Home » საზოგადოება » დიმიტრი მედოევი: სამხრეთ ოსეთი მზად არის, კატალონიის დამოუკიდებლობის აღიარების საკითხი განიხილოს
დიმიტრი მედოევი: სამხრეთ ოსეთი მზად არის, კატალონიის დამოუკიდებლობის აღიარების საკითხი განიხილოს

დიმიტრი მედოევი: სამხრეთ ოსეთი მზად არის, კატალონიის დამოუკიდებლობის აღიარების საკითხი განიხილოს

სამხრეთ ოსეთი მზად არის, კატალონიის დამოუკიდებლობის აღიარების საკითხი განიხილოს, – ამის შესახებ „რია ნოვოსტის“ ოკუპირებული სამხრეთ ოსეთის დე ფაქტო საგარეო საქმეთა მინისტრმა დიმიტრი მედოევმა განუცხადა.

„ცოტა ხნის წინ დავბრუნდი ბარსელონადან, სადაც ჩვენი წარმომადგენლობის ოფისი გავხსენით. სამხრეთ ოსეთის ხელისუფლება განიხილავს კატალონიის დამოუკიდებლობის აღიარების საკითხს, თუ კატალონიიდან შესაბამის მიმართვას მივიღებთ“, – განაცხადა მედოევმა.

კატალონიის პარლამენტმა გუშინ კენჭი უყარა რეგიონის დამოუკიდებლობის შესახებ დეკლარაციას. დამოუკიდებლობას კატალონიის პარლამენტის 70 წევრმა დაუჭირა მხარი, ხოლო 10 წევრი წინააღმდეგ წავიდა.

გუშინვე ესპანეთის სენატმა დაამტკიცა ქვეყნის მთავრობის ინიციატივა კონსტიტუციის 155-ე მუხლის ამოქმედებაზე, რაც კატალონიისთვის ავტონომიის დროებით შეჩერებას ითვალისწინებს.

ესპანეთის მთავრობის თავმჯდომარე მარიანო რახოიმ კატალონიის მთავრობის თავმჯდომარე, მისი მოადგილე და კატალონიის მთავრობის ყველა წევრი გადააყენა.

Share