Home » ახალი ამბები » ინტერნეტის თავისუფლების ინდექსში საქართველო თავისუფალ ქვეყნებს შორის მოხვდა
ინტერნეტის თავისუფლების ინდექსში საქართველო თავისუფალ ქვეყნებს შორის მოხვდა

ინტერნეტის თავისუფლების ინდექსში საქართველო თავისუფალ ქვეყნებს შორის მოხვდა

საერთაშორისო უფლებადამცველმა ორგანიზაციამ „ფრიდომ ჰაუსმა“ ინტერნეტის თავისუფლების (Freedom on the Net 2017) 2017 წლის ინდექსი გამოაქვეყნა. ინდექსში საქართველომ 24 ქულა მოიპოვა (0 ქულა ყველაზე თავისუფალი, 100 ქულა ყველაზე ნაკლებად თავისუფალი).

მსოფლიოს 65 ქვეყნიდან ინტერნეტის მხრივ თავისუფალ ქვეყნებს შორის სულ 16 ქვეყანა დასახელდა. ინდექსის ავტორები შეფასებისას სამ ძირითად კრიტერიუმს გამოყოფენ: ხელმისაწვდომობის შეზღუდვა, კონტენტზე ცენზურა და მომხმარებელთა უფლებების დარღვევა.

აღნიშნულ კრიტერიუმებში საქართველო ინტერნეტის ხელმისაწვდომობის კუთხით 7 ქულით შეფასდა, კონტენტზე ცენზურით – 6, მომხმარებელთა უფლებების დარღვევის მხრივ – 11 ქულით. აღსანიშნავია, რომ წინა წლის ინდექსთან შედარებით, საქართველომ პოზიცია ერთი ქულით გაიუმჯობესა.

Share