საუბარია 2030 წლისთვის 300 მილიონი ტონა რეზერვის დაგროვებაზე. ეს აუცილებელია ფასების ძლიერი რყევების, ბუნებრივი კატასტროფების და ბაზარზე მოთხოვნისა და მიწოდების მკვეთრი ცვლილებების აღმოსაფხვრელად, აღნიშნეს ჩინეთის ხელისუფლებამ.ქვეყნისთვის, რომელიც წლიურად წვავს 4 მილიარდ ტონაზე მეტ ნახშირს, ეს მარაგი არ არის დიდი. სავარაუდოდ, ეს ღონისძიება ხელს შეუწყობს შიდა ბაზარზე ფასების ზრდის შერბილებას.

1713264866

უფრო კონკრეტულად, საპროექტო ტერირიტორია მდებარეობს საბურთალოს რაიონში, მიხეილ თამარაშვილისა და ქაქუცა ჩოლოყაშვილის ქუჩების კვეთაზე. საპროექტო არეალს ჩრდილოეთით ესაზღვრება მრავალსართულიანი საცხოვრებელი შენობები, აღმოსავლეთით - იპოდრომის ცენტრალური პარკი, ხოლო დასავლეთით - თამარაშვილის ქუჩა და დაგეგმილი მრავალფუნქციური საცხოვრებელი კომპლექსი „სითიზენი“.„მიწათსარგებლობის გენერალური გეგმის გეგმარებით პრინციპი ემყარება კომპაქტური ქალაქის შექმნას. ცენტრალური პარკის გვერდით ასეთი ტიპის მიზიდულობის წერტილის გაჩენა ხელს უწყობს როგორც საჯარო, ისე კერძო ინტერესების თანაბარ ხელშეწყობას, ე.წ. Public Goods და Private Goods პროპორციულ განვითარებას.საპროექტო გადაწყვეტით ტერიტორია იყოფა 2 ნაწილად, N1 მიწის ნაკვეთზე განთავსდება სავაჭრო, საოფისე და საცხოვრებელი შენობები. საუბარია, 2 შენობაზე, რომელთა მაქსიმალური სიმაღლე 25 სართულია. ხოლო N2 ნაკვეთი უმეტესად განვითარდება სავაჭრო, დასასვენებელი, გასართობი, სპორტული და საცხოვრებელი ფუნქციებით. ჯამში, საუბარია, 5 შენობაზე, რომელთა მაქსიმალური სიმაღლეც 79 სართულია.პროექტით გათვალისწინებულია ხიდის მშენებლობა, რომლის მეშვეობითაც ორი შენობა უკავშირდება ერთმანეთს და ქმნის ერთიან კომპოზიციას.ვინაიდან საპროექტო არეალი უშუალოდ ესაზღვრება ავტობუსის ზოლს და ამასთან, 600 მეტრის რადიუსში ვხვდებით „დელისის“ მეტროსადგურს, პრიორიტეტად განისაზღვრა ფეხმავალთა კომფორტული გადაადგილება. თუმცა, შენობის კონცეფცია მორგებულია, როგორც ფეხმავლის, ისე ავტომობილის კომფორტულ გადაადგილებაზე. დაგეგმილია კანონით მოთხოვნილი პარკირების რაოდენობაზე ორჯერ მეტი - 5 500 ავტოსადგომის მოწყობა, რომელიც მოემსახურება როგორც ადგილობრივ მაცხოვრებელს, ისე მოსულ სტუმარს,“- ნათქვამია განმარტებით ბარათში.პროექტის განხორციელებას შპს "ცენტრალ პარკ ავენიუ" გეგმავს, რომლის 100%-იანი წილის მფლობელია შპს „იდეა“. თავის მხრივ კი ეს უკანასკნელი ვასილ, ლევან და სოსო ფხაკაძის საკუთრებაშია.შეგახსენებთ, რომ ტერიტორიაზე რომელზეც ამ პროექტის განხორციელება იგეგმება, 2023 წლის აგვისტოში საკუთრების უფლების წინასწარი რეგისტრაცია განახორციელა ყოფილი დეპუტატის, მარიკა ვერულაშვილის კომპანია "ნეო სითი დეველოპმენტმა", თუმცა 2023 წლის 16 ოქტომბერს გარიგება შებრუნდა და ქონების მესაკუთრედ კვლავ "ქართუ ფონდი" დარეგისტრირდა. გარიგების გაუქმებიდან ორ კვირაში ტერიტორიას ახალი მყიდველი გამოუჩნდა და ტერიტორია კომპანია "ცენტრალ პარკ ავენიუს" საკუთრებაში გადავიდა.BPN.GE 

