Home » ეკონომიკა » 2020 წლის II კვარტალში პირდაპირი უცხოური ინვესტიციების მოცულობა 0.5%-ით გაიზარდა

2020 წლის II კვარტალში პირდაპირი უცხოური ინვესტიციების მოცულობა 0.5%-ით გაიზარდა

საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2020 წლის II კვარტალში 237.8 მლნ. აშშ დოლარი შეადგინა, რაც 2019 წლის II კვარტალის დაზუსტებულ მონაცემებზე 0.5 პროცენტით მეტია.

რაც შეეხება 2020 წლის II კვარტალში უმსხვილეს პირდაპირ ინვესტორ ქვეყნებს, პირველ ადგილზეა გაერთიანებული სამეფო – 24.8 პროცენტით, მეორე ადგილზე ნიდერლანდი – 22.4 პროცენტით, ხოლო მესამეზე თურქეთი – 13.3 პროცენტით.

საქსტატის მონაცემებით, სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 2020 წლის II კვარტალში 57.0 პროცენტი შეადგინა. ყველაზე მეტი პირდაპირი უცხოური ინვესტიცია საფინანსო სექტორში განხორციელდა და 78.1 მლნ. აშშ დოლარს მიაღწია, რაც მთლიანი პირდაპირი უცხოური ინვესტიციების 32.9 პროცენტია. მეორე ადგილზე იმყოფება ენერგეტიკის სექტორი – 29.6 მლნ. აშშ დოლარით, ხოლო მესამეზე – მშენებლობის სექტორი 27.7 მლნ. აშშ დოლარით

Share