Home » მსოფლიო » პუტინის თანაშემწე: ვხედავთ, როგორ გამოიყენება რუსული ფული აფხაზეთში და ჩვენ პრეტენზიები არ გაგვაჩნია
პუტინის თანაშემწე: ვხედავთ, როგორ გამოიყენება რუსული ფული აფხაზეთში და ჩვენ პრეტენზიები არ გაგვაჩნია

პუტინის თანაშემწე: ვხედავთ, როგორ გამოიყენება რუსული ფული აფხაზეთში და ჩვენ პრეტენზიები არ გაგვაჩნია

რუსეთის პრეზიდენტის თანაშემწის, ვლადისლავ სურკოვის განცხადებით, მოსკოვს აფხაზეთთან არავითარი პრეტენზიები არ აქვს სოხუმის მიერ რუსეთის ფულის ხარჯვასთან დაკავშირებით, რომელიც საქართველოს ოკუპირებულ რეგიონს სოციალურ-ეკონომიკური განვითარების საინვესტიციო პროგრამის ფარგლებში გადაეცემა.

„ყოველგვარი კომპლიმენტების გარეშე, აქ არავითარი შელამაზება არ ხდება. ჩვენ ვხედავთ ყველა ინფორმაციას. ვხედავთ გამჭვირვალედ, თუ როგორ გამოიყენება რუსული ფული და ჩვენ პრეტენზიები არ გაგვაჩნია,“ – განაცხადა პუტინის თანამშემწემ, რომელიც სოხუმში იმყოფებოდა.

მისივე თქმით, აფხაზეთში ინვესტორებისთვის ხელსაყრელი პირობების შესაქმნელად მუშაობა ყოველდღიურად მიმდინარეობს – „რიგი შეზღუდვები ნაბიჯ-ნაბიჯ იხსნება“.

„აქ არის ინფრასტრუქტურული შეზღუდვები, გაზი, ელექტროობა – ეს ობიექტური საგნებია, რომელთა გამო საინვესტიციო ბუმზე გათვლა არ ხდება. ეს უნდა მოგვარდეს, რაც საკმაოდ ძვირი ჯდება,“ – განაცხადა სურკოვმა.

მისი თქმით, რუსეთი იმედოვნებს, რომ საინვესტიციო სააგენტოს გამოცდილება ეტაპობრივად კარგი ეფექტის მომცემი იქნება და შესაბამის გარემოს შექმნის.

 

წყარო: ipn.ge

Share