Home » საზოგადოება » ესპანეთში ნიკო შერაზადიშვილის სახელობის ქუჩა გაიხსნა
ესპანეთში ნიკო შერაზადიშვილის სახელობის ქუჩა გაიხსნა

ესპანეთში ნიკო შერაზადიშვილის სახელობის ქუჩა გაიხსნა

მადრიდის მახლობლად მდებარე პატარა ქალაქ ბრუნეტეში ნიკო შერაზადიშვილის სახელობის ქუჩა გაიხსნა.

ქართული წარმოშობის ძიუდოისტი ისტორიაში პირველი ესპანელი გახდა, რომელმაც მამაკაცებს შორის მსოფლიოს ჩემპიონობა მოიპოვა და ბრუნეტეს მუნიციპალიტეტმა სწორედ ამის აღსანიშნავად მიაგო პატივი შერაზადიშვილს.

ღონისძიებას ფრან გარიგოსი, ტომას მორალესი, სარა როდრიგესი და ლაურა მარტინესიც დაესწრნენ, რომლებიც ბაქოში გამართულ მსოფლიო ჩემპიონატზე შერაზადაშვილთან ერთად ასპარეზობდნენ.

ქალაქის მერმა, ბორხა გუტიერესმა ღონისძიებასთან დაკავშირებით კომენტარი გააკეთა.

„ბრუნეტე ამ ქმედებით ნიკოლოზს მიაგებს პატივს. ჩვენ ვუყურებდით თუ როგორ იზრდებოდა ის კინო რუიზის დოჯოში და როგორ ჩამოყალიბდა დიდებულ სპორტსმენად. ნიკოლოზი სამაგალითოა ყველა ბრუნეტელისთვის, განსაკუთრებით კი ბავშვებისთვის.“ – განაცხადა ქალაქის მერმა.

აღსანიშნავია, რომ იმავე ქალაქში უკვე არსებობს ნიკოს მწვრთნელის, კინო რუისის სახელობის ქუჩა. რუისი, თავის დროზე, მსოფლიოს ჩემპიონატის ვერხლის პრიზიორი გახდა და იმ დროს ესპანეთისთვის ესეც პირველი მსგავსი წარმატება იყო.

საინტერესოა, რომ ქუჩის სახელის აღმნიშვნელ დაფაზე შერაზადიშვილის გვარი შემოკლებულია და „ნიკო შერას ქუჩა“ წერია.

Share