ახალი ამბები

სხვა სიახლეები
საქართველოს რკინიგზა - მოდერნიზაციის პროექტი, სალიანდაგო ინფრასტრუქტურ...

მოდერნიზაციის პროექტის სამშენებლო სამუშაოებს საერთაშორისო ტენდერით შერჩეული სამშენებლო კომპანია შპს ”ჩინეთის რკინიგზის 23-ე ბიუროს ჯგუფი“ აწარმოებს. პროექტს საინჟინრო ზედამხედველობას ასევე საერთაშორისო ტენდერში გამარჯვებული ავსტრიულ-გერმანული კონსორციუმი ILF (ILF Consulting Engineers) და DB (Deutsche Bahn) უწევს. სახელშეკრულებო თანხა დაახლოებით 249 მლნ შვეიცარული ფრანკია. აღსანიშნავია, რომ ამ თანხის გარდა, პარალელურად, „საქართველოს რკინიგზის“ შემოსავლებიდან სამუშაოებისთვის დაიხარჯა დაახლოებით 400 მლნ ლარი.გარდა იმისა, რომ მოდერნიზაციის დასრულების შედეგად საქართველოს სარკინიგზო დერეფნის გამტარუნარიანობა თითქმის გაორმაგდება, მნიშვნელოვანია ის, რომ ყველაზე რთულ, საუღელტეხილო უბანზე არსებითად გაუმჯობესდება ინფრასტრუქტურა, კერძოდ: მატარებლების მსვლელობის დრო დაახლოებით 40-50 წუთით შემცირდება გასწორდება სამანევროდ რთული მრუდები და შემცირდება ქანობები, რაც სარკინიგზო მიმოსვლის უსაფრთხოების სტანდარტების ზრდის პირდაპირ პროპორციულია წელიწადში 27 მლნ ტონა ტვირთის გატარების ნაცვლად, საქართველოს რკინიგზას მიეცემა შესაძლებლობა წელიწადში 48 მლნ ტონა ტვირთი გაატაროს შემცირდება ყოველწლიური საექსპლუატაციო ხარჯები არანაკლებ 10 %-ით. ამ დროისათვის სამშენებლო სამუშაოების 98% შესრულებულია. მოდერნიზაციის პროექტის ძირითადი მაჩვენებლები:კონტრაქტორი კომპანია აწარმოებს სამუშაოებს ხაშური-ზესტაფონის მონაკვეთზე, კერძოდ, ხაშური-მოლითის და ხარაგაული-ზეტაფონის უბნებზე. ორივე უბნის სრული სამშენებლო სიგრძე შეადგენს ორმოც (კერძოდ 40, 281) კმ-ს. ზეტაფონი-ხარაგაულის უბანზე სამუშაოები დასრულებულია, გახსნილია მატარებელთა მოძრაობა.გვირაბები: IX გვირაბი - ორი ცალკეული მიმართულება, სიგრძე 8300 მ VIII გვირაბი -ერთ მილიაიანი გვირაბი, სიგრძე - 1130 მ VII გვირაბი - ერთ მილიანი გვირაბი, სიგრძე - 2150 მ XI გვირაბი -ერთ მილიანი გვირაბი, სიგრძე - 860 მ XII გვირაბი- ერთ მილიანი გვირაბი, სიგრძე - 1095 მ X გვირაბი - ერთ მილიანი გვირაბი, სიგრძე - 975 მ გვირაბების მშენებლობა დასრულებულია. სულ გვირაბების სიგრძეა 14, 510 მ. აქედან აღსანიშნავია, რომ მეცხრე გვირაბი ამიერკავკასიაში ყველაზე გრძელ სარკინიგზო გვირაბს წარმოადგენს.ხიდები:10 სარკინიგზო ხიდიხიდების მშენებლობა დასრულებულია. მათი საერთო სიგრძეა: 1185,6 მ.მიწის ვაკისი:ამ ეტაპზე ზესტაფონი-ხარაგაულის უბანზე მიწის ვაკისის სამუშაოები დასრულებულია.