Home » ახალი ამბები » მეთადონის პროგრამაში მონაწილეე პირებს 5-დღიანი პერიოდისთვის საჭირო დოზას სახლში გაატანენ

მეთადონის პროგრამაში მონაწილეე პირებს 5-დღიანი პერიოდისთვის საჭირო დოზას სახლში გაატანენ

ჯანდაცვის მინისტრის მოადგილის თამარ გაბუნიას განცხადებით, მეთადონის პროგრამაში მონაწილე პირებისთვის უკვე დაშვებულია გამონაკლისი და მათ 5 – დღიანი პერიოდისთვის საჭირო მომატებულ დოზას სახლში გაატანენ.

როგორც მან საკოორდინაციო საბჭოს სხდომის დასრულების შემდეგ განაცხადა, ტრანსპორტის შეზღუდვის გამო, სოციალური მომსახურების სააგენტო გუშინ საღამოდან მუშაობს დეტალურ სიებსა და საჭიროებებზე, იმ პირებისთვის, რომლების ჯანდაცვის პროგრამებში არიან ჩართულები.

„მუშავდება დიალიზის პროგრამაში მყოფი პირებთან დაკავშირებული საკითხები, ასევე მეთადონის პროგრამისთვის უკვე არის დაშვებული გამონაკლისის სახით გარკვეული პირობები, რაც ითვალისწინებს მედიკამენტების შედარებით უფრო მომატებული დოზის ბინაზე გატნევას, 5 – დღიანი პერიოდისთვის. ტრანსპორტირებასთან დაკავშირებულ პროგრამებზე, ინდივიდუალურად ყველა პროგრამის ფარგლებში მუშაობს სოციალური მომსახურების სააგენტო და არცერთ პაციენტს არ შეექმნება პრობლება,” – განაცხადა თამარ გაბუნიამ.

Share