თიბისი Banking Tech Awards 2025-ის პრესტიჟული ჯილდოს მფლობელია

ნინო ქალთა ეკონომიკური გაძლიერების მიზნით განხორციელებული პროექტის მონაწილეა, რომელიც პროკრედიტ ბანკის, გაეროს ქალთა ორგანიზაციის, ნორვეგიისა და დანიის მთავრობების ჩართულობით და “ფონდი ტასოს“ ორგანიზებით განხორციელდა.სესიებში 200 ქალი ჩაერთო, სადაც მათ საკუთარი შესაძლებლობების აღმოჩენა და იდეეების რეალურ საქმიანობად გადაქცევა ისწავლეს. პროექტის 80 მონაწილეს გადაეცა გრანტი, საკუთარი საქმინობის წამოსაწყებად.ნინოს ბოლო რამდენიმე წელია საკუთარი სილამაზის სალონის განვითარება აფიქრებდა - სამუშაო სივრცე უკვე ჰქონდა, მაგრამ საჭირო ინვენტარი აკლდა. სწორედ ამ დროს მეგობრისგან გაიგო პროექტის შესახებ, სადაც მონაწილეებს ჰქონდათ შესაძლებლობა, ტრენინგების გავლის შემდეგ საგრანტო დაფინანსება მიეღოთ.„როგორც კი გავიგე ამ შესაძლებლობის შესახებ, თავიდანვე მჯეროდა, რომ ჩემი მცდელობა შედეგიანი იქნებოდა. პროეტში მონაწილეობა ძალიან სასიამოვნო გამოცდილება იყო - ჩვენი სათემო მუშაკი ყველა ეტაპზე გვერდში მედგა; წყალტუბოში ვიარე ტრენინგებზე. მივიღე ახალი ცოდნა, ინფორმაცია და საბოლოოდ დაფინანსებაც მოვიპოვე,“ - იხსენებს ნინო.პროექტის მხარდაჭერით ნინომ შეძლო სალონისთვის საჭირო ინვენტარის შეძენა. თუმცა, როგორც თავად ამბობს, მიღებული გამოცდილება არანაკლებ ღირებული აღმოჩნდა, ვიდრე მატერიალური მხარდაჭერა.„დავინახე, რომ მარტო არ ვარ - ჩვენ, მონაწილე ქალები ერთ დიდი ძალად ვიქეცით. ბევრი ქალი გავეცანი სხვადასხვა კუთხიდან - ერთმანეთს ჩვენი ისტორიები გავუზიარეთ, დავმეგობრდით და დღემდე გვაქვს ურთიერთობა. შემართება, ძალა და ინსპირაცია გადამდებია, და მიხარია რომ მეც ამ დიდი, ძლიერი ტალღის ნაწილი გავხდი.“ნინო უკვე ხუთი წელია სალონის საქმეს უძღვება. რამდენიმე წლის წინ, სამი შვილის დედა დადგა ამოცანის წინაშე: ფინანსურად დაეჭირა მხარი შვილებისთვის ისე, რომ მათ ფიზიკურად არ დაშორებულიყო. ოქროს შუალედი ნინოს ნიჭის ადგილზე რეალიზაცია - სალონის გახსნა აღმოჩნდა. მიუხედავად იმისა, რომ მან ბავშვობიდან ეხერხებოდა სტილისტის ხელსაქმე, ბიზნესის წამოწყებამდე ნინომ პროფესიული განათლებაც მიიღო და შესაბამისი კურსი გაიარა. სამომავლოდ მას კიდევ აქვს სწავლასა და განვითარებასთან დაკავშირებული გეგმები, რომ სალონი გაზარდოს და თანამედროვე სრტანდარტებს მოარგოს.მისი სიტყვები ბევრი ქალისთვის შეიძლება გზის მაჩვენებელი გახდეს:„მინდა ყველა ქალმა, ვინც ჯერ ვერ იპოვა საკუთარი თავი, იცოდეს - ყველაფერი წინაა. უბრალოდ უნდა გჯეროდეს, რომ ფიქრების, ოცნებების რეალიზაცია შესაძლებელია.”

