საქართველოში დასაქმებულთა 23%-ის ხელფასი თვეში 600 ლარზე დაბალია

0
237

ივნისში, ადამიანების რაოდენობა, რომლებიც იღებდნენ თვიურ ხელფასს, 2021 წლის შესაბამის პერიოდთან შედარებით, 4.3%-ით, ხოლო 2020 წლის შესაბამის პერიოდთან შედარებით, 11.7%-ით არის გაზრდილი.

პარალელურად დასაქმების ბაზარზე საშუალო ხელფასი იზრდება – მცირდება იმ ადამიანების რაოდენობა ვისი ანაზღაურებაც თვეში 600 ლარია და იზრდება იმ ადამიანების რაოდენობა ვისი ხელფასიც 2400 ლარია.

PMCG-ის კვლევის მიხედვით,  ივნისში, იმ ადამიანების რაოდენობა, რომლებიც იღებდნენ 0-დან 600 ლარამდე თვიურ ხელფასს, 22.9%-ს შეადგენდა, რაც 2021 წლის შესაბამის პერიოდთან შედარებით, 5 პროცენტული პუნქტით, ხოლო 2020 წლის შესაბამის პერიოდთან შედარებით, 8.5 პროცენტული პუნქტით შემცირებული მაჩვენებელია.

2022 წლის ივნისში, იმ ადამიანების რაოდენობა, რომლებიც იღებდნენ 2,400 ლარზე მეტ თვიურ ხელფასს, 17.3%-ს შეადგენდა, რაც 2021 წლის შესაბამის პერიოდთან შედარებით, 2.9 პროცენტული პუნქტით, ხოლო 2020 წლის შესაბამის პერიოდთან შედარებით, 5.7 პროცენტული პუნქტით გაზრდილი მაჩვენებელია.

ივნისში, იმ ადამიანების რაოდენობა, რომლებიც იღებდნენ 9,600 ლარზე მეტ თვიურ ხელფასს, 2021 წლის შესაბამის პერიოდთან შედარებით 26.3%-ით, ხოლო 2020 წლის შესაბამის პერიოდთან შედარებით 74%-ით არის გაზრდილი. 2022 წლის ივნისში, იმ ადამიანების რაოდენობა, რომლებიც იღებდნენ 9,600 ლარზე მეტ ხელფასს, 1.5% შეადგენდა.

საქართველოში ლეგალურად დასაქმებული პირების როადენობა 900 000-ს აღწევს.

GBC.GE