Home » ახალი ამბები » საქართველოს საპატრიარქო ე.წ. ციანიდის საქმეზე „საიდუმლო“ გრიფის მოხსნას ითხოვს
საქართველოს საპატრიარქო ე.წ. ციანიდის საქმეზე „საიდუმლო“ გრიფის მოხსნას ითხოვს

საქართველოს საპატრიარქო ე.წ. ციანიდის საქმეზე „საიდუმლო“ გრიფის მოხსნას ითხოვს

საქართველოს საპატრიარქო უზენაეს სასამართლოს წერილით მიმართავს, ე.წ. ციანიდის საქმეს გრიფი „საიდუმლო“ მოეხსნას.

ამის შესახებ აღნიშნულია განცხადებაში, რომელსაც საქართველოს საპატრიარქო ავრცელებს.

„მოგესალმებით დიდი პატივისცემით და სრულიად საქართველოს კათოლიკოს-პატრიარქის კურთხევით მოგმართავთ შემდეგი თხოვნით.

მოგეხსენებათ, ე.წ. ციანიდის საქმეს ადევს გრიფი „საიდუმლო“, რაც ზოგიერთ პიროვნებას საშუალებას აძლევს, სხვადასხვა ინტერპრეტაციის გაკეთებისა და საზოგადოების შეცდომაში შეყვანისა. მართალია, კანონი კრძალავს აღნიშნული სახის მასალების გასაჯაროებას, მაგრამ შექმნილი ვითარების ფონზე იქნებ იქნას გამონაკლისი დაშვებული, გასაჯაროვდეს ეს დოკუმენტები და ყველას მიეცეს საშუალება, გაეცნოს საქმის რეალურ მდგომარეობას. მით უმეტეს, რომ ამის მოსურნეა როგორც ბრალდებულის, ისე დაზარალებულისა და მოწმის მხარე. ამის მოსურნეასაქართველოს საპატრიარქო და საზოგადოება“,- აღნიშნულია განცხადებაში, რომელსაც ხელს აწერს საქართველოს კათოლიკოს-პატრიარქის მდივანი დეკანოზი მიქაელ ბოტკოველი.

Share