკვიანი სახლის ფუნქციებით, მათ შორის პერსონალური დაშვების სისტემებით.

საქართველოს ბანკის მხრიდან პროექტის მხარდასაჭერად პირველი ბლოკის მშენებლობისთვის გამოყოფილია 5,1 მლნ აშშ დოლარის ინვესტიცია, რომლის ჯამური ღირებულება 8,3 მლნ აშშ დოლარს შეადგენს.

ინფორმაციისთვის, კომპანია „გრანდე ჯგუფი“ უკვე მრავალი წელია წარმატებით მოღვაწეობს სამშენებლო ბაზარზე. განხორციელებული პროექტებიდან აღსანიშნავია „ბაკურიანი ინნ“ და „გუდაური ინნ“. კომპანია თავად აწარმოებს ყველა ტიპის სამშენებლო და სარემონტო ტიპის სამუშაოებს და თავად მართავს აღნიშნულ სასტუმროებს. კომპანიის მიერ განხორციელებულ პროექტს განეკუთვნება ასევე ვაშლიჯვარში, პრემიუმ კლასის საცხოვრებელი კორპუსების- „პანორამა რენესანსის“ მშენებლობა.

SOLO-ებისთვის საქართველოს ბანკისა და „გრანდე ჯგუფი“-ის ექსკლუზიური შეთავაზების შესახებ მეტი დეტალის სანახავად გთხოვთ, ეწვიოთ ბმულს

Share