Home » საზოგადოება » მაგთიკომის თანამშრომლები გაიფიცნენ

მაგთიკომის თანამშრომლები გაიფიცნენ

კომპანია “მაგთის” ინჟინერ-ტექნიკოსები გაიფიცნენ. გაფიცული თანამშრომლები ხელფასის ზრდას ითხოვენ და მუშაობაზე უარს აცხადებენ.

კომპანიაში „კომერსანტს“ უთრხეს, რომ სიტუაციის განმუხტვას ცდილობენ და გაფიცულების მიმართ სამართლებრივ ნაბიჯებს გადადგამენ.

„მაგთიკომის თანამშრომლების გარკვეული ჯგუფი ითხოვს სამუშაო პირობების გადახედვას.

მაქსიმალურად ვცდილობთ სიტუაციის განმუხტვას გონივრულობის ფარგლებში.

მნიშვნელოვანია, რომ როდესაც კოვიდპანდემია დაიწყო, მაგთიკომში ხელფასები მინიმუმ 10%-ით გაიზარდა და ეს შეეხო უკლებლივ ყველათანამშრომელს. რეგიონის ინჟინერ-ტექნიკოსებს კი, ხელფასები გაეზარდათ 23%-ით.

მაგთიკომში გარკვეულ ჯგუფებზე მოქმედებს საბონუსე სისტემა. ბონუსები მიიღეს იმ თანამშრომლებმაც, რომლებიც დღეს სამუშაო პირობების გადახედვას ითხოვენ.

კოვიდპანდემიის პერიოდში კონკრეტულად ინჟინერ-ტექნიკოსების ჯგუფებზე მაგთიკომის მიერ გაცემულმა ბონუსმა თითქმის 3 მილიონი ლარი შეადგინა.

აქვე გვინდა აღვნიშნოთ, რომ მაგთიკომის ოპერირების ისტორიაში არ ყოფილა არც ერთი პრეცედენტი იმისა, რომ თანამშრომელს ხელფასი დანიშნულ დღეს არ მიეღოს.

მაგთიკომი გადადგამს შესაბამის სამართლებრივ ნაბიჯებს სიტუაციის სამართლებრივ ჩარჩოებში დასაბრუნებლად”, — აცხადებენ მაგთიკომში.

Share