Home » მსოფლიო » საფრანგეთის ალპებში რუსი ჯაშუშების ბაზა იპოვეს
საფრანგეთის ალპებში რუსი ჯაშუშების ბაზა იპოვეს

საფრანგეთის ალპებში რუსი ჯაშუშების ბაზა იპოვეს

15 რუსი ჯაშუში საფრანგეთის ალპებს მთელ ევროპაში ოპერაციების ჩასატარებლად თავის ბაზად იყენებდა. ამის შესახებ Le Monde-ზე დაყრდნობით Deutsche Welle წერს.

ფრანგული გაზეთის ინფორმაციით, ისინი რუსული „გრუს“ ელიტური ქვედანაყოფის თანამშრომლები არიან, რომლებიც პასუხისმგებლები არიან შეკვეთილ მკვლელობებზე, საბოტაჟის აქტებსა და ე.წ. „მკვდარ საფოსტო ყუთებზე“, რომელსაც საიდუმლო აგენტები ინფორმაციის გასაცვლელად იყენებენ.

გამოცემა ასევე წერს, რომ ერთ-ერთი ჯაშუში დიდი ალბათობით 2018 წელს დიდ ბრიტანეთში ყოფილ რუს ჯაშუშ სერგეი სკრიპალსა და მის შვილზე თავდასხმასთან არის დაკავშირებული. დასავლური სპეცსამსახურები რუსი ჯაშუშების ამ ჯგუფის კვალზე სწორედ სკრიპალების თავდასხმის გამოძიების ფარგლებში გავიდნენ.

Le Monde-ს ცნობით, ეს რუსი ჯაშუშები მუშაობდნენ ბულგარეთში, მოლდოვაში, მონტენეგროსა და სხვა ქვეყნებში, თუმცა არა საფრანგეთში. დასავლურმა სპეცსამსახურებმა იარაღის ან სხვა სამხილის ამოღება ვერ შეძლეს.

Imedinews.ge

Share