1765298756

შეთავაზებით სარგებლობა შეუძლიათ იმ მომხმარებლებს, რომლებსაც ნაწილ-ნაწილ გადახდის მეთოდით აქამდე არცერთ არხში უსარგებლიათ.რა არის ნაწილ-ნაწილ გადახდა?ეს ონლაინ გადახდის მეთოდია, რომელიც მომხმარებელს შესაძლებლობას აძლევს, შეიძინოს სასურველი ნივთი და მისი ღირებულება ზუსტად 4 თანაბარ ნაწილად დამატებითი ხარჯის გარეშე (ეფექტური 0%) დაფაროს.როგორ გამოვიყენოთ ნაწილ-ნაწილ გადახდა extra.ge-ზე?პროცესი მარტივია: დაამატეთ სასურველი ნივთ(ებ)ი კალათაში extra.ge-ზე; ყიდვისას გადახდის მეთოდებში აირჩიეთ „ნაწილ-ნაწილ გადახდა“; გაიარეთ ავტორიზაცია მობილბანკში ან ინტერნეტბანკში; დაასრულეთ პროცესი extra.ge-ს პლატფორმაზე. ნაწილ-ნაწილ გადახდის მეთოდის შესახებ მეტი ინფორმაციის მისაღებად ეწვიეთ საქართველოს ბანკის ვებგვერდს.

1765288980

რა შესაძლებლობებს ქმნის საქართველოს ბანკი ახალგაზრდა პროფესიონალებისთვის?10 წელზე მეტია, საქართველოს ბანკი იმ ახალგაზრდებს, რომლებსაც სწავლის გაგრძელება საზღვარგარეთ, სამაგისტრო საფეხურზე სურთ, შესაძლებლობას აძლევს, მიიღონ სრული დაფინანსება და ისწავლონ სასურველ უნივერსიტეტში საქართველოს ბანკის სტიპენდიით.3 საერთაშორისო სტიპენდია, საქართველოს ბანკის 56 სტიპენდიატიCHEVENING-ის, Fulbright-ისა და Miami Ad School Europe-თან თანამშრომლობით შექმნილი, ნიკა გუჯეჯიანის სახელობის სასტიპენდიო პროგრამების ფარგლებში, საქართველოს ბანკი საკუთარ რჩეულებს ასახელებს და მათ როგორც სწავლის, ასევე საცხოვრებელ ხარჯებს სრულად უფინანსებს.ინიციატივის ფარგლებში, უკვე გამოვლინდა საქართველოს ბანკის 56 სტიპენდიატი.განათლების შესაძლებლობები მათთვის, ვისაც პროფესიის ცვლილება სურთიმ ადამიანებისთვის, რომლებსაც პროფესიის ცვლილება სურთ, საქართველოს ბანკმა ახალი პროექტი დაიწყო, რომლის ფარგლებშიც, პარტნიორ პროფესიულ აკადემიებში ჩარიცხულ სტუდენტებს შესაძლებლობას აძლევს, მიიღონ სწავლის 100%-იანი დაფინანსება.სასტიპენდიო პროგრამის ფარგლებში, სტიპენდიატების შერჩევა პროფესიული აკადემიისა და საქართველოს ბანკის მიერ წინასწარ განსაზღვრული კრიტერიუმებით ხდება.უკვე გამოვლინდა საქართველოს ბანკის 20 სტიპენდიატი.განათლების შესაძლებლობები ხელოვნური ინტელექტით დაინტერესებული ქალებისათვისმომავლის პროფესიებითა და ხელოვნური ინტელექტით დაინტერესებული ქალებისთვის, საქართველოს ბანკმა, Mastercard-თან და გაეროს ქალთა ორგანიზაციასთან (UN Women) თანამშრომლობით AI სტიპენდია შეიქმნა.ახალი ინიციატივა ქალებს აძლევს შესაძლებლობას, მოიპოვონ 100%-იანი დაფინანსება პარტნიორ აკადემიებში და დაეუფლონ ახალ პროფესიას ხელოვნური ინტელექტის მიმართულებით.სასტიპენდიო პროგრამის გამარჯვებულები თითოეული პარტნიორი აკადემიის მიერ წინასწარ დადგენილი კრიტერიუმების მიხედვით შეირჩევიან. მათი ვინაობა მალე გახდება ცნობილი.საქართველოს ბანკის მიერ განხორციელებული პროექტების შესახებ დეტალური ინფორმაციის მისაღებად ეწვიეთ ვებგვერდს ganatleba.bog.ge

