Home » საზოგადოება » 1-ლი ოქტომბრიდან ტექნიკური ინსპექტირება 3,000 კუბ/სმ ძრავის მქონე ყველა ავტომობილისთვის სავალდებულო ხდება
1-ლი ოქტომბრიდან ტექნიკური ინსპექტირება 3,000 კუბ/სმ ძრავის მქონე ყველა ავტომობილისთვის სავალდებულო ხდება

1-ლი ოქტომბრიდან ტექნიკური ინსპექტირება 3,000 კუბ/სმ ძრავის მქონე ყველა ავტომობილისთვის სავალდებულო ხდება

2018 წლის 1-ლი ოქტომბრიდან საქართველოში ავტოსატრანსპორტო საშუალებების პერიოდული ტექნიკური ინსპექტირების მესამე ფაზა ამოქმედდება. ინსპექტირება სავალდებულო იქნება ყველა ავტომობილისთვის, რომლის ძრავის მოცულობა 3,000 კუბური სმ ან მეტია.

ავტომობილი მოწმდება შემდეგ პარამეტრებზე: გამონაბოლქვი, სამუხრუჭე სისტემა, საჭის მექანიზმი, სავალი ნაწილები, საბურავები, ხილვადობა, ფარები, შუქამრეკლები და ელექტრომოწმობილობა. ტექნიკური ინსპექტირების გავლა შესაძლებელია მთელი საქართველოს მასშტაბით განთავსებულ ინსპექტირების ცენტრებში.

ავტოსატრანსპორტო საშუალებები პერიოდულ ტექნიკურ ინსპექტირებას დაექვემდებარებიან მათი კატეგორიისა და რეგისტრაციის თარიღის (თვისა და რიცხვის) მიხედვით. აღნიშნული ვადის გასვლის შემდეგ, მათ მიმართ გამოყენებული იქნება საჯარიმო სანქციები.

პერიოდული ტექნიკური ინსპექტირების პროცესის საინფორმაციო ხელშეწყობის მიზნით, სახმელეთო ტრანსპორტოს სააგენტოში შექმნილია ცხელი ხაზი (1484), რომელიც მუშაობს ყოველ სამუშაო დღეს 10:00 – დან 18:00 სთ-მდე. ქოლ-ცენტრი ასევე იმუშავებს 29-30 სექტემბერს (შაბათ-კვირას) 10:00 – დან 18:00 სთ-მდე.

Share