Home » ახალი ამბები » აქსის თაუერსის – თბილისის ახალი ლენდმარკის, დედაქალაქის ცენტრში განთავსებული ცათამბჯენის ერთ-ერთმა მიმართულებამ – სავაჭრო ცენტრმა ფუნქციონირება დაიწყო
აქსის თაუერსის - თბილისის ახალი ლენდმარკის, დედაქალაქის ცენტრში განთავსებული ცათამბჯენის ერთ-ერთმა მიმართულებამ - სავაჭრო ცენტრმა ფუნქციონირება დაიწყო

აქსის თაუერსის – თბილისის ახალი ლენდმარკის, დედაქალაქის ცენტრში განთავსებული ცათამბჯენის ერთ-ერთმა მიმართულებამ – სავაჭრო ცენტრმა ფუნქციონირება დაიწყო

აქსის თაუერსის სავაჭრო სივრცე საზეიმოდ გაიხსნა. მისი პირველი ბინადარი პოპულარული ჰიპერმარკეტი – „აგროჰაბია“, რომლის ძირითადი კონცეფციაც მომხმარებლისთვის 100%-ით ჯანსაღი და ნატურალური პროდუქტების მიწოდებაა.

აქსის თაუერსის სავაჭრო სივრცის საზეიმოდ გახსნაში მონაწილეობა მიიღეს ეკონომიკისა და მდგრადი განვითარების მინისტრმა გიორგი ქობულიამ, დედაქალაქის მერმა კახა კალაძემ, თბილისის საკრებულოს თავმჯდომარემ გიორგი ტყემალაძემ, აქსისის, აგროჰაბისა და თანაინვესტირების ფონდის წარმომადგენლებმა.

გიორგი ქობულიას განცხადებით, მსგავსი პროექტები იმის ნათელი დასტურია, რომ ვდგავართ განვითარების სწორ გზაზე.  მისი თქმით, ყველაზე მნიშნელოვანი ის არის, რომ „აქსის თაუერსის“ კონცეფცია სრულ უნისონშია ქვეყნის განვითარების კონცეფციასთან.

კახა კალაძემ ყურადღება გაამახვილა „აქსის თაუერსის“ სავაჭრო სივრცის ფუნქციონირების დაწყებაზე, როგორც დედაქალაქის ინფრასტრუქტურული განვითარების მორიგ კარგ მაგალითზე. „ჩვენ., რა თქმა უნდა, მივესალმებით დედაქალაქში „აქსის თაუერსის“ მსგავსი მასშტაბის პროეტების განხორციელებას“, – განაცხადა კალაძემ.

 „აქსისის“ დირექტორის თეიმურაზ ჭოხონელიძის თქმით, „აქსის თაუერსში“ „აგროჰაბის“ გახსნით დღეს ამოქმედდა კომპლექსის 5 დეველოპერული მიმართულებიდან მხოლოდ ერთ–ერთი – სავაჭრო სივრცე. „ეს მხოლოდ დასაწყისია, დარწმუნებული ვარ, „აქსის თაუერსის“ სავაჭრო სივრცე საქართველოში მოქმედი პრაქტიკულად ყველა ბიზნესისთვის საინტერესო იქნება და სულ მცირე დროში დედაქალაქი მიიღებს კიდევ ერთ თანამედროვე და ყოველმხრივ კონფორტულ კომერციულ სივრცეს. ვულოცავ „აგროჰაბს“ „აქსის თაუერსის “ პირველ ბინადრობას და გაფართოებასა და დიდ წარმატებას ვუსურვებ მას“, – განაცხადა ჭოხონელიძემ. რაც შეეხება საკუთრივ კომპლექსის სრულად დამთავრებას და ამოქმედებას, მისი თქმით, „აქსის თაუერსის“ ხუთივე დეველოპერული მიმართულება ეტაპობრივად ამოქმედდება 2020 წლის ბოლომდე.

„აგროჰაბის“ დამფუძნებელმა აკაკი ახვლედიანმა. „აქსის თაუერსში“ „აგროჰაბის“ მეორე ფილიალის გახსნა შეაფასა, როგორც მომხმარებელთა მხრიდან დადასტურებული აღიარების შედეგად გადადგმული ნაბიჯი. „დღეს „აგროჰაბისთვის“ ძალიან მნიშვნელოვანი დღეა, ჩვენ, ისეთ ულტრათანამედროვე კომპლექსში, როგორიც „აქსის თაუერია“, ვხსნით ჩვენს მეორე ფილიალს. მინდა მადლობა გადავუხადო ჩვენს მომხმარებელს ერთგულებისა და ლოილურობისთვის და დარწმუნებულები ვართ, რომ ეს ფილიალიც ისეთივე მოწონებასა და აღიარებას დაიმსახურებს მათში, როგორითაც  „აგროჰაბი“ გახსნის პირველივე დღიდან სარგებლობს“, – განაცადა „აგროჰაბის“ დამფუძნებელმა აკაკი ახვლედიანმა.

 „აქსის თაუერსის“ 5 დეველოპერულ მიმართულება აერთიანებს – 5 ვარსკვლავიანი სასტუმრო პულმანს, ბიზნესცენტრს, გასართობს, საცხოვრებელს და კომერციულ ფუნქციებს. კომპლექსში ასევე განთავსდება საგამოფენო და რეკრიაციული სივრცეები, რომლებიც ეტაპობრივად დაიწყებენ ფუნქციონირებას.

აქსის თაუერსი  მთლიანად ქართულ პროექტია და სიმბოლური და ნიშანდობლივია, რომ მის სავაჭრო ცენტრში პირველი ქართული ნატურალური პროდუქტების ჰიპერმარკეტი „აგროჰაბი“ განთავსდა.

აქსის თაუერსი –  37 სართულიანი ნაგებობა დამატებით  4 მიწისქვეშა სართულით სიმაღლეში 147 მეტრია და ყველაზე მაღალი შენობაა დედაქალაქში. პიედესტალით გაერთიანებული ქვის და მინის კოშკების ყოველი სართული 2 გრადუსით ბრუნავს ბირთვის გარშემო, რაც შენობების მოძრაობის ილუზიას ქმნის.

აქსის თაუერსი 65 000 კვ.მ–ს მოიცავს, აქედან 50 000 კვმ კომერციულ და რეკრიაციულ სივრცეებს ეთმობა. აქსის თაუერსი საკუთარი წითელი ხაზების ფარგლებში 2 500 კვმ მეტრზე კეთილმოაწყობს და განათავსებს სარეკრიაციო სივრცეებს:  საფეხმავლო ნაწილს, ქუჩას კაფე– ბარებით, სკვერს და სხვა არაერთ საზოგადოებრივი თავშეყრის ადგილს.

აქსის თაუერსი არის მთლიანად ქართული პროექტი, შექმნილი ქართველი არქიტექტორების მიერ უცხოელ პარტნიორებთან თანამშრომლობით.

აქსის თაუერსი თანაინვესტირების ფონდთან თანამონაწილეობით აშენდა და პროექტის მთლიანი ინვესტიცია 100 მლნ დოლარს შეადგენს.

Share