Home » მსოფლიო » კრიშტიანუ რონალდუს დებიუტის წინ, იტალიაში საფეხბურთო ბილეთები გაძვირდა
კრიშტიანუ რონალდუს დებიუტის წინ, იტალიაში საფეხბურთო ბილეთები გაძვირდა

კრიშტიანუ რონალდუს დებიუტის წინ, იტალიაში საფეხბურთო ბილეთები გაძვირდა

„იუვენტუსის“ ახალწვეული, პორტუგალიელი ვარსკვლავი კრიშტიანუ რონალდუ სერია A-ში თავის პირველ მატჩს 19 აგვისტოს, ვერონაში, „კიევოს“ წინააღმდეგ ჩაატარებს.

ამასთან დაკავშირებით, ვერონულმა კლუბმა მკვეთრად გაზარდა ფასები სხვადასხვა კატეგორიის ბილეთებზე.
სტადიონ „მარკ ანტონიო ბენტეგოდიზე“ ყველაზე პრესტიჟულ ადგილებზე ბილეთის ფასი 100-დან 150 ევრომდე გაიზარდა (+50%). ზედა იარუსებზე მოხვედრა 40-ის ნაცვლად, 60 ევროდ იქნება შესაძლებელი, ხოლო ბილეთები ფან-სექტორში 66 პროცენტით გაძვირდა – 30-დან 50 ევრომდე.

„პარმასა“ და „იუვენტუსის“ შეხვედრა მე-3 ტურში შედგება. „ენიო ტარდინიზე“ კარის უკან სტანდარტული ბილეთი 25 ევრო ღირს, მაგრამ გადამყიდველები მას 178 ევროდ ასაღებენ.

1tv.ge

Share