მთავარი სარკინიგზო ხაზის მოდერნიზაცია მალე დასრულდება, გაორმაგდება ტვირთბრუნვა და ასევე, შემცირდება ქვეყნის გადაკვეთის დრო - თამარ იოსელიანი

ლექსი ინგლისურად გაბრიელ გრიფინმა თარგმნა, თარგმანის კონსულტანტი კი ქეთი გახოკიაა.

1764674399

გამოფენის მიზანია, შექმნას უნიკალური საკომუნიკაციო პლატფორმა, რომელიც ერთ სივრცეში გააერთიანებს ბაზრის მთავარ მოთამაშეებს: ინვესტორებს, დეველოპერებს, ბროკერებსა და საკონსულტაციო კომპანიებს;უძრავი ქონების გამოფენა მოიცავს პრეზენტაციებსა და პანელურ დისკუსიებს, რომლებზეც დარგში არსებულ მთავარ გამოწვევებსა და შესაძლებლობებს განიხილავენ. გამოფენის ფარგლებში, 5 დეკემბერს, დაგეგმილია თიბისი კაპიტალის კვლევის წარდგენაც, რომელიც უძრავი ქონების ადგილობრივ ტენდენციებსა და მომდევნო წლის პროგნოზებს მიმოიხილავს.ღონისძიება ხელს შეუწყობს უძრავი ქონების სექტორის განვითარებას, რაც გულისხმობს საქართველოს საინვესტიციო პოტენციალის საერთაშორისო პარტნიორებისთვის გაცნობას. Ხოლო ბიზნესისთვის გაყიდვების ხელშეწყობას, როგორც ადგილობრივ, ისე საერთაშორისო ბაზარზე.გამოფენაში მონაწილეობს 50-მდე დეველოპერული კომპანია; ასევე, ადგილობრივი საბროკერო კომპანიები, რომლებიც დამსწრეებს სხვადასხვა შეთავაზებას ადგილზევე გააცნობენ.ღონისძიება საინტერესოა როგორც პროფესიონალებისთვის, ისე ცალკეული დაინტერესებული პირებისთვისაც - სტუმრები შეძლებენ, დაათვალიერონ ბაზარზე არსებული თითქმის ყველა შეთავაზება და მიიღონ განსაკუთრებული პირობები.წელს გამოფენის ფარგლებში გაიმართება საერთაშორისო კონფერენციაც, რომელზე დასწრება შესაძლებელია წინასწარი რეგისტრაციით,: https://forms.gle/8xRzFsNrqTo2rANU8ღონისძიების დღის წესრიგის გასაცნობად, ეწვიეთ ბმულს: https://www.rew.ge/agenda/

1764671057

მირცხულავას თქმით, ქართული პროექტისა და იდეისთვის აღნიშნული სტატუსის მინიჭება ქვეყნის დიდი გამარჯვებაა.„დიდი გამარჯვებაა ჩვენი ქვეყნის და განსაკუთრებით ვულოცავ ყველა ენერგეტიკოსს, ქართულმა პროექტმა და იდეამ – შავი ზღვის წყალქვეშა კაბელის (BSSC) პროექტმა დღეს მიიღო ევროკავშირის ურთიერთინტერესის პროექტის (Project of Mutual Interest (PMI)) სტატუსი!!!“ – წერს დავით მირცხულავა სოციალურ ქსელში.შავი ზღვის წყალქვეშა კაბელის პროექტს (BSSC), რომელმაც საქართველოსა და ევროპის ელექტროენერგეტიკული სისტემები უნდა დააკავშიროს, ევროკომისიამ „ორმხრივი ინტერესის პროექტის“ (PMI) სტატუსი მიანიჭა.  როგორც ევროკომისიაში აცხადებენ, აღნიშნული სტატუსის მქონე პროექტები ევროკავშირის დაფინანსების მიღებას შეძლებენ და დაჩქარებული ნებართვის გაცემისა და დაჩქარებული მარეგულირებელი პროცედურებით ისარგებლებენ, რაც მათ რეალიზაციასა და დროულ მიწოდებას შეუწყობს ხელს.შავი ზღვის წყალქვეშა კაბელის პროექტის თანახმად, 1155 კილომეტრი სიგრძის კაბელი რუმინეთს დაუკავშირდება, რაც სამხრეთ-აღმოსავლეთ ევროპასა და რუმინეთს საშუალებას მისცემთ, ისარგებლონ გაფართოებული საექსპორტო შესაძლებლობებით და ელექტროენერგიის ბაზრის საათობრივი ფასების გათვალისწინებით განახორციელონ ელექტროენერგიით ვაჭრობა.