1713264077

თბილისში გამართულ ვორქშოფზე მოსულ აუდიტორიას საშუალება ჰქონდა მიეღო ინფორმაცია იმის შესახებ, თუ როგორ გაყიდონ პროდუქტი ონლაინ. კურსს უძღვებოდა  ელექტრონული კომერციის სპეციალისტი და "QisaBags"-ის დამფუძნებელი ეკატერინე რამიშვილი.შეხვედრაზე, რომელსაც 30 ადმიანი ესწრებოდა, განხილული იყო შემდეგი თემები:· ელექტრონული კომერციის ტიპები;· ონლაინ ბაზრების ტიპები;· Amazon-ის მიმოხილვა ( FBA, FBM); Amazon Brand Registry - ბრენდის პოზიციონირება ამაზონზე;· SAAS პროგრამული უზრუნველყოფა როგორც სერვისი;· Shopify-ზე ვებგვერდის აწყობის პრინციპები;· ლენდინგ გვერდის ტიპები და სტრუქტურა;· პროდუქტის ონლაინ სივრცეში განთავსების წესები;· Pinterest პლატფორმის მიმოხოლვა;· საძიებო სისტემების (SEO) მუშაობის პრინციპები;· Google-ის საძიებო სისტემის ალგორითმი და რენკინგის ფაქტორები;· საკვანძო სიტყვების განხილვა და პრაქტიკული ხელსაწყოების გამოყენება; (SEMRUSH, Keyword Magic Tool)· SEO (On-Page; Off-Page; Technical SEO; Local SEO);· Google Search Console ხელსაწყოს პრაქტიკული გამოყენება.· SEM - საძიებო სისტემის მარკეტინგი Google Ads მიმოხილვა.გორში გამართული ვორქშოფის მთავარი თემა კი საგადასახადო საკითხები იყო, რომელსაც უძღვებოდა აუდიტორული კომპანია „კრესტონ ჯორჯიას“ მმართველი პარტნიორი დავით პაპიაშვილი.ვორქშოფზე საქართველოში მოქმედი გადასახადების გადახდის ვალდებულებების წარმოშობის ძირითადი პრინციპები და მათი გამოანგარიშების პრაქტიკული მაგალითები განიხილეს.

1713262847

“ენთები” არის ბაზრის ლიდერი, აუთსორს კომპანია, რომელიც მეწარმეებს ბუღალტრულ, საფინანსო და საგადასახადო სერვისებს სთავაზობს. ამ გუნდის მთავარი მიზანი აღნიშნული მიმართულებით პრემიუმ კლასის მომსახურების შეთავაზებაა. კომპანია ბაზარზე უკვე 8 წელზე მეტია ოპერირებს და 500-ზე მეტ მომხმარებელთან თანამშრომლობს. მათთვის მნიშვნელოვანია, რომ კლიენტებს შესთავაზონ სერვისი, რომელიც მათი ბიზნესის გრძელვადიან წარმატებაზე იქნება ორიენტირებული. გარდა კვალიფიცირებული და პროფესიონალი კადრებისა, “ენთების” ჯგუფი ხარისხიან და თანამედროვე ტექნოლოგიებსაც იყენებს. მათ შორის ისეთს, როგორიცაა ხელოვნური ინტელექტი, რომლის წყალობითაც, დოკუმენტებში შეტანილი ინფორმაცია ავტომატურად ინტეგრირდება საბუღალტრო პროგრამაში. ამ პროცესს მინიმუმამდე დაჰყავს შეცდომების ალბათობა, თუმცა ენთები იმაზეც ზრუნავენ, რომ ასეთის არსებობის შემთხვევაში, მომენტალურად ჩაერთონ და საკუთარ თავზე აიღონ სრული პასუხისმგებლობა. მათ წარმატებას ხაზს უსვამს ისიც, რომ “ენთებმა” ბიზნეს დაჯილდოება 2023-ზე გამორჩეული სამომხმარებლო გამოცდილების შექმნისთვის გაიმარჯვეს.