Home » საზოგადოება » რატომ მცირდება ინფრასტრუქტურის სამინისტროს წლევანდელი ბიუჯეტი 269 მილიონი ლარით
რატომ მცირდება ინფრასტრუქტურის სამინისტროს წლევანდელი ბიუჯეტი 269 მილიონი ლარით

რატომ მცირდება ინფრასტრუქტურის სამინისტროს წლევანდელი ბიუჯეტი 269 მილიონი ლარით

საქართველოს რეგიონული განვითარებისა და ინფრასტრუქტურის სამინისტროს წლევანდელი ბიუჯეტი 269 მილიონი ლარით, 1 მილიარდ 546 მილიონ ლარამდე მცირდება.

ბიუჯეტში ცვლილებების პროექტის განმარტებითი ბარათის თანახმად, ცვლილება მსხვილი ინფრასტრუქტურული პროექტების დაწყების გადავადებას უკავშირდება.

„2018 წელს დაგეგმილი იყო მასშტაბური საგზაო პროექტების დაწყება, მათ შორის ჩქაროსნული მაგისტრალის რიკოთის მონაკვეთი და ჩრდილოეთი-სამხრეთი მაგისტრალის ურთულესი მონაკვეთი (ქვეშეთი-კობი). აღნიშნული პროექტები გამოირჩევა კომპლექსურობით და წინამოსამზადებელი სამუშაოების ხანგრძლივი და რთული ეტაპებით, შესაბამისად პროექტები ნაწილობრივ გადაინაცვლებს შემდეგ წლებში. გასათავლისწინებელია, რომ რიკოთის მონაკვეთის ოთხი კომპონენტიდან მიმდინარე წელს პირველი ტრანშები გადაირიცხება ორ მონაკვეთზე. ზოგიერთი პროექტის შესრულების ვადების გადაწევასთან ერთად, ბიუჯეტში ხდება ამ პროექტებისთვის დონორების მიერ გამოყოფილი საკრედიტო რესურსების კორექტირებაც“, – წერია განმარტებით ბარათში.

Share