Home » მსოფლიო » ჯანმომ AstraZeneca-ს ვაქცინა გადაუდებელი გამოყენებისთვის დაამტკიცა

ჯანმომ AstraZeneca-ს ვაქცინა გადაუდებელი გამოყენებისთვის დაამტკიცა

ჯანდაცვის მსოფლიო ორგანიზაციამ AstraZeneca-ს კორონავირუსის საწინააღმდეგო ვაქცინა გადაუდებელი გამოყენებისთვის დაამტკიცა.

„დღეს, ჯანმომ AstraZeneca-სა და ოქსფორდის უნივერსიტეტის ვაქცინა გადაუდებელი გამოყენებისთვის დაამტკიცა. აღნიშნული გადაწყვეტილება საშუალებას იძლევა, ვაქცინა გამოყენებული იყოს გლობალურ მასშტაბში COVAX-ის მექანიზმის მეშვეობით“, – ნათქვამია ჯანმოს განცხადებაში.

10 თებერვალს, ჯანდაცვის მსოფლიო ორგანიზაცია AstraZeneca-ს კორონავირუსის საწინააღმდეგო ვაქცინის ყველა ასაკის ზრდასრულისთვის გამოყენების რეკომენდაციას იძლევა.

ორგანიზაციის ექსპერტები აღნიშნავენ, რომ AstraZeneca-ს ვაქცინის სარგებელი ნებისმიერ რისკს აღემატება და მისი გამოყენება რეკომენდებულია მათ შორის 65 წელს ზემოთ პირებისათვის.

ჯანდაცვის მსოფლიო ორგანიზაციაში ასევე აღნიშნეს, რომ AstraZeneca-ს ვაქცინის გამოყენება ე.წ. სამხრეთ აფრიკული შტამის შემთხვევაშიც შეიძლება.

Share