1765288119

საუკეთესოდ გამოყენებული ტექნოლოგიები, არაუზრუნველყოფილი სესხების გაცემის მომენტალური პროცესი - ნებისმიერ დროსა და ადგილზე, ნებისმიერი შემოსავლის საფუძველზე, დოკუმენტაციის წარდგენის გარეშე - ყველა ამ კომპონენტში თიბისი საუკეთესოდ აღიარეს ისეთ ბრენდებთან ერთად, როგორებიც არიან J.P. Morgan. DBS Bank, Deutche Bank, HSBC და სხვები.ეს ჯილდო თიბისი ტექისა და FCL გუნდების უდიდესი ძალისხმევის შედეგია. გამარტივდა და დაჩქარდა სესხის მიღების მთელი ციფრული პროცესი. ციფრული არხების ოპტიმიზაციამ, მთელი პროცესი მაქსიმალურად კომფორტული გახადა.თიბისის მომხმარებლებისთვის, რეკორდულად სწრაფად, სამომხმარებლო სესხის 70% გაიცემა 5 წუთზე ნაკლებ დროში.ხელოვნური ინტელექტის მოდელის დახმარებით, ბანკმა შესაძლებლობა მისცა თვითდასაქმებულებს, რომ აიღონ სესხი.სესხის მოცულობის 80% გაიცემა ციფრული არხებით. ამასთან, გაჩნდა წინასწარ დამტკიცებული შეთავაზებები, რაც თანხის მიღებას ამარტივებს.დაინერგა კომუნიკაციის ავტომატიზირებული სისტემები, რაც ზრდის ოპერაციულ ეფექტურობას და აუმჯობესებს მომხმარებელთან უკუკავშირს.თიბისისთვის ეს აღიარება განსაკუთრებულად მნიშვნელოვანია, რადგან Banking Tech Awards ფინანსურ ტექნოლოგიებში ერთ-ერთი ყველაზე პრესტიჟული საერთაშორისო პლატფორმაა.ეს გამარჯვება ნიშნავს, რომ თიბისი ქმნის პროდუქტს, რომელიც არამხოლოდ პასუხობს თანამედროვე მოთხოვნებს, არამედ თავადვე ქმნის სტანდარტებს, საბანკო ტექნოლოგიების მომავალს და ადამიანებს უმარტივებს ცხოვრებას.მთავარია გჯეროდეს და ყველაფერი გამოვა!