ხაშური-მოლითის უბანი პირობითად შესაძლებელია დაიყოს 4 მონაკვეთად: მონაკვეთი ხაშურიდან მე-9 გვირაბის აღმოსავლეთ პორტალამდე - მიწის ვაკისი და ხელოვნური ნაგებობები დასრულებულია, მიმდინარეობს ინფრასტრუქტურული სამუშაოები. მონაკვეთი მე-9 გვირაბის დასავლეთ პორტალიდან სოფელ ანეულამდე - მიწის ვაკისი და ხელოვნური ნაგებობები დასრულებულია, მიმდინარეობს ინფრასტრუქტურული სამუშაოები სადგური მოლითის ინფრასტრუქტურის რეკონსტრუქცია - აქტიურად მიმდინარეობს სამუშაოების დასკვნითი ფაზა სადგურ მოლითის ინფრასტრუქტურული განვითარება, მიწის ვაკისის მშენებლობა მესამე ლიანდაგის მოსაწყობად და მოძრაობის გადასართავად - მიმდინარეობს აქტიური სამუშაოები სადგურები: (პროექტის ფარგლებში აშენდა 3 ახალი სადგური) ქვიშხეთის სადგური - დასრულებულია მოლითის სადგური - მიმდინარეობს მშენებლობა ძირულას სადგური - დასრულებულია ქვესადგურები:ამ დროისათვის მიმდინარეობს ქვიშხეთის ქვესადგურის მშენებლობა და მოლითის ქვესადგურის რეკონსტრუქცია.როგორც უკვე აღინიშნა, საქართველოს რკინიგზის მოდერნიზაციის პროექტის სამუშაოების 98% შესრულებულია, პროექტის დასრულება კი შემოდგომაზე იგეგმება.მოდერნიზაციის პროექტის მიმდინარეობის პროცესში არსებითად მნიშვნელოვანი იყო სარკინიგზოს ინფრასტრუქტურის გათვალისწინება. როგორც მოგეხსენებათ, საქართველოს რკინიგზა ინტეგრირებულია 1520 მმ ლიანდაგის სარკინიგზო ინფრასტრუქტურის სისტემაში. ამ ტიპის ლიანდაგი, რომელიც საქართველოში საუკუნე-ნახევარია დაიგო, ასევე აქვს ესტონეთს, ფინეთს, ლიეტუვას, ლატვიას და გეოგრაფიულად ერთმანეთთან დაკავშირებულ პოსტსაბჭოთა ყველა ქვეყანას, სადაც ყველა სარკინიგზო ინფრასტრუქტურული ობიექტი (ხიდები, გვირაბები, მიწის ვაკისი, ლიანდაგის ზედნაშენი, საკონტაქტო ქსელი, სიგნალიზაციის მოწყობილობები) და შესაბამისად, მოძრავი შემადგენლობა (ელექტრომატარებლები, ლოკომოტივები, ვაგონები, სალიანდაგო მანქანები და სხვა სარელსო ტრანსპორტი) აკმაყოფილებს და სავალდებულოდ უნდა აკმაყოფილებდეს ერთიანი სარკინიგზო სივრცის ერთგვაროვან სტანდარტს. უნდა აღინიშნოს, რომ სარკინიგზო ინფრასტრუქტურის კომპონენტები თუ მოძრავი შემადგენლობაც ერთიანი სივრცის შემადგენელი სარკინიგზო ადმინისტრაციების საჭიროებისათვის უმეტესწილად პოსტსაბჭოთა ქვეყნებში იწარმოება, თუმცა თუკი წარმოება დაწესებულ ერთიან სტანდარტს დააკმაყოფილებს, თავისთავად ამ მიმართულებით მოწოდების ბაზრების არეალიც გაფართოვდება და კონკურენტუნარიანობაც გაიზრდება, რაც საქართველოს რკინიგზისათვისაც სასიცოცხლოდ მნიშვნელოვანია.აღსანიშნავია ისიც, რომ მიუხედავად იმ გავრცელებული მოსაზრებისა, რომ ბოლო ათწლეულში რიგ 1520 ლიანდის მქონე ქვეყნებში მუსირებს ვიწრო, ევროპული სტანდარტის ლიანდაგზე ნაწილობრივ გადასვლის იდეებიც, ეს მეტწილად დაფუძნებულია მათ გეოგრაფიულ მდებარეობაზე ანუ უშუალო სარკინიგზო კავშირის არსებობაზე ევროპულ სარკინიგზო სისტემასთან და ამასთანავე უდიდეს ფინანსურ რესურსებსა თუ დროის ფაქტორებთან არის დაკავშირებული. საქართველოში არსებული რკინიგზის (1520) სისტემიდან ევროპულ (1435) სისტემაზე გადასვლა ახალი რკინიგზის მშენებლობას გულისხმობს. დღესდღეობით ამაზე საუბარი საკმაოდ არაგონივრულია. ახალი რკინიგზის მშენებლობა ითვალისწინებს სალიანდაგო ხაზის სრულად შეცვლას, ელექტრომომარაგებისა და სიგნალიზაცია/ცენტრალიზაცია/ბლოკირების სისტემების, ასევე მოძრავი შემადგენლობის განახლებას. აქვე უნდა აღინიშნოს, რომ საქართველოს გარდა, ლიანდაგი და ინფრასტრუქტურა უნდა შეიცვალოს საქართველოს რკინიგზის მეზობელ და პარტნიორ ქვეყნებში, რადგან საქართველოს რკინიგზა მუდმივ თანამშრომლობაშია სხვა ქვეყნების რკინიგზებთან.