Home » საზოგადოება » „გირჩი“ ნარკოდანაშაულთან დაკავშირებით რეფერენდუმის გამართვის ინიციატივით გამოდის
„გირჩი“ ნარკოდანაშაულთან დაკავშირებით რეფერენდუმის გამართვის ინიციატივით გამოდის

„გირჩი“ ნარკოდანაშაულთან დაკავშირებით რეფერენდუმის გამართვის ინიციატივით გამოდის

ახალი პოლიტიკური ცენტრი „გირჩი“ ნარკოტიკების მოხმარების გამო ადამიანების სისხლისსამართლებრივი დევნის საკითხთან დაკავშირებით რეფერენდუმის ჩატარების ინიციატივით გამოდის.

როგორც „გირჩის“ ერთ-ერთმა ლიდერმა ზურა ჯაფარიძემ დღეს გამართულ პრესკონფერენციაზე აღნიშნა, ისინი სარეფერენდუმო საკითხის დასარეგისტრირებლად ცესკო-ს უახლოეს დღეებში მიმართავენ.

მათი თქმით, რეფერენდუმი ოქტომბერში, თვითმმართველობის არჩევნების დროს სურთ ჩატარდეს.

ჯაფარიძის თქმით, ცესკო-სგან პასუხის მიღების შემდგომ, 200 000 ხელმოწერის შეგროვებას დაიწყებენ და სწორედ რეფერენდუმის შედეგად, თავად მოსახლეობას გასცემს პასუხს კითხვას, უნდა ისჯებოდეს თუ არა ადამიანი ნარკოტიკების მოხმარების გამო.

ჯაფარიძის განმარტებით, მათ დღემდე დუმილის გარდა ვერანაირი პასუხი ვერ მიიღეს ხელისუფლებისგან ნარკოპოლიტიკასთან დაკავშირებით, შესაბამისად, როგორც ჯაფარიძემ აღნიშნა, სწორედ რეფერენდუმი დაუსვამს წერტილს მათ მიერ მთელი ამ ხნის განმავლობაში წამოწყებულ პროცესებს.

Share