1765284351

საფასურების ზრდა საქართველოში ტრანზიტულად გადაადგილებულ სატრანსპორტო საშუალებებზე გარე ტრანზიტული ნომრის გაცემას და უცხო ქვეყნის მოქალაქეების მიერ საქართველოში შეძენილ სატრანსპორტო საშუალებებს ეხება, რომელთა ექსპორტი ან რეექსპორტი ხდება.შესაბამისი საკანონმდებლო ცვლილებები პარლამენტში უკვე წარდგენილია.შს სამინისტროს მიერ მომზადებული პროექტის მიხედვით, ტრანზიტული ნომრის გაცემისათვის საფასური 370 ლარის ოდენობით განისაზღვრება. მოქმედი კანონით, საფასურის განაკვეთი შეადგენს 50 ლარს - ტრანზიტული ნომრის ერთი წყვილის გაცემისთვის.საქართველოს საბაჟო ტერიტორიიდან გასატანი, ექსპორტის პროცედურისთვის ან რეექსპორტისთვის განკუთვნილი ერთი ერთეული სატრანსპორტო საშუალების ან ერთი ერთეული სასოფლო-სამეურნეო მანქანის დამხმარე ტექნიკური საშუალების საექსპერტო შემოწმებისათვის შესაბამისი აქტის შედგენით საფასური განისაზღვრება 180 ლარის ოდენობით, ნაცვლად 100 ლარისა.საქართველოს საბაჟო ტერიტორიიდან გასატანი, ექსპორტის პროცედურისთვის ან რეექსპორტისთვის განკუთვნილი ერთი ერთეული სატრანსპორტო საშუალების, ერთი ერთეული სასოფლო-სამეურნეო მანქანის დამხმარე ტექნიკური საშუალების დაინტერესებული პირის მოთხოვნის საფუძველზე, სააგენტოს სტრუქტურული ერთეულის ტერიტორიის ფარგლების გარეთ საექსპერტო შემოწმებისათვის შესაბამისი აქტის შედგენით საფასური განისაზღვრება 200 ლარის ოდენობით, ნაცვლად 130 ლარისა.სააგენტოს მიერ ექსპორტის პროცედურისთვის ან რეექსპორტისთვის განკუთვნილ სატრანსპორტო საშუალებაზე საბაჟო დეკლარაციის ან აღრიცხვის მოწმობის შევსებისათვის ან/და საბაჟო პროცედურის ან რეექსპორტის გამოყენებასთან დაკავშირებული ინფორმაციის (დოკუმენტების) შემოსავლების სამსახურისა და საქართველოს შინაგან საქმეთა სამინისტროსთვის მიწოდებისათვის ან/და შესაბამის მონაცემთა ავტომატიზებულ ბაზაში ასახვისათვის საფასური განისაზღვრება 200 ლარის ოდენობით, ნაცვლად 130 ლარისა.ამავდროულად, პარლამენტში წარდგენილი პროექტით დგინდება ახალი მომსახურებები. კერძოდ, ტრანზიტული ნომრის გაცემა საქართველოს საბაჟო ტერიტორიიდან გასატანი ექსპორტის პროცედურისთვის ან რეექსპორტისთვის განკუთვნილ სატრანსპორტო საშუალებაზე, რომლის მომსახურების საფასურად განისაზღვრება 150 ლარი. მომსახურების ახალ სახეს წარმოადგენს აგრეთვე ტრანზიტული ნომრის გაცემის დამადასტურებელი დოკუმენტის გაცემა, რომლის მომსახურების საფასურად იქნება 20 ლარი.საკითხს პარლამენტი დაჩქარებული წესით იხილავს.

1765282888

ჯილდოს პროგრამაში მსოფლიოს 1,000-ზე მეტი ბანკი მონაწილეობდა, მათ შორის ისეთი გლობალური ფინანსური ლიდერები, როგორებიცაა Wise, Revolut, DBS Bank , Monzo და სხვები. ჟიურიმ ოთხ კატეგორიაში (ციფრული საბანკო მომსახურება, მდგრადობა და ინკლუზიურობა, ბიზნეს საბანკო მომსახურება და ბიზნესის დაფინანსება) ოცი საუკეთესო SME ბანკი შეარჩია. საქართველოს ბანკი კი მცირე და საშუალო ბიზნესის მიმართულებით, ციფრული საბანკო მომსახურების კუთხით, გლობალურ ლიდერად დაასახელა.„ჩვენი გუნდისთვის განსაკუთრებით სასიხარულოა, რომ ციფრული საბანკო მომსახურების მიმართულებით საქართველოს ბანკმა კიდევ ერთი მნიშვნელოვანი გლობალური ჯილდო მიიღო. მიგვაჩნია, რომ მცირე და საშუალო ბიზნესი ეკონომიკის უმნიშვნელოვანესი რგოლია, სწორედ ამიტომ ვქმნით ეკოსისტემას, რომელიც ბიზნესებს სწრაფი ზრდისა და კონკურენტუნარიანობის ამაღლების შესაძლებლობას აძლევს. ეს ჯილდო ადასტურებს, რომ ჩვენი ხედვები ციფრული საბანკო მომსახურების მიმართულებით, რომელიც ინოვაციებს, სისწრაფესა და მომხმარებელზე ორიენტირებულობას მოიაზრებს, სამაგალითოა მსოფლიო მასშტაბით. ამ სცენაზე მიღებული აღიარება კი გვაძლევს დიდ მოტივაციას, რომ არ გავჩერდეთ და ინოვაციების დანერგვა გავაგრძელოთ”, - განაცხადა დაჩი გორგილაძემ, საქართველოს ბანკის ციფრული კლასტერის Product Owner-მა.დაჯილდოების ღონისძიება ვენაში გაიმართა და იგი მრავალსაფეხურიანი კონკურსის ფინალურ ეტაპს წარმოადგენდა. აღსანიშნავია, რომ საქართველოს ბანკი მსოფლიოში საუკეთესო ციფრულ ბანკად Global Finance-მაც დაასახელა.

1765282075