თუმცა ხაზგასასმელია, რომ სწორედ ერთიან ვიწროლიანდაგიან სისტემასთან ინტეგრირების მიზნით თურქეთთან დამაკავშირებელი სარკინიგზო მონაკვეთი (ახალქალაქი (საქ) - ყარსი (თურქ)) სწორედ ამგვარად არის დაპროექტებული და აშენებული. არსებითად მნიშვნელოვანია ახლადაშენებული ახალქალაქის სადგური, რომელიც საშუალებას იძლევა როგორც სხვადასხვა ლიანდაგის ვაგონიდან ვაგონში ტვირთის გადატვირთვის, ასევე ვაგონის ურიკების შეცვლის გზით და შესაბამისად გადატვირთვის გარეშე მოძრავი შემადგენლობის/ტვირთის გადაცემის შესაძლებლობას თურქეთის/დან მიმართულებაზე.როგორც უკვე აღინიშნა, საქართველოს რკინიგზის ევროპულ სტანდარზე გადასვლა ყოველგვარ გონივრულობას არის მოკლებული. პირველ რიგში მისი ინფრასტრუქტურა თავსებადია ,,შუა დერეფნის’’ მონაწილე ქვეყნების სტანდარტებთან. ამას გარდა, ევროპულ სტანდარზე გადასვლა მილიაროდობით დანახარჯებთან და დროის ფაქტორთან არის დაკავშირებული. სამშენებლო კომპანიის მოძიებას და შემდეგ აშენებას დაახლოებით 10 წელი დასჭირდება.გამომდინარე ზემოთჩამოთვლილი ფაქტორებიდან, საქართველოს რკინიგზის არსებული ინფრასტრუქტურა და ლიანდაგი სრულად აკმაყოფილებს მისი გამართულად ფუნქციონირებისთვის დადგენილ სტანდარტებს. გასათვალისწინებელია, რომ საქართველოს რკინიგზა ასევესაზღვაო პორტებისა და საბორნე გადასასვლელების მეშვეობით უკავშირდება ბულგარეთის, რუმინეთის (1435 მმ) და უკრაინის რკინიგზებს. რეგიონის ქვეყნებიდან მხოლოდ თურქეთის რკინიგზასთან (1435 მმ) გვაქვს განსხვავებული სარკინიგზო ლიანდაგის სიგრძე, სადაც ახალი სარკინიგზო ხაზი (ბაქო-თბილისი-ყარსი) აიგო საქართველოს, აზერბაიჯანისა და თურქეთის ერთობლივი ძალისხმევით. შეგახსენებთ, რომ ბაქო-თბილისი-ყარსის მიმართულებაზე ამ დროისათვის სამშენებლო სამუშაოები მიმდინარეობს, რომელიც უახლოეს პერიოდში დასრულდება. მიმოსვლა დროებით შეჩერებულია. სატესტო რეჟიმში სატვირთო გადაზიდვები 2018 წლიდან ხორციელდებოდა.და ბოლოს, კიდევ ერთხელ უნდა აღინიშნოს, რომ საქართველოს რკინიგზა არის არსებთად მნიშვნელოვანი მარშრუტის ,,შუა დერეფნის“ მონაწილე ქვეყანა. კომპანია პარტნიორებთან ერთად მუდმივად მუშაობს მარშრუტის განვითარებაზე, რომელიც ტვირთებს ჩინეთიდან ევროპის მიმართულებით და პირიქით შუა აზიის ქვეყნების, კასპიის ზღვის, აზერბაიჯანის, საქართველოსა და თურქეთის გავლით ატარებს. სწორედ ერთიანი სტანდარტი და მისი ურთიერთთავსებადობაა პარტნიორ, „შუა დერეფნის“ ქვეყნებთან ის ფაქტორი, რომელიც მიმზიდველს ხდის მარშრუტს და უზრუნველყოფს ტვირთების შეუფერხებელ მსვლელობას. საქართველოს რკინიგზა კი თავის მხრივ, სწორედ ამ პრიზმისა და ქვეყნის ინტერესების გათვალისწინებით ოპერირებს.