თიბისი დაზღვევა მე-8 წელია ბაზარზეა და ეხმარება მომხმარებლებს ცხოვრების გამარტივებაში. ბრენდის მიზანი თავიდანვე იყო მაღალი ხარისხის მომსახურების შეთავაზება, როგორც საცალო, ასევე კორპორაციული ბაზრისთვის. საწყისი ეტაპებიდან დაინერგა სხვადასხვა ტიპის ციფრული და თანამედროვე მიდგომები, რაც დაზღვევის პროცესის გამარტივებას უზრუნველყოფს. თიბისი დაზღვევის ყველა საცალო პროდუქტის შეძენა დისტანციურად არის შესაძლებელი. დაარსებიდან თიბისი დაზღვევამ თავის მომხმარებლებს 300 მილიონ ლარზე მეტი ზარალი აუნაზღაურა.“ენთებისთვის მნიშვნელოვანია გამორჩეული სამომხმარებლო გამოცდილების შექმნა. სწორედ ამიტომ, ჩვენ განსაკუთრებული სიფრთხილით ვარჩევთ პარტნიორ კომპანიებს, რომელთაც შეუძლიათ ჩვენი მომხმარებლებისთვის სერვისის მიწოდება მაღალი სტანდარტებით. თიბისი დაზღვევა წლებია მომხმარებელს სთავაზობს უმაღლესი დონის მომსახურებას და ჩვენი პარტნიორობა მნიშვნელოვანი წინგადადგმული ნაბიჯია”“ჩვენთვის, როგორც მომხმარებელზე ორიენტირებული კომპანიისთვის, მნიშვნელოვანია “ენთებთან” თანამშრომლობა, რადგან მათთვის, ისევე როგორც ჩვენთვის, მთავარი მიზანი მომხმარებლებისთვის ხარისხის შეთავაზება და ცხოვრების გამარტივებაა.” - სერგო საყვარელიძე, თიბისი დაზღვევის სამედიცინო დაზღვევის დეპარტამენტის დირექტორი.

1713261609

მევლუდ მელაძე, საქართველოს საავტომობილო ფედერაციის ვიცე-პრეზიდენტი: - დიდი დიღმის შესასვლელი და გასასვლელი, აღმაშენებლის ხეივანთან კვეთა,­ ნამდვილად ერთ-ერთი რთული ადგილია საცობების მხრივ. ამას ბევრი მიზეზი აქვს: დიდია მიგრაცია ქალაქის ერთი კუთხიდან მეორეში. მიგრაციას ვერ გავექცევით. ჩვენთან ასეა, მთელი ცხოვრება ვცდილობთ სახლი ვიყიდოთ, ვყიდულობთ, მერე სამსახური სადაც გამოგვიჩნდება, იქ ვმუშაობთ და ა.შ. ამიტომ მიგრაცია ძალიან დიდია. გარდა ამისა, ერთ მხარესაც და მეორე მხარესაც მაღალსართულიანი კორპუსების რაოდენობა გაიზარდა, შესაბამისად, ნაკადებიც. ამიტომ გამჭოლი გზები გვჭირდება.მიუხედავად იმისა, რომ ევროპასა და ამერიკაში ასე არ არის, მაინც იციან, რომ გამჭოლი გზები საჭიროა და ისეა გაკეთებული, რომ ერთი ცენტრიდან მეორეში ჩქარი ნაკადები მიდიან, მერე კონკრეტულ უბანში ადიხარ. ჩვენთან უბნიდან უბნამდე მისვლა კატასტროფაა. ერთ-ერთი ასეთი ადგილია აღმაშენებლის ხეივანი, იმიტომ, რომ გლდანიდან წამოსულმა ნაკადმა უნდა გამოიაროს წვრილი ქუჩები ბევრი შუქნიშნით, რათა ქალაქის მეორე ბოლოში მოხვდეს, ან განიერი გზით წავიდეს და შეუერთდეს დიღმის ნაკადს. აქვეა მცხეთის მხარის, ანუ ქალაქგარეთ მცხოვრებთა ნაკადიც. გამოდის გლდანის, დიდი დიღმისა და ქალაქგარეთ მცხოვრები მოსახლეობა საბურთალოსკენ, ორთაჭალისკენ და პირიქით მიედინება. ალბათ იკითხავთ, რა ჭედავს აქ მოძრაობას? მარშალ გელოვანის პროსპექტს 2 შუქნიშანი დაემატა. თითქოს არაფერი, მაგრამ ამ 2-მა შუქნიშანმა უფრო ფორსირება გაუკეთა საცობს და ერთი შენელებაც კი, არათუ გაჩერება, საცობის მაპროვოცირებელია. თუ ავიღებთ ამ შენელება-დაჩქარების მონაწილე 10 მანქანასაც კი, ვნახავთ, რომ განსხვავება ძალიან დიდი იქნება. ნაკადი ერთ დონეზე უნდა მიედინებოდეს, თუნდაც დაბალი სიჩქარით, რათა საცობი არ გაკეთდეს. ამისთვის, როგორც მინიმუმ, "ვეფხვი და მოყმის" ძეგლთან შუქნიშანი არ უნდა აჩერებდეს­, იქ არც ზებრა გადასასვლელია ქვეითად მოსიარულეთათვის, ვის გამოც გაჩერდებოდა ნაკადი. ეს რაც შეეხება კერძო ტრანსპორტს. კომუნისტების დროს მეტროს პროექტში იყო დიდი დიღმის დაკავშირება დანარჩენ ქალაქთან.