1764669474

საქსტატის ცნობით, 2024 წლის განმავლობაში მოპოვებულ იქნა 35.8 ათასი ტონა ნედლი ნავთობი, რაც წინა წელთან შედარებით 8.0 პროცენტით ნაკლებია, 177.8 ათასი ტონა — ქვანახშირი, რაც წინა წელთან შედარებით 20.1 პროცენტით მეტია და 15.9 მილიონი მ3 — ბუნებრივი გაზი, რაც წინა წლის მაჩვენებელს 3.0 პროცენტით ჩამორჩება.გამოკვლევის შედეგების მიხედვით, 2024 წელს, წინა წელთან შედარებით, შეშის წარმოება შემცირდა 7.2 პროცენტით და 1 034.6 ათასი მ3 შეადგინა.საანგარიშო პერიოდში, წარმოების სტრუქტურაში უდიდესი წილი – 77.4 პროცენტი მოდის ელექტროენერგიაზე, მეორე ადგილს იკავებს ბიოსაწვავი და ნარჩენებისგან წარმოებული ენერგია – 12.3 პროცენტით, რომელიც ძირითადად წარმოდგენილია შეშის სახით, ხოლო დანარჩენი სახეობის ენერგორესურსები სტრუქტურაში შედარებით დაბალი წილით ხასიათდება.ამასთან, უწყების ანგარიშით, 2024 წელს ელექტროენერგიის საბოლოო მოხმარებამ 13 006.1 მილიონი კილოვატ-საათი შეადგინა, რაც 6.0 პროცენტით მეტია წინა წლის მაჩვენებელზე.2024 წლის მონაცემებით, ბუნებრივ გაზზე მოთხოვნის მოცულობამ შეადგინა 3 404.3 მილიონი მ3, რაც წინა წელთან შედარებით 1.1 პროცენტით მეტია, ხოლო ბუნებრივი გაზის საბოლოო მოხმარებამ ამავე პერიოდში 2 711.2 მილიონი მ3 შეადგინა, რაც 7.7 პროცენტით მეტია წინა წლის მაჩვენებელზე. 2023 წელთან შედარებით, ბუნებრივი გაზის მოხმარება გაიზარდა მრეწველობის ცალკეულ დარგებში, მომსახურების და სოფლის მეურნეობის დარგში, კლება კი დაფიქსირდა საგზაო ტრანსპორტში.გამოკვლევის შედეგების მიხედვით, 2024 წელს ქვეყანაში მოხმარებულია 1 578.6 ათასი ტონა ნავთობპროდუქტი, რაც წინა წელთან შედარებით 8.4 პროცენტით მეტია.ენერგორესურსების მოხმარების სტრუქტურაში 42.4 პროცენტი მოდის ბუნებრივ გაზზე, შედარებით მაღალი წილით ხასიათდება აგრეთვე ნავთობპროდუქტები (29.6 პროცენტი) და ელექტროენერგია (20.5 პროცენტი), 3.5 პროცენტს შეადგენს ქვანახშირი, ხოლო დარჩენილი 4.0 პროცენტი მოდის ბიოსაწვავზე, გეოთერმულ და მზის ენერგიაზე.როგორც საქსტატში აცხადებენ, 2024 წლის ენერგორესურსების მოხმარების სექტორული ანალიზი გვიჩვენებს, რომ ენერგორესურსების ყველაზე დიდი მომხმარებელია ტრანსპორტის და შინამეურნეობების სექტორები, რომლებზეც მოდის მთლიანი მოხმარების, შესაბამისად 33.0 და 31.9 პროცენტი. რაც შეეხება სხვა დარგებს, 15.3 პროცენტი — მრეწველობის, 4.3 პროცენტი — მშენებლობის, 0.6 პროცენტი — სოფლის, სატყეო და თევზის მეურნეობის დარგებზე, ხოლო დარჩენილი 14.9 პროცენტი კი კერძო და სახელმწიფო მომსახურებაზე და სხვა მომხმარებლებზე ნაწილდება.

