Home » ბიზნესი » „ბილაინის“ აბონენტებს ვირტუალური სიმ ბარათით სარგებლობა უკვე შეუძლიათ

„ბილაინის“ აბონენტებს ვირტუალური სიმ ბარათით სარგებლობა უკვე შეუძლიათ

საერთაშორისო ჯგუფ „ვიონის“ წევრი „ბილაინი“ მომხმარებელს ვირტუალური სიმ ბარათით (eSIM) სარგებლობას სთავაზობს.

როგორც კომპანიაში აღნიშნავენ, eSIM- ი (Embedded SIM) სმარტფონში ჩაშენებული ვირტუალური სიმ ბარათია და აბონენტებს ყველა იმ სერვისით სარგებლობის შესაძლებლობას აძლევს, რომელიც ფიზიკური სიმ ბარათის შემთხვევაშია ხელმისაწვდომი.

„eSIM-ი თანამედროვე გადაწყვეტაა, რომელიც მომხმარებელს უქმნის მნიშვნელოვან კომფორტს, აძლევს მოქნილობას და თავისუფლებას. გარდა ამისა, eSIM-ის გააქტიურება მარტივად და სწრაფად, სახლიდან გაუსვლელად არის შესაძლებელი – დღის ნებისმიერ მონაკვეთში, ბილაინის ვებ-გვერდის მეშვეობით. eSIM-ს აქვს არაერთი უპირატესობა ფიზიკურ ბარათთან შედარებით – ის არ ფუჭდება და არ იკარგება, მისი გამოცვლაც ონლაინაა შესაძლებელი.

„ბილაინის“ eSIM-ის გააქტიურების პროცესი მარტივი ეტაპებისგან შედგება და საჭიროებს ტელეფონის ნომრის (ასეთის არსებობის შემთხვევაში) და სმარტფონის მოდელის მითითებას, პირადობის დამადასტურებელი დოკუმენტის ატვირთვას და ფოტოს გადაღებას ვებგვერდის მეშვეობითვე.

პროცესის დასასრულს, მომხმარებელი იღებს QR კოდს და მისი დასკანირებით ხდება eSIM-ის აქტივაცია. კიდევ უფრო მეტი სიმარტივისთვის, „ბილაინის“ ვებ-გვერდზე წარმოდგენილია აქტივაციის პროცესის აღმწერი ვიდეოები და დეტალური ინფორმაცია, როგორც iOS ასევე Android ოპერაციული სისტემების სმარტფონებისთვის. eSIM-ის ღირებულება 5₾ შეადგენს. „ბილაინის“ აბონენტებს ფიზიკური სიმ ბარათის eSIM-ით შეცვლის შესაძლებლობაც აქვთ, ასევე სახლიდან გაუსვლელად და მისი ღირებულება 5₾ შეადგენს.

როგორც eSIM-ის ყიდვის, ასევე ფიზიკური სიმ ბარათის eSIM-ით შეცვლის შემთხვევაში აბონენტები „ბილაინისგან“ 5GB ინტერნეტს საჩუქრად იღებენ. eSIM-ის აქტივაცია ფიზიკურ სიმ ბარათთან ერთადაც ხდება, შესაბამისად აბონენტებს ერთდროულად ორი ნომრით სარგებლობა შეუძლიათ. ვირტუალური სიმ ბარათით სარგებლობისთვის სმარტფონს უნდა ჰქონდეს შესაბამისი მხარდაჭერა. ასეთი სმარტფონების ჩამონათვალი ხელმისაწვდომია „ბილაინის“ ვებ-გვერდზე“,-აღნიშნულია გავრცელებულ ინფორმაციაში.

როგორც „ბილაინის“ გენერალური დირექტორი, ლაშა ტაბიძე აღნიშნავს, „ბილაინის“ მიზანია მომხმარებელს საუკეთესო ციფრული პროდუქტები და მომსახურება მიაწოდოს.

„მოხარული ვარ, მომხმარებელს შევთავაზოთ საუკეთესო თანამედროვე გადაწყვეტა eSIM -ის სახით, რაც მათ შესაძლებლობას მისცემს სახლიდან გაუსვლელად, ონლაინ ნებისმიერ დროს, სმარტფონზე თავად გაიაქტიურონ ახალი სიმ ბარათი ან eSIM -ით შეცვალონ უკვე არსებული. „ბილაინის“ მიზანია ყოველთვის მიაწოდოს მომხმარებელს საუკეთესო ციფრული პროდუქტები და მომსახურება, რომლებიც უმარტივებენ ჩვენი სერვისებით სარგებლობას და მათ მიღებას რეალურ დროში, როგორც და სადაც არ უნდა ჭირდებოდეთ“ – აღნიშნავს ლაშა ტაბიძე.

Share