გასაგებია, რომ ძალიან დიდი პროექტია, მინიმუმ მტკვრის ქვეშ ან მტკვრის ზემოთ უნდა გაიაროს მეტრომ დიდ დიღომში მოსახვედრად, მაგრამ ძვირი არ ნიშნავს, რომ არ უნდა გაკეთდეს. ადრე თუ გვიან, მაინც გახდება საჭირო. ჩინელებმა ასეთი გამოსავალი იპოვეს - რიგ შემთხვევაში მეტრო შესაძლოა ვერ გააკეთო, მაგრამ გაიყვანეს გზა, სადაც გაუშვეს მხოლოდ გრძელი ავტობუსების ნაკადი, რომლებიც ინტერვალით დადიან, მეტროსავით. ეს არ არის კატასტროფულ თანხებთან დაკავშირებული, იმიტომ, რომ არ სჭირდება გვირაბების თხრა და ა.შ. ეს ავტობუსები არ უნდა იკვეთებოდნენ მანქანების ნაკადთან. ზუსტად მეტროს პრინციპით უნდა მოძრაობდნენ.ბასლაინები მხოლოდ მაშინ გაამართლებს, თუ არ ექნება ან მინიმალისტური შეხება ექნება ნაკადთან. რით ვერ შეიქმნა რომელიმე სრულად ამოქმედებული 1 ხაზი მაინც, რომ ვნახოთ, როგორ მუშაობს. ფრაგმენტულად გაკეთებული აზრს კარგავს, ეფექტს ვერ ვხედავთ. ეს რაც შეეხება ბასლაინს, თუმცა პლანეტაზე ვერ მოიფიქრეს უფრო უკეთესი, მოქნილი და სწრაფი ტრანსპორტი, ვიდრე მეტროა. ჩვენთან მეტრო არ არის კარგ მდგომარეობაში. დღემდე კომუნისტების დროს დატოვებული სარკეებიც არ გამოცვლილა, მეტროსადგურების დამატებაზე რაღა უნდა ვთქვათ. ჩემი ნება რომ იყოს, პირველად მიწისქვეშა ან მიწისზედა მეტროსადგურებს დავამატებდი. მიწისზედა უფრო მარტივია და ფინანსურადაც მომგებიანი. შესაძლებელია დიდუბის სადგური დიღომს დაუკავშირდეს, მეტრომ მიწის ზემოთ გაიაროს, ხიდით გადავიდეს მტკვარზე ისე, რომ კვეთა არ ჰქონდეს მანქანებთან. ეს იქნებოდა იდეალური გამოსავალი, რაც ძალიან დიდ ნაკადს ჩამოაკლებდა აღმაშენებლის ხეივანს.გიორგი ბაბუნაშვილი, არასამთავრობო ორგანიზაცია "ურბანული ლაბორატორიის" ხელმძღვანელი: - თბილისის მეტროს მესამე ხაზის მშენებლობა 80-იან წლებში დაიგეგმა და დიდი დიღმიდან უნდა დაწყებულიყო. იგეგმებოდა 2 ან 3 სადგურის მშენებლობა, მაგრამ გადაწყვეტილება არ იყო საბოლოო, განიხილებოდა. 3 სადგურის შემთხვევაში პირველი სადგური იქნებოდა დიდი დიღმის ბოლო მიკრორაიონები, შემდეგი იქნებოდა "ზურგოვანა", სადაც წრეა, და მესამე - იმ მიკრორაიონთან, სადაც ჯვარი დგას. ზურგოვანის შემდეგი სადგური, სადაც დღევანდელი "გუდვილია", იმ მიდამოებში იქნებოდა და ერქვა„"საქართველოს სამხედრო გზა", შემდეგ მოდიოდა სადგური "მიონი", დიღმის მასივში საავადმყოფოების ტერიტორიაზე. მას მოსდევდა სადგური "დიღომი" მაიაკოვსკის ძეგლის ახლოს, შემდეგ მეტრო გადაკვეთდა მტკვარს და იქნებოდა სადგური "დიდუბე". დიდუბეში იქნებოდა გადასაჯდომი