Home » საზოგადოება » ქობულეთში, სოფელ კვირიკეში მიწისძვრის შედეგად დაზარალებულ 12 ოჯახს აჭარის მთავრობამ საცხოვრებელი ფართები გადასცა
ქობულეთში, სოფელ კვირიკეში მიწისძვრის შედეგად დაზარალებულ 12 ოჯახს აჭარის მთავრობამ საცხოვრებელი ფართები გადასცა

ქობულეთში, სოფელ კვირიკეში მიწისძვრის შედეგად დაზარალებულ 12 ოჯახს აჭარის მთავრობამ საცხოვრებელი ფართები გადასცა

ქობულეთში, სოფელ კვირიკეში 2012 წელს მიწისძვრის შედეგად დაზარალებულ 12 ოჯახს აჭარის ავტონომიური რესპუბლიკის მთავრობამ საცხოვრებელი ფართები გადასცა. ღონისძიებას აჭარის მთავრობის თავმჯდომარე ზურაბ პატარაძე და ქობულეთის გამგეობის წარმომადგენლებიც ესწრებოდნენ.

“მიწისძვრამ დაგვაზარალა და აჭარის მთავრობას ვთხოვეთ დახმარება. დღეს კი საცხოვრებლით დაგვაკმაყოფილეს და შეგვასახლეს, ძალიან ბედნიერები ვართ”, -აღნიშნა სოფელ კვირიკეს მკვიდრმა მერი მჟავანაძემ.

“ჩვენთვის უმთავრესია ადამიანების უფლებების დაცვა, ხალხზე ზრუნვა და სოციალური პროექტების განხორცილება. მუნიციპალიტეტებში სხვადასხვა მნიშვნელოვანი პროექტები ხორციელდება. დღეს ჩვენ სოფელ კვირიკეში ვიმყოფებით, აქ სოციალური სახლი აშენდა,სადაც სტიქიის შედეგად დაზარალებულ 12 ოჯახს ბინა გადაეცემა. ბედნიერები ვართ, რომ ნათლისღებას ამ ოჯახებს საცხოვრებელ ფართებს გადავცემთ”, – განაცხადა ზურაბ პატარაძემ.

Share