Home » ახალი ამბები » დავით საგანელიძე „ქართული ოცნების“ პოლიტსაბჭოს ტოვებს
დავით საგანელიძე „ქართული ოცნების“ პოლიტსაბჭოს ტოვებს

დავით საგანელიძე „ქართული ოცნების“ პოლიტსაბჭოს ტოვებს

„ქართული ოცნების“ პოლიტიკური საბჭოს „საპარტნიორო ფონდის“ თავმჯდომარე დავით საგანელიძეც ტოვებს. როგორც საგანელიძემ ჟურნალისტებს პარტიის პოლიტსაბჭოს სხდომის დაწყებამდე განუცხადა, მისი პოზიციიდან გამომდინარე, ბოლო ორ წელიწად-ნახევრის განმავლობაში ის პოლიტიკური გადაწყვეტილებების მიღებაში არც მონაწილეობდა.

„კონკრეტულად არ არის გადაწყვეტილი რამდენი წევრი იქნება ახალ პოლიტსაბჭოს ახალ შემადგენლობაში. სწორია, რომ მოხდეს გადახალისება. ახალი სახეებიც აუცილებელია პოლიტიკაში. მე ჩემი პოზიცია გამაჩნია, 2 წელიწადზე მეტია, ფაქტობრივად, არ ვარ პოლიტიკაში. ამ ორ წელიწად-ნახევრის განმავლობაში ფორმალურად პოლიტსაბჭოში ყოფნა არ ნიშნავს პოლიტიკაში ყოფნას, იმიტომ რომ ამ პერიოდის განმავლობაში, რაც ფონდს ვხელმძღვანელობ, არცერთი პოლიტიკური გადაწყვეტილება მე პირადად არ მიმიღია და არც იქნებოდა სწორი. ვხელმძღვანელობ ქვეყნის უმსხვილეს საფინანსო ინსტიტუტს და მიმაჩნია, რომ საფინანსო ინსტიტუტის ხელმძღვანელი აპოლიტიკური უნდა იყოს. ამიტომ მე თვითონ გავაკეთებ დღეს ამ განცხადებას, რომ სჯობს, მე არ ვიყო პოლიტსაბჭოს წევრი“, – განაცხადა საგანელიძემ.

“ქართული ოცნების“ პოლიტიკური საბჭოს ახალ შემადგენლობაში სავარაუდოდ, არ იქნება დეპუტატი თემურ ჭკუასელიც.

Share