კვანძი, როგორც ახლა ვაგზლის მოედანზეა. ამის შემდეგ მეტრო მოდიოდა წერეთელზე და გამოფენასთან კეთდებოდა სადგური "სახალხო მრეწველობის გამოფენა", შემდეგ მეტრო კიდევ ერთხელ გადაკვეთდა მტკვარს, გადავიდოდა საბურთალოზე და სადგურ "პოლიტექნიკურთან" კეთდებოდა კიდევ ერთი სადგური -„"პოლიტექნიკური 2", "პოლიტექნიკურზე" გადასაჯდომი სადგური. მარშრუტი გრძელდებოდა ვაკეში და სადგური კეთდებოდა ჩაის სახლის მიმდებარე ტერიტორიაზე.შემდეგ ხაზი მიდიოდა რუსთაველზე და იქ კეთდებოდა სადგური "რუსთაველი 2". ამის შემდეგ კიდევ ერთხელ გადაკვეთდა ეს ხაზი მტკვარს და მიდიოდა ზაარბრიუკენის მოედანზე, რომელსაც მაშინ "კარლ მარქსის მოედანი" ერქვა, შემდეგ ხაზი მიდიოდა ელიაზე, იქიდან მეტრომშენის დასახლებაში, რასაც მოსდევდა სადგური "ვაზისუბანი". ვაზისუბნიდან მატარებელი უნდა წასულიყო ვარკეთილში, სადაც იქნებოდა სადგური "ვარკეთილი 2". ვარკეთილიდან გზა უნდა გაგრძელებულიყო კახეთის გზატკეცილისკენ, სასწრაფოს კორპუსებს რომ ეძახიან, იმ მიდამოებში, და იქიდან მიდიოდა მოსკოვის პროსპექტზე.­ იქ მთავრდებოდა ხაზი, თუმცა პერსპექტივაში მოიაზრებოდა კიდევ ერთხელ მტკვრის მეოთხედ გადაკვეთა და მარშრუტის გაგრძელება ფონიჭალაში. ეს უნდა ყოფილიყო თბილისის მეტროს ყველაზე გრძელი ხაზი. საერთოდ, მეტროს ხაზი ასე კეთდება: არის ზოგადი გეგმარებითი კონცეფცია და იწყებენ მონაკვეთებზე მუშაობას. დაიწყეს 5 სადგურის, რუსთაველიდან ვაზისუბნამდე მონაკვეთის მშენებლობა. 6 კილომეტრამდე ხაზი იყო. სამუშაოები შახტების დონეზე შესრულდა. სადაც ახლა ვორონცოვზე სასტუმრო დგას, მანდ საესკალატორო გვირაბი იყო, რომელიც მერე ამოავსეს და ზემოდან სასტუმრო დააშენეს. აქტიური მშენებლობა ფორმალურად 1987 წელს, ხოლო რეალურად 1989 წლიდან დაიწყო. მაგრამ თანდათანობით შენელდა, მერე ამას დაერთო პოლიტიკური ამბები და 1992 წელს საერთოდ გაჩერდა. სადგურიც არ აშენებულა. მხოლოდ ტექნიკური გვირაბები მოეწყო.- რომელი გვირაბებია აშენებული?- მაგალითად, "რუსთაველი 2", რომელსაც ელბაქიძიდან აქვს შესასვლელი, თითქმის კილომეტრიანი ტექნიკური გვირაბია. მონაკვეთი აშენდა მშრალ ხიდთანაც, ახლა მთლიანად დატბორილია. აშენდა საესკალატორო დაღმართი ვორონცოვზე, პატარა ტექნიკური გვირაბი "ელია". ყველაზე გრძელი გვირაბები 300 მეტრამდე იყო. ვაზისუბანში ნაწილობრივ აშენდა საესკალატორო გვირაბი, რომელიც ასევე დაიტბორა, ქვემოთ, სადგურის ადგილასაც გაკეთდა ტექნიკური გვირაბები.- მეორე, საბურთალოს ხაზს ხომ დაემატა 2 სადგური?- საბურთალოს ხაზზე მათი მშენებლობა 1985-86 წლებში დაიწყო და როდესაც შეწყდა, კონსტრუქციულად დასრულებული იყო. რაც შეეხება მესამე ხაზს, მას არავინ მიბრუნებია. კომუნისტების გათვლით, 2000 წელს უნდა დასრულებულიყო ეს ხაზი.- რატომ იგეგმებოდა მეტროს მშენებლობა დიდ დიღომში და დღეს რა პერსპექტივა აქვს ამ წამოწყებას?