ფისკალური მდგრადობისა და სოციალური დაცვის პროგრამის განსახორციელებლად ADB-სთან შეთანხმება გაფორმდა

0
128

საქართველოსა და აზიის განვითრების ბანკს (ADB) შორის ხელი მოეწერა „ფისკალური მდგრადობისა და სოციალური დაცვის პროგრამის შესახებ“ შეთანხმებას.

როგორც ფინანსთა სამინისტროს მიერ გავრცელებულ ინფორმაციაშია აღნიშნული, დოკუმენტს ხელი მოაწერეს საქართველოს ფინანსთა მინისტრმა, ლაშა ხუციშვილმა და აზიის განვითარების ბანკის რეგიონულმა დირექტორმა საქართველოში, შეინ როზენტალმა.

მათივე ცნობით, შეთანხმებით გათვალისწინებულია აზიის განვითარების ბანკის მიერ, 100 190 000 მლნ ევროს ოდენობის ფინანსური რესურსის გამოყოფა, ფისკალური მდგრადობისა და სოციალური დაცვის პროგრამის განსახორციელებლად, რომლის მიზანია ხელი შეუწყოს ქვეყნის მდგრად და ინკლუზიურ ეკონომიკურ ზრდას.

„ხელმოწერამდე მხარეებმა ერთმანეთს გაუზიარეს ხედვა არსებული გამოწვევების ფონზე ქვეყანაში შექმნილი ვითარების თაობაზე. კიდევ ერთხელ ხაზი გაესვა საქართველოს სატრანზიტო პოტენციალის გამოყენებისა და ენერგეტიკული უსაფრთხოების განმტკიცების მნიშვნელობას“, – აღნიშნულია ინფორმაციაში.