1711619984

BAG: დასაქმების ბარომეტრის მაჩვენებელი გაუმჯობესდა

აღსანიშნავია, რომ დასაქმების ბარომეტრი ასახავს კომპანიების მოლოდინს მომავალ სამ თვეში დასაქმების სავარაუდო ცვლილების შესახებ.მიმდინარე კვარტალში, მონაცემები გაუმჯობესებულია ყველა სექტორში, მრეწველობის სექტორის გარდა, სადაც შესაბამისი მაჩვენებელი 18.2 ქულით არის შემცირებული წინა კვარტლის მონაცემთან შედარებით. აღნიშნული შეფასება, განპირობებულია ამავე სექტორში დაფიქსირებული პესიმისტური მოლოდინით გაყიდვების მიმართულებით.უნდა აღინიშნოს, რომ დასაქმებულთა რაოდენობასთან ერთად, კვლევის ანგარიშში ასევე განხილულია, კომპანიებში დასაქმებულთა ანაზღაურების დინამიკაც. გამოკითხვის შედეგების მიხედვით, 2024 წლის პირველ კვარტალში კომპანიების 48%-მა გაზარდა დასაქმებულთა ხელფასები, სადაც სექტორებს შორის, ვაჭრობის სექტორი გამოირჩევა, კერძოდ სექტორში გამოკითხული კომპანიების 61%-მა გაზარდა დასაქმებულთა ანაზღაურება მიმდინარე კვარტალში.საგულისხმოა ასევე, რომ გამოკითხულთა 87%-ის განცხადებით, აღნიშნული სახელფასო ზრდა 0-20%-იან შუალედში დაფიქსირდა.ინფორმაციისთვის, BAG ინდექსს საქართველოს ბიზნეს ასოციაცია და PMC კვლევითი ცენტრი ifo ეკონომიკური კვლევების გერმანული ინსტიტუტის მეთოდოლოგიაზე დაყრდნობით აწარმოებს ყოველკვარტალურად.კვლევის ანგარიში შეგიძლიათ იხილოთ ბმულზე.

1711618806

თიბისის მხარდაჭერით, თბილისი ჰილსში განსხვავებული კონცეფციის აპარტამენ...