- თვითონ დიდი დიღმის დასახლებაც ხომ დაუსრულებელი დარჩა. ახლა კი ივსება, მაგრამ კომუნისტებს უფრო მაღალი სიმჭიდროვე ჰქონდათ დაგეგმილი. ვარკეთილისა და გლდანის მსგავსი მასიური დასახლება იყო ჩაფიქრებული. ასეთ დასახლებას, რა თქმა უნდა, მეტრო სჭირდებოდა. დღეს ისეთი მოცემულობა გვაქვს, რომ რაციონალური გადაწყვეტილება უნდა მივიღოთ. რა თქმა უნდა, თბილისი რომ მდიდარი ქალაქი ყოფილიყო, მეტროს ააშე­ნებდა, მაგრამ როდესაც არა გვაქვს ამისი ფუფუნება, ვიწყებთ იმ საშუალებით, რომელიც თითოეულ დახარჯულ ლარზე ქალაქში მაქსიმალური დაფარვის შესაძლებლობას მოგვცემს. ეს არის ავტობუსების ქსელი. რა თქმა უნდა, ავტობუსი ისე სწრაფად არ დადის, როგორც მეტრო, იმხელა ტევადობაც არა აქვს, სამაგიეროდ, რასაც ქალაქი დახარჯავდა მარტო დიდი დიღმის მეტროსადგურის მშენებლობაში, მისი 10%-იც­ არ სჭირდება მთელი ქალაქის ავტობუსების ქსელით დაფარვას. როცა ავტობუსების ქსელის გამტარუნარიანობა არ იქნება საკმარისი, მაშინ შეგვიძლია ვიმსჯელოთ უფრო მაღალი იერარქიის ტრანსპორტზე გადასვლაზე. ამის შემდეგ შეიძლება ტრამვაიზე ვიფიქროთ. სატრანსპორტო გენერალურ გეგმაში სწორედ ეგაა მოცემული - განიხილება დიდი დიღმიდან აღმაშენებლის და გელოვანის პროსპექტებზე ბასლაინების მოწყობა, მაგრამ შეიძლება დაემატოს ტრამვაის ხაზიც.ბოლო დროს ხშირად საუბრობენ დიდი დიღმის მეტროს საჭიროებაზე, დიდუბის მეტროდან გავიყვანოთო. თუმცა ყველაფერი დეტალურად თუ არ გავითვალისწინეთ, შესაძლოა პრობლემები შეიქმნას. საქმე ის არის, დღეს მეტრო მაღალი დატვირთვით მუშაობს. მგზავრთნაკადი დღიურად ხშირად ნახევარ მილიონს აჭარბებს. მინიმალური, ორწუთნახევრიანი ინტერვალებით დადიან მატარებლები და მაინც, ლიმიტს უახლოვდება,­ თავისი გამტარუნარიანობა აქვს მეტროს. თუ ახმეტელიდან წამოსულ ნაკადს დიდუ­ბეში დავამატებთ კიდევ დიდი დიღმის ნაკადს (ხომ იცით, საბურთალოს ხაზზე გადასასვლელში როგორი რთული სიტუაციაა, მარტო 1 დერეფანია, რომელიც ვერ უმკლავდება მგზავრთნაკადს), პერსპექტივაში საჭირო იქნება დამატებითი დერეფნის გაკეთება. წეღან მესამე ხაზის ისტორია რომ გიამბეთ, იქ 4 გადასაჯდომი იყო გათვალისწინებული. ისე იყო გათვლილი, მთელი მგზავრთნაკადი არ დასწოლოდა 1 წერტილს, განაწილებულიყო და არ გამოეწვია სისტემის გადატვირთვა. როცა ამხელა ხაზს უერთებ მარტო ერთ წერტილს, როგორ გაუძლებს?..- მოგყვებით ლოგიკაში და გეთანხმებით, მაგრამ... ქალაქი იზრდება და, ადრე თუ გვიან, მეტრო მაინც დაგვჭირდება.- აუცილებლად დაგვჭირდება, ოღონდ უნდა გაკეთდეს რამდენიმე გადასასვლელი­ წერტილით. ახლა ჩვენი ამოცანაა დავასრულოთ ბასლაინების სისტემა. ეტაპობრივად ჩამოდის 18-მეტრიანი ავტობუსები,­ მომავალ წელს მთლიანი პარტია იქნება­ შემოსული და უწყვეტი ბასლაინებით, წესით, სატრანსპორტო პრობლემები უნდა გაუმჯობესდეს. ესაა ხარჯთეფექტური გამოსავალი.- მაინც მგონია, რომ მეტროს საჭიროება მაინც დადგება.- აუცილებლად დადგება, ისევე როგორც ტრამვაის. ქალაქი იზრდება, ვითარდება. გავაკეთოთ საფეხურებრივად, გავაკეთოთ საავტობუსო დერეფნები, დავასრულოთ იმ სახით, როგორც არის განსაზღვრული. საზოგადოებრივი ტრანსპორტით სწრაფად და კომფორტულად უნდა იმგზავრო. საცობს მაინც ვერ ვუშველით, მაგრამ მთავარია ალტერნატივა გაჩნდეს. თუ დავინახეთ, რომ არც ბასლაინები ჰყოფნის,­ მერე ტრამვაის ხაზზე შეგვიძლია ვიფიქროთ. თუ ესეც არ ეყოფა, მერე უკვე მეტროზე ვიფიქროთ.წყარო: kvirispalitra.ge

