Home » საზოგადოება » ზაზა ოქუაშვილი – ტერორშია თავისუფალი სიტყვა, ბიზნესი და სამართალი
ზაზა ოქუაშვილი - ტერორშია თავისუფალი სიტყვა, ბიზნესი და სამართალი

ზაზა ოქუაშვილი – ტერორშია თავისუფალი სიტყვა, ბიზნესი და სამართალი

ბიზნესმენი ზაზა ოქუაშვილი განცხადებას ავრცელებს. ზაზა ოქუაშვილის შეფასებით, „ივანიშვილის ძალადობრივმა რეჟიმმა მიიტაცა სახელმწიფო, მედია, თავისუფალი სიტყვა, ბიზნესი, პროკურატურა, სახელმწიფო ინსტიტუტები და საპატრიარქოს მითვისებაც კი მოინდომა“.

მისივე განცხადებით, ივანიშვილის ხელისუფლებამ კეთილგონიერება უნდა გამოიჩინოს და აღარ გააგრძელოს ძალის გამოყენება.

„ივანიშვილის ძალადობრივი რეჟიმი, რომელმაც მიიტაცა სახელმწიფო, მედია, თავისუფალი სიტყვა, ბიზნესი, პროკურატურა, სახელმწიფო ინსტიტუტები და საპატრიარქოს მითვისებაც კი მოინდომა, კვლავინდებურად აგრძელებს დანაშაულებრივ ქმედებებს!

კვლავ მიდის საქართველოს მოქალაქეების წინააღმდეგ, ართმევს ადამიანებს კონსტიტუციურ უფლებას, გამოხატონ განსხვავებული აზრი!

არ გაეგებათ, რომ ყველა ძალადობრივი რეჟიმი თავის არსებობას ამთავრებს კრახით.

ივანიშვილის რეჟიმის მოხელეთა მსხვერპლია მთელი ქვეყანა, მისი ყველა სფერო, ტერორშია თავისუფალი სიტყვა, ტერორშია ბიზნესი, ტერორშია სამართალი.

სჯობს ახლა მაინც გამოიჩინოს კეთილგონიერება ივანიშვილის ხელისუფლებამ და აღარ გააგრძელოს ძალის გამოყენება.

ქვეყანა მხოლოდ კანონიერი და მშვიდობიანი გზით დაიბრუნებს მიტაცებულ სახელმწიფოს.

სიმართლის და თავისუფალი საქართველოს გამარჯვება ყოველთვის გარდაუვალია. ჩვენზე კი დამოკიდებულია ქვეყნისთვის სასიკეთო, დროული შედეგი, დრო ხომ ყველასთვის ყველაზე ძვირფასია. სიმართლე ყოველთვის იმარჯვებს“, – ნათქვამია ზაზა ოქუაშვილის მიერ გავრცელებულ განცხადებაში.

Share