Home » საზოგადოება » ქართველმა ახალგაზრდამ შშმ პირებისთვის ინოვაციური ეტლი – Non stop შექმნა
ქართველმა ახალგაზრდამ შშმ პირებისთვის ინოვაციური ეტლი – Non stop შექმნა

ქართველმა ახალგაზრდამ შშმ პირებისთვის ინოვაციური ეტლი – Non stop შექმნა

დემირელის კოლეჯის მოსწავლე კარლო ხუციშვილი საზოგადოებას კიდევ ერთ ინოვაციურ გამოგონებას სთავაზობს. Non stop – ასე ეწოდება მოდერნიზირებულ ეტლს, რომელიც მეთორმეტე კლასელმა ინოვატორმა შექმნა.

დამამთავრებელი კლასის მოსწავლე უკვე არაერთი პროექტის ავტორია.  ახალგზარდა გამომგონებელი უკვე სამჯერ იყო მილენიუმის გამომგონებელთა პროექტის ფინალისტი. მის სხვადასხვა გამარჯვებებსა და წარმატებებს  შორისაა: ნასაში მოგზაურობა, წლის ინოვატორის ტიტული, IYIPO-ს ოქროს მედალი, პირველი ადგილის ათასწლეულის გამომგონებელთა კონკურსში და სხვა მრავალი აღიარება.

წელს კარლომ ახალი პროექტი თავის მეგობრებთან, ეტლით მოსარგებლე ახალგაზრდებთან ერთად შექმნა და მილენიუმი გამომგონებელთა პროექტის ფინალშიც მოხვდნენ. პროექტი Non Stop – შშმპ ეტლების უსაზღვრო შესაძლებლობების სრულიად ახალი მოდელია. მასზე კარლომ ნინო აბელაშვილთან ერთად იმუშავა. ახალტექნოლოგიური  გამოგონება ეტლით მოსარგებლეთათვისაა შექმნილი, რომლის საშუალებითაც შშმ პირები ფაქტობრივად “შეუჩერებლად”-დაბრკოლებების სწრაფი გადალახვით შეძლებენ გადაადგილებას და დანიშნულების ადგილის მიღწევას.

ახალი გამოგონების  საშუალებით, შესაძლებელია ეტლით მოსარგებლისთვის უსაფრთხოდ გადაადგილება სხვისი დახმარების გარეშე. იგი იძლევა გზის კონტროლის და ეტლის ამინდის შესაბამისად ადაპტირების საშუალებასაც. ამასთან, აღნიშნული პროექტით შეიძლება ეტლის მორგება ხელის მტევნის პრობლემის მქონე, ეტლით მოსარგებლე პირებზე. მნიშვნელოვანია ისი, რომ სპეციალური პროგრამა და GPS აგვარებს პარკირების პრობლემას.

ახალგაზრდების პროექტისადმი ინტერესი საკმაოდ დიდია  და გამომგონებლების შემდგომი ეტაპი ინოვაციური ეტლის მაქსიმალურად დახვეწა, გაუმჯობესება და ბიზნეს პარტნიორის მოძიებაა.

Share