1713257948

გამომდინარე იქიდან, რომ ეს პროცესი კომპლექსური და საპასუხისმგებლოა, ერთ-ერთი პარტნიორი, რომელიც საქართველოს ბანკმა ამ გზაზე შეარჩია, ყველა პარამეტრს აკმაყოფილებს. ქლაუდზე მიგრაციის მიმართულებით, საქართველოს ბანკი ამერიკულ AWS-თან თანამშრომლობს, რომელიც ქლაუდ-სერვისების უდიდესი მიმწოდებელია პლანეტაზე. ტექნოლოგიური კომპანიების თანამშრომლობა მრავალმხრივია და საქართველოს ბანკს წვდომას აძლევს, როგორც ინდუსტრიაში არსებულ საუკეთესო ტექნოლოგიურ გადაწყვეტებზე, ასევე AWS-ის მრავალწლიან, უნიკალურ გამოცდილებაზე.როგორც საქართველოს ბანკში ამბობენ, AWS-ი ბანკს უყურებს არა როგორც რიგით მომხმარებელს, არამედ საიმედო რეგიონულ პარტნიორს. შესაბამისად, კომპანიებს შორის ამგვარი თანამშრომლობა საქართველოს ბანკს მოგებიან პოზიციაში აყენებს, რადგან ასე, ბანკი და ბანკის მომხმარებლები იღებენ არამხოლოდ საუკეთესო ტექნოლოგიურ გადაწყვეტებს, არამედ უნიკალურ ნოუჰაუსა და ექსპერტულ ცოდნას.მაშ, რა დამატებით სარგებელს იღებს საქართველოს ბანკი AWS-თან თანამშრომლობით, როგორ გარემოში ინახება ბანკის მომხმარებლების პირადი მონაცემები და განვითარების რა ეტაპზე ქლაუდ-სტრატეგიის იმპლემენტაცია? ამ და სხვა საკითხებს, ამ ინტერვიუში, საქართველოს ბანკის ინფორმაციული ტექნოლოგიების დეპარტამენტის დირექტორის მოადგილესთან, ვაჟა მანტუასთან მიმოვიხილავთ.რამდენიმე წელია, რაც საქართველოს ბანკი ქლაუდ-სერვისების მსოფლიოს უდიდეს მიმწოდებელთან, ამერიკულ AWS-თან თანამშრომლობს. რა მიმართულებებს მოიცავს ეს ურთიერთობა?ჩვენი თანამშრომლობა საკმაოდ მრავალმხრივია, რადგან საქართველოს ბანკს AWS-ი უყურებს არამხოლოდ როგორც მომხმარებელს, არამედ საიმედო რეგიონულ პარტნიორს. აღნიშნული პარტნიორობის ფარგლებში AWS-ი ბანკის სერვისების მოდერნიზაციაში მონაწილეობს და მრავალ სფეროში საკუთარ დიდ გამოცდილებას გვიზიარებს, AWS-ის პროდუქტის განვითარების გუნდთან უშუალო ურთიერთობა გვაქვს. ერთობლივად ბევრ ვორქშოპსა და კონფერენციას ვმართავთ, რომლებზეც ერთმანეთს სიახლეებს ვუზიარებთ. ჩვენი საბოლოო მიზანია, ბანკში არსებული სისტემები და პლატფორმები მზად იყოს ქლაუდ-ტექნოლოგიაზე სრული მიგრაციისთვის, ხოლო დიდი ნაწილი - უშუალოდ ქლაუდში იყოს გადატანილი. გამომდინარე იქიდან, რომ ეს მიზანი სტრატეგიული ხასიათისაა, ამ მიმართულებით ვთანამშრომლობთ არამხოლოდ AWS-თან, არამედ ქლაუდ-სერვისების მიმწოდებელ ფაქტობრივად ყველა დიდ კომპანიასთან.AWS-თან თანამშრომლობის ფარგლებში, საქართველოს ბანკის მონაცემები AWS-ის დატაცენტრში, გერმანიაში ინახება. როგორ გარემოში ინახება ეს დატა, ანუ რამდენად დაცულია ბანკის ინფორმაცია?