Home » საზოგადოება » გიორგი ცხადაძე: შარტავას  ქუჩის რეაბილიტაცია ერთ-ერთი მნიშვნელოვანი პროექტია  ჯორჯიან უოთერ ენდ ფაუერის ინფრასტრუქტურულ პროექტებს შორის
გიორგი ცხადაძე: შარტავას  ქუჩის რეაბილიტაცია ერთ-ერთი მნიშვნელოვანი პროექტია  ჯორჯიან უოთერ ენდ ფაუერის ინფრასტრუქტურულ პროექტებს შორის

გიორგი ცხადაძე: შარტავას  ქუჩის რეაბილიტაცია ერთ-ერთი მნიშვნელოვანი პროექტია  ჯორჯიან უოთერ ენდ ფაუერის ინფრასტრუქტურულ პროექტებს შორის

კომპანია ჯორჯიან უოთერ ენდ ფაუერმა  შარტავას  ქუჩაზე წყალმომარაგების სისტემის გამართულად ფუნქციონირებისთვის  წყალმომარაგების ქსელის რეაბილიტაცია დაიწყო.

ამ ეტაპზე, რეაბილიტაციის ფარგლებში შარტავას ქუჩაზე  2.3  კმ სიგრძის    წყალსადენისა და წყალარინების მაგისტრალური ქსელი  შეიცვლება. სამუშოების პირველ ეტაპზე კომპანიამ კოსტავას ქუჩაზე 0.5 კმ წყალმომარაგების ქსელი განაახლა.

წყალმომარაგების სისტემის სტაბილურობისთვის ახალ ქსელზე საერთაშორისო სტანდარტების შესაბამისი 27  ურდული  თანამედროვე ტექნოლოგიების გამოყენებით    დამონტაჟდება.

პროექტის ჯამური ღირებულება 3.5  მლნ  ლარზე მეტს შეადგენს.

,,ჩვენი  გუნდის მიზანია  დარგის  განვითარება და  მოსახლეობის სტაბილური და ხარისხიანი წყალმომარაგებით უზრუნველყოფა.  შარტავას  ქუჩის რეაბილიტაცია ერთ-ერთი მნიშვნელოვანი პროექტია  ჯორჯიან უოთერ ენდ ფაუერის მთავარი მიმართულების  ინფრასტრუქტურულ პროექტებს შორის, რომელსაც კომპანია წყალმომარაგების ქსელის განახლებისთვის  2018 წელს განახორციელებს.”  –  განაცხადა ჯორჯიან უოთერ ენდ ფაუერის გენერალურმა დირექტორმა, გიორგი ცხადაძემ.

ჯორჯიან უოთერ ენდ ფაუერი  ორიენტირებულია  სამ მთავარ  მიმართულებაზე: ეს არის   წყალმომარაგების მაღალი ხარისხის   ინფასტრუქტურის მოწყობა, თანამედროვე ტექნოლოგიების დანერგვა  და   დარგის სპეციალისტების განვითარება.

თბილისის სტაბილური წყალმომარაგების მიზნით  კომპანია მსხვილ ინფრატსრუქტურულ პროექტებში  მომდევნო სამი წლის განმავლობაში  200 მილიონი ლარის ინვესტიციას განახორციელებს.

Share