1764668850

„ძალიან მნიშვნელოვანია ის დაგეგმილი ღონისძიებები, რაც რკინიგზაში გვაქვს. განსაკუთრებით ხაზს გავუსვამ - მთავარი სარკინიგზო ხაზის მოდერნიზაციას, რომელიც ძალიან მალე დასრულდება და შესაბამისად, გააორმაგებს ტვირთბრუნვას, შეამცირებს ქვეყნის გადაკვეთის დროს. მაგალითად, თუ საკონტეინერო ვაგონით გადაზიდვებზე ვსაუბრობთ - 24 საათიდან 12 საათამდე შემცირდება. ასევე მნიშვნელოვანია ის, რომ 2026 წელს საქართველოს რკინიგზას დაგეგმილი აქვს გადაიარაღება, როგორც სავაგონო ასევე სალოკომოტივო პარკთან მიმართებით. ეს ნიშნავს იმას, რომ დაახლოებით 30%-ით შემცირდება ქვეყნის გადაკვეთის დრო და რა თქმა უნდა ეს არის ის გამოსავალი რაც შუა დერეფანს სჭირდება.ასევე, ძალიან მალე ბაქო-თბილისი-ყარსის რკინიგზის მშენებლობა დასასრულს მოუახლოვდება. შესაბამისად ეს რა თქმა უნდა გააუმჯობესებს ჩვენს დაკავშირებადობას, როგორც თურქეთს, აზერბაიჯანს ისე საქართველოს შორის, ასევე მოემსახურება რეგიონს და შუა დერეფანს“, - აღნიშნა თამარ იოსელიანმა. 

1764668479

„ამჟამად ჩვენ მოლაპარაკებებს ვაწარმოებთ და ზოგადად დაინტერესებულები ვართ თურქეთის ბაზარზე ჰოლდინგის განვითარებით, მათ შორის ჩვენი ციფრული ბანკის გაფართოების გზით. თუმცა, ჩვენ არ ვართ მზად კომენტარი გავაკეთოთ განსახილველ ბანკებზე ან მოლაპარაკებების დეტალებზე“, - განაცხადეს Freedom Holding-ის პრესსამსახურში.ტიმურ ტურლოვი Freedom Holding Corp.-ის დამფუძნებელი და მთავარი მფლობელია, რომლის წილი დაახლოებით 70%-ია. 2025 წელს ტურლოვი Forbes Kazakhstan-ის ყაზახეთის უმდიდრესი ბიზნესმენების რეიტინგში მეხუთე ადგილიდან მეორეზე ავიდა - რეიტინგის გამოქვეყნებიდან ერთი წლის შემდეგ მისი ქონება მაისში 3.3 მილიარდი დოლარიდან 5.8 მილიარდ დოლარამდე გაიზარდა.შეგახსენებთ, რომ ყაზახეთის რეგულატორმა Freedom Bank Kazakstan-ს შვილობილი ორგანიზაციის – Freedom Bank Georgia-ს შექმნის ნებართვა მისცა. „სააგენტოს საბჭომ მიიღო 2025 წლის 25 ნოემბრით დათარიღებული №77 დადგენილება ყაზახეთის სააქციო საზოგადოება „ფრიდომ ბანკისთვის“ შვილობილი კომპანიის - „ფრიდომ ბანკ საქართველოს“ სააქციო საზოგადოების დაარსების ნებართვის გაცემის შესახებ“, - ნათქვამია დოკუმენტში.„ფრიდომ ბანკი ყაზახეთი“ ქვეყანაში მოქმედ 23 ბანკს შორის მეათე ადგილს იკავებს აქტივების მოცულობით – 2,4 ტრლნ ტენგე ($4,6 მლრდ).

1764668170