ევროპაში მდებარე დატაცენტრში ბანკის ყველა კრიტიკული მონაცემისა და პლატფორმის კოპირებას ვახდენთ. AWS-ის ეს დატაცენტრები ინდუსტრიაში არსებულ საუკეთესო გამოცდილებაზე და მონაცემთა უსაფრთხოების მართვის უმაღლეს სტანდარტზე არის დაფუძნებული, რაც ყველა იმ რეგულაციის შესრულებას გვიმარტივებს, რომლებიც ჩვენ, როგორც საბანკო-საფინანსო ინსტიტუტს გვაქვს. თუმცა, გარდა იმისა, რომ უსაფრთხოების პოლიტიკა და მასთან დაკავშირებული პროცედურები AWS-ის ცენტრში უპირობოდ არის დაცული, კომპანია მოქნილიცაა და ცდილობს, პარტნიორების მოთხოვნები გაითვალისწინოს და მათ იურისდიქციაში არსებულ რეგულაციებს მოერგოს. ჩვენი ერთობლივი პროექტის მიზანია, მომხმარებელს მივცეთ წვდომა მისთვის აუცილებელ ყველა სერვისზე, თანაც არამხოლოდ საქართველოდან, არამედ ევროპიდანაც. ამგვარად, საქართველოს ბანკი, გარკვეულწილად, ევროპაშიც ოპერირებს.რა სარგებელს იღებენ AWS-თან ამგვარი თანამშრომლობით ბანკი და მისი მომხმარებლები?ამ პარტნიორობით, პირველ რიგში, ჩვენი ტექნოლოგიური გუნდი იღებს დიდი გამოცდილებას, რომელსაც აქვს საშუალება გაიგოს და განიცადოს, თუ როგორ მუშაობს მსოფლიოს ერთ-ერთი წამყვანი კომპანია. AWS-ის ტექნოლოგიებთან და პროცესებთან უშუალო კავშირი გვაქვს, ანუ კომპანიის მდგრად, მასშტაბირებად და მოქნილ პლატფორმებს ვიყენებთ, რითაც ჩვენს მომხმარებელს თანამედროვე პროდუქტებს უფრო სწრაფად და ეფექტიანად ვთავაზობთ.რამდენიმე წლის წინ, საქართველოს ბანკში ციფრული ტრანსფორმაცია დაიწყო, რომლის მნიშვნელოვან ნაწილს ქლაუდ-სტრატეგიის განხორციელება წარმოადგენს. რა როლს ასრულებს ამ პროცესში AWS-ი?ტექნოლოგიური ტრანსფორმაციის პროექტი იმაზე სწრაფად მიმდინარეობს, ვიდრე წარმოგვედგინა. საქართველოს ბანკმა ქლაუდ-ტექნოლოგიაზე მიგრაციის სამწლიანი სტრატეგია შეიმუშავა, რომლის რეალიზაცია სამ ძირითად მიმართულებას უკავშირდება, ესენია - Cloud Governance Office, Cloud Platforming Office და FinOps Office. ევროპასთან უწყვეტ კავშირს ჩვენთვის გამოყოფილი 10G-ქსელის საშუალების უზრუნველვყოფთ. ამასთან, ადგილობრივ რეგულაციებთან შესაბამისობაში მოგვყავს არსებული SLA-ტიპის შეთანხმებები, შეგვიძლია ვთქვათ, რომ კრიტიკული კომპონენტების ქლაუდში გადასატანად ბოლო დეტალებს ვამუშავებთ.ბოლო პერიოდში, ქლაუდში გადავიტანეთ, როგორც საქართველოს მობაილ ბანკის თამაში, ასევე თხუთმეტამდე სხვადასხვა აპლიკაცია. ცხადია, ქლაუდში უკვე ატვირთული გვაქვს ყველა სისტემის ასლი და დამატებითი სატესტო სისტემები. ამ მხრივ, დიდი ქლაუდ-კომპანიები გვეხმარებიან და ჩვენც, როგორც მოქნილი ორგანიზაცია, ვცდილობთ, უკუკავშირი და მხარდაჭერა ყველა კომპანიისგან მივიღოთ, მათ შორის AWS-ისგან, Oracle-ისგან, Microsoft-ისა და Google-ისგან. ამ მხრივაც, ცხადია, ჩვენს მომხმარებელს არაერთ სიახლეს ვპირდებით მომავალში.

1713255660