Home » ბიზნესი » ევროკავშირმა ანაკლიის პორტის €233 მილიონით დააფინანსების გადაწყვეტილება მიიღო
ევროკავშირმა ანაკლიის პორტის €233 მილიონით დააფინანსების გადაწყვეტილება მიიღო

ევროკავშირმა ანაკლიის პორტის €233 მილიონით დააფინანსების გადაწყვეტილება მიიღო

ევროკავშირმა ანაკლიის ღრმაწყლოვანი პორტის €233 მილიონით დააფინანსების გადაწყვეტილება მიიღო. ამასთანავე, ევროკავშირ მზადაა სახელმწიფოსთვის €100 მილიონის კრედიტი გამოყოს, რაც ღრმაწყლოვან პორტამდე მისასვლელი გზისა და რკინიგზის მშენებლობას უნდა მოხმარდეს.

საინვესტიციო დაფინანსება ევროკავშირის ახალი პროექტის “ტრანს-ევროპული სატრანსპორტო კავშირის” ფარგლებში მოხდება, რის შესახებაც ევროკავშირის მიერ გამოქვეყნებულ დოკუმენტში არის აღნიშნული. პროექტი აღმოსავლეთ სამეზობლოს 6 ქვეყანაში – უკრაინაში, მოლდოვაში, ბელორუსში, საქართველოში, სომხეთსა და აზერბაიჯანში უმთავრეს ინფრასტრუქტურულ პროექტებს დააფინანსებს. “ტრანს-ევროპული სატრანსპორტო კავშირის” ღირებულება 12.8 მილიარდი ევრო იქნება.

ევროკომისიის განცხადებაში ნათქვამია, რომ აღნიშნულ საინვესტიციო პაკეტში შედის 4800 კილომეტრის საგზაო მაგისტრალის აშენება, სარკინიგზო ინფრასტრუქტურის განვითარება, 6 პორტის პროექტის განვითარება და 11 ლოჯისტიკური ცენტრის მოწყობა.

საქართველოს ქვეთავში დასახელებული პროექტების ჩამონათვალი ასეთია:

ანაკლიის ღრმაწყლოვანი პორტის მეორე ფაზა – 233 მილიონი ევრო, პარტნიორობის ტიპი PPP;
სარკინიგზო მაგისტრალი ანაკლიის ღრმაწყლოვან პორტამდე – 100 მილიონი ევრო;
ჩუმათელეთი-არგვეთის მაგისტრალის მშენებლობა – 1 მილიარდი ევრო;
გრიგოლეთი-ფოთის ხიდის მშენებლობა – 25 მილიონი ევრო;
გრიგოლეთი-ქობულეთის მაგისტრალის მშენებლობა – 101 მილიონი ევრო;
ბათუმის შემოვლითი გზა – 115 მილიონი ევრო;
ქუთაისის აეროპორტის სატვირთო ტერმინალი – 61 მილიონი ევრო;
რუსთავი-წითელი ხიდის მაგისტრალი – 115 მილიონი ევრო;
ალგეთი-სადახლოს პროექტი – 90 მილიონი ევრო;
სადახლოს მეგობრობის ხიდი – 6 მილიონი ევრო.

საინვესტიციო გეგმით გათვალისწინებული პროექტები აღმოსავლეთ პარტნიორობის ქვეყნებთან ერთად და საერთაშორისო საფინანსო ინსტიტუტების დახმარებით შემუშავდა.
აღნიშნული ინვესტიციები მოიცავს როგორც მოკლევადიანი პროექტების განხორციელებას 2020 წლისთვის, ასევე გრძელვადიან პროექტებს, რომელთა დასრულება 2030 წლისთვის იგეგმება.

ევროკომისარი იოჰანეს ჰანი აცხადებს, რომ ტრანს-ევროპული სატრანსპორტო სისტემის საინვესტიციო სამოქმედო გეგმის დასრულება ერთობლივი ვალდებულებაა, უზრუნველყოს რეგიონის მოქალაქეებისთვის ხელშესახები შედეგები.

Share