ტერიტორიაზე ახალი აპარტამენტების 3 ოთხსართულიანი შენობა აშენდება. თითოეულ შენობაში კი 44 აპარტამენტი იქნება.თბილისი ჰილსის ახალი აპარტამენტები მომავალი მცხოვრებლების სურვილებსა და საჭიროებებზე მორგებული, საერთაშორისო სტანდარტების, თანამედროვე საცხოვრებელი სივრცე იქნება.პროექტს სამი ფაქტორი გამოარჩევს: პირადი სივრცის განცდა, უმაღლესი ხარისხის სტანდარტები და რეკრეაციული სივრცეები.პირადი სივრცის განცდათითოეულ აპარტამენტში 3.4-3.6 მეტრი სიგრძის სლაიდური ვიტრაჟები სივრცის შეგრძნებას შეუწყობს ხელს. იზოლირებული აივნები და ხმაგაუმტარი კედლები კი მცხოვრებლების პირად სივრცეს უზრუნველყოფს.აპარტამენტების დიდი ტერასები იძლევა საშუალებას რეკრეაციული გარემოს შესაქმნელად და მცენარეების გასამრავლებლად. რამდენიმე ტერასაზე, სურვილის შემთხვევაში, გამოყოფილი იქნება ადგილი აუზისთვისაც. არასასურველი მზის სხივებისგან დასაცავად კი, თითოეული ტერასა აღჭურვილი იქნება საჩრდილობელი სისტემით.მაღალი ხარისხის სტანდარტებიაპარტამენტების მშენებლობისას, გამოყენებული იქნება უმაღლესი ხარისხის ევროპული სამშენებლო მასალა. პროექტში გათვალისწინებული იქნება გამართული ინფრასტრუქტურა, სახანძრო უსაფრთხოება და ლიფტი. შენობა ადაპტირებული იქნება შშმ პირებისთვისაც. ყოველი შენობის მიწისქვეშა სართული დაეთმობა პარკინგს, სადაც ასევე მოეწყობა სპეციალური სივრცეები და სათავსოები მცხოვრებლების ნივთების შესანახად.აპარტამენტები ბარდება თეთრი კარკასის კონდიციით, ინტერიერის პროექტირება კი, საშუალებას იძლევა შეიქმნას დახვეწილი და გამორჩეული დიზაინი.რეკრეაციული სივრცეებითბილისი ჰილსის აპარტამენტებს მზის ელემენტებზე მომუშავე, თვითგაგრილებადი ატრიუმიც გამოარჩევს, რომელიც კომფორტული ავეჯითა და მცენარეებით აღჭურვილი, მოსასვენებელი სივრცე იქნება აპარტამენტებს შორის.აპარტამენტების წინ, რეკრეაციული ზონაც მოეწყობა, რომელიც გააერთიანებს: სტადიონს, პარკს, ბავშვთა გასართობ კუთხეს და სხვა. ასევე, კომპლექსის ტერიტორიაზე მცხოვრებლებს საშუალება ექნებათ ისარგებლონ საქართველოში გოლფის პირველი პროფესიონალური მოედნებით.იმისათვის, რომ მცხოვრებლების ყოველდღიურობა მაქსიმალურად კომფორტული იყოს, აპარტამენტებთან ახლოს აშენდება კომერციული სივრცე, სადაც განთავსდება მაღაზიები, აფთიაქი, კაფე და სხვა.პროექტის შესახებ დამატებით დეტალებს გაეცანით ბმულებზე:https://www.facebook.com/TbilisiHillsGolfResidenceshttps://tbilisihills.com/index_ge.html

1711614180

თიბისის შეხვედრები „გლობალური ფულის კვირეულის“ ფარგლებში

კამპანია „გლობალური ფულის კვირეული“ საქართველოში, ეროვნული ბანკის ინიციატივით, უკვე მეათედ ჩატარდა. მსოფლიოში კი, კვირეული 2012 წლიდან 170-ზე მეტ ქვეყანაში, ყოველწლიურად, გაზაფხულზე იმართება. მისი მთავარი მიზანი, ბავშვებსა და ახალგაზრდებში ფინანსური, ეკონომიკური და სამეწარმეო ცნობიერების ამაღლებისა და ამ მიმართულებების პოპულარიზაციის ხელშეწყობაა.თიბისი, ყოველწლიურად, აქტიურადაა ჩართული კვირეულში და ცნობიერების ამაღლების მიზნით, სხვადასხვა საინფორმაციო კამპანიებს ატარებს, როგორც სოციალური ქსელებში ასევე, ფიზიკურ გარემოში.გარდა ამისა, საქართველოს ეროვნულ ბანკთან და მასთან არსებულ, ფინანსური განათლების პლატფორმა - ფინედუსთან ერთად, თიბისი მონაწილეობს მოსწავლეთა და მასწავლებლების სხვადასხვა შემეცნებით-საინფორმაციო კამპანიებში. 

1711611480

ხუთშაბათის შეხვედრების ფოკუსში თაობა Z იქნება

დაინტერესებულ პირებს რიგით მეხუთე ღონისძიებაზე თიბისი ბიზნესისთვის ახალი თემით უბრუნდება -  თაობა Z რა ვიცით და რა არ ვიცით მათზე?დისკუსიის მთავარი ფოკუსი თაობა Z იქნება. დღეს ორგანიზაციები და ბრენდები საინტერესო გამოწვევის წინაშე დგანან, სხვადასხვა თაობის ადამიანებს ერთ სივრცეში და გარემოში უწევთ მუშაობა. როგორ შეიცვალა დრო? როგორ უნდა ვადაპტირდეთ ახალი რეალობისთვის? რა უნდა გავითვალისწინოთ და რა არ უნდა გავითვალისწინოთ. მითები და რეალობა თაობა Z-ის შესახებ.დისკუსიაში მონაწილეობას მიიღებენ : მედეა ტაბატაძე ინსორსის მმართველი დირექტორი, ბესო კაჭარავა - პოსტრედის დამფუძნებელი და გვანცა მურღვლიანი - თიბისის ადამიანური კაპიტალის მართვის ლიდერი.“ხუთშაბათის შეხვედრების” მიზანია წარმოაჩინოს სხვადასხვა ინდუსტრიის შიგნით მიმდინარე პროცესები, სპეციფიკაციები და ბაზარზე არსებული მოთამაშეების განსხვავებული სტრატეგიები ბიზნესის სხვადასხვა საჭიროებებზე.სარეგისტრაციო ლინკი: https://forms.gle/MhypuaReC5EFNypu9

1711547520

BAG ინდექსი: კვალიფიციური კადრების დეფიციტზე გამოკითხული ბიზნესის 67%...

მიმდინარე კვარტალში, ასევე გამწვავდა, სამუშაო ძალის დეფიციტთან დაკავშირებული პრობლემა, ხოლო წინა კვარტალთან შედარებით, 15 და 7 პროცენტული პუნქტებით შემსუბუქდა ეროვნული ვალუტის გაცვლითი კურსის არასტაბილურობისა და მოთხოვნის სიმცირის პრობლემები.სექტორებს შორის, სპეციალისტების ნაკლებობის პრობლემა ყველაზე მწვავედ მშენებლობის და მრეწველობის სექტორებში დაფიქსირდა, ხოლო წინა კვარტალთან შედარებით, იგივე პრობლემა შემსუბუქდა ვაჭრობისა და მომსახურების სექტორებში.აღსანიშნავია, რომ სამუშაო ძალის ნაკლებობა, როგორც ბიზნესსაქმიანობის ხელის შემშლელი ფაქტორი 37 და 24 პროცენტული პუნქტებით გამწვავდა ვაჭრობისა და მრეწველობის სექტორებში, ხოლო მშენებლობისა და მომსახურების სექტორებში შემსუბუქდა.საგულისხმოა, რომ სამართლებრივი და ადმინისტრაციული ბარიერები წინა კვარტალთან შედარებით მხოლოდ 1 პროცენტული პუნქტით გაიზარდა, თუმცა განმაპირობებელ ფაქტორებს შორის, კომპანიების 85%-მა მარეგულირებელი გარემო დაასახელა მთავარ ხელისშემშლელ ფაქტორად.შეჯამების სახით, შეიძლება ითქვას, რომ ბიზნესსაქმიანობისთვის ხელის შემშლელი ფაქტორების არსებობაზე 2024 წლის პირველ კვარტალში,  გამოკითხული ბიზნესის 58% საუბრობს, რაც 6 პროცენტული პუნქტით აღემატება წინა კვარტლის მონაცემებს.შეგახსენებთ, რომ BAG ინდექსი წარმოადგენს საქართველოში ბიზნესგარემოს შეფასების მნიშვნელოვან ინდიკატორს, რომელსაც საქართველოს ბიზნეს ასოციაცია და PMC კვლევითი ცენტრი ifo ეკონომიკური კვლევების გერმანული ინსტიტუტის მეთოდოლოგიაზე დაყრდნობით აწარმოებენ.კვლევის ანგარიში შეგიძლიათ იხილოთ